完整藏文原文 · 德格版页 当前仅加载第 95 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་ཚེས་གཅིག་ལ་བརྩམས་ཏེ་ཀར་བཱི་ར་དམར་པོ་ཡུངས་མར་གྱི་ནང་དུ་སྨྱུགས་པ་དང་། ཨརྐའི་ཡམ་སྲེག་ཤིང་གིས་སྦྱིན་སྲེག་བྱ་སྟེ་ཆོ་ག་འདི་ནི་སྔ་མ་བཞིན་ནོ། །མེ་ཏོག་དཀར་པོས་བྱ་ནའང་ཡམ་སྲེག་ཤིང་ནི་སྔ་མ་ཉིད་དེ། མར་གྱི་ནང་དུ་སྨྱུགས་པར་བྱའོ། །
D746.095.0115a01.01ལས་འདི་རྣམས་གཉིས་ཏེ་དགྲ་སྡིག་ཅན་ལ་བྱའོ། །རྩོད་པའི་སའམ་གྲོང་གི་ལོགས་སུ་རླུང་ཕྱོགས་གང་ནས་འགྲོ་བ་དེར་ཉེའུ་ཤིང་དུམ་བུ་དུམ་བུར་གཏུབས་པ་དང་། བ་ལ་ཤའི་ཡམ་སྲེག་ཤིང་གིས་སྦྱིན་སྲེག་བྱ་སྟེ་ལྷ་བཤོས་སུ་ཞོ་དང་འབྲས་ཆན་སྦྱར་བ་དབུལ་ཞིང་སྨྱུང་བ་བྱས་པས་
D746.095.0115a02.01བྱ་སྟེ། སྐུ་གཟུགས་ཀྱི་ཆོ་ག་ནི་སྔ་མ་བཞིན་ནོ། །དགྲའི་བ་ལང་ངམ། མ་ཧེ་རྣམས་མ་རུང་པར་བྱ་ན་བ་ལང་གི་ཤ་དང་མ་ཧེའི་ཤས་སྦྱིན་སྲེག་བྱའོ། །རྡོ་རྗེ་ཁུ་ཚུར་གྱི་ཆོ་གའི་སྐབས་སུ་ལྷ་བཤོས་དབུལ་ཞེས་འབྱུང་བ་ཀུན་རྡོ་རྗེ་ཁུ་ཚུར་ཉིད་དབུལ་མི་རྣམས་ལ་ནི་མི་ཤས་སྦྱིན་
D746.095.0115a03.01སྲེག་བྱའོ། །ཚ་བ་གསུམ་དང་སྐེ་ཚེ་འབྲུ་མར་དང་སྦྱར་བའི་སྦྱིན་སྲེག་ཀྱང་བྱའོ། །མི་རྣམས་ལ་ནི་བེ་ཀངྐ་ཏའི་ཡམ་སྲེག་ཤིང་གིས་བྱའོ། །བ་ལང་རྣམས་ལ་ནི་བ་ལང་གི་ལྕི་བས་བྱའོ། །མ་ཧེ་རྣམས་ལ་ནི་མ་ཧེའི་ལྕི་བས་བྱའོ། །མི་དང་བ་ལང་མ་ཧེ་རྣམས་ཀྱི་ནད་ཀྱི་གནོད་པ་ལ་ཡང་
D746.095.0115a04.01དེ་དང་འདྲ་སྟེ། མི་རྣམས་ལ་ནི་སྐྲ་དང་སེན་མོ་དང་བྱི་བའི་རྟུག་པ་དང་ལན་ཚྭ་རྣམས་ཡུངས་མར་དང་སྦྱར་ཏེ་སྦྱིན་སྲེག་བྱའོ། །བ་ལང་གི་ནད་ལ་ནི་པགས་པ་དང་མཇུག་མ་དང་སྤུ་དང་རྨིག་པ་རྣམས་དང་བེག་ཚོང་དང་ལྷན་ཅིག་ཏུ་ཕྱེ་མར་བྱས་ཏེ་ཡུངས་མར་དང་སྦྱར་བས་བ་ལང་གི་ལྷས་
D746.095.0115a05.01སམ། བ་ལང་གི་ར་བའམ། ཡང་ན་གང་ན་བ་ལང་གནས་པ་ཡང་རུང་སྟེ། དེར་སྦྱིན་སྲེག་བྱ་ཞིང་ཉིན་མཚན་བརྒྱད་ཀྱི་བར་བཅོམ་ལྡན་འདས་ལ་མཆོད་པ་བྱའོ། །དགེ་སློང་རྣམས་ལ་ཡང་མཆོད་སྟོན་བྱས་ཏེ། འདིར་ཡང་སྐུ་གཟུགས་ཀྱི་ཆོ་ག་སྔ་མ་བཞིན་གཏོར་མའི་ཆོ་ག་
D746.095.0115a06.01ཡང་བྱའོ། །མི་རྣམས་ལ་ནི་གྲོང་ངམ་གྲོང་ཁྱེར་གྱི་ནང་དུ་སྒོའི་ཐེམ་པ་ནོན་པར་བྱ་སྟེ། དེ་ཉིད་དུ་ཁྱིམ་དུ་བྱས་ལ་མི་རྣམས་ལ་ནི་སེང་ལྡེང་གི་སོལ་བས་བྱའོ། །བ་ལང་རྣམས་ལ་ནི་སྤོས་ཀྱིས་བྱའོ། །མ་ཧེ་རྣམས་ལ་ནི་ནིམ་པའི་ཡམ་སྲེག་ཤིང་གིས་བྱས་ན་ཞི་བར་འགྱུར་རོ། །
D746.095.0115a07.01