完整藏文原文 · 德格版页 当前仅加载第 95 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
བཀལ་བའི་སྐུད་པ་བརྐྱང་ནས་བླངས་ཏེ་ལག་ན་རྡོ་རྗེའི་མདུན་དུ་ཉིས་ཁུགས་དང་བཞི་ཁུགས་བྱས་པ་བཞག་ལ་བཟླས་བརྗོད་བྱས་ཏེ་གཅིག་ལ་གཅིག་འཁྲིལ་ན་དགོངས་པ་འགྲུབ་པར་འགྱུར་རོ། །གི་ཝང་སྒྲུབ་པར་འདོད་པས་ཉི་མ་བདུན་དུ་ཟས་སུ་འོ་སྐྱོ་
D746.095.0046a01.01འཐུང་ཞིང་ཡར་གྱི་ངོ་ཚེས་བཅུ་བཞི་ལ་ཉིན་ཞག་གཅིག་སྨྱུང་བ་བྱས་ཏེ། ལག་ན་རྡོ་རྗེ་ལ་མཆོད་པ་རྒྱ་ཆེར་བྱས་ལ་གི་ཝང་པདྨའི་སྟེང་དུ་བཞག་སྟེ་འབར་གྱི་བར་དུ་བཟླས་བརྗོད་བྱའོ། །འབར་ནས་བླང་བར་བྱ་སྟེ་བླངས་པ་ཙམ་གྱིས་ཉི་མ་ཤར་བ་ལྟ་བུའི་མདོག་དང་ལྡན་
D746.095.0046a02.01པར་འགྱུར་རོ། །དགོས་པ་ཐམས་ཅད་ཡིད་ཀྱིས་བསམས་པ་ཙམ་གྱིས་འབྱུང་བར་འགྱུར། རིག་སྔགས་འཆང་ཐམས་ཅད་ཀྱིས་མི་སོད་པར་འགྱུར་རོ། །ལོ་དགུ་སྟོང་ཐུབ་པར་འགྱུར་རོ། །ཟླ་བ་ཕྱེད་ཟས་སུ་འོ་སྐྱོ་འཐུང་ཞིང་དེ་ནས་རིག་སྔགས་འཆང་གིས་གྲོག་
D746.095.0046a03.01མཁར་གྱི་ས་ལས་ནོར་རྒྱས་ཀྱི་གཟུགས་བྱས་ལ་དེའི་སྟེང་དུ་འདུག་ལ། ནམ་འགུལ་བར་གྱུར་གྱི་བར་དུ་རིག་སྔགས་ལན་འབུམ་བཟླས་བརྗོད་བྱས་ན་ལོངས་སྤྱོད་སྟེར་རོ། །འདས་པ་དང་མ་འོངས་པ་དང་ད་ལྟར་བྱུང་བ་རྣམས་སྟོན་པར་འགྱུར་རོ། །ལོ་ལྔ་
D746.095.0046a04.01བརྒྱ་ཐུབ་པར་འགྱུར་རོ། །བདེ་བ་ཅན་དུ་སྐྱེ་བར་འགྱུར། ཟས་སུ་འོ་སྐྱོ་འཐུང་ཞིང་ལག་ན་རྡོ་རྗེའི་མདུན་དུ་ལན་འབུམ་བཟླས་བརྗོད་བྱས་ན་ལོངས་སྤྱོད་སྟེར་ཏེ། ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་ཡར་གྱི་ངོ་ཚེས་བཅུ་བཞི་ལ་ཞག་གཅིག་སྨྱུང་བ་
D746.095.0046a05.01བྱས་ཏེ། ལག་ན་རྡོ་རྗེ་ལ་མཆོད་པ་བྱས་ནས་བཅོམ་ལྡན་འདས་ལ་ཡང་ལྷག་པར་མཆོད་དེ་ལག་ན་རྡོ་རྗེའི་རྐང་པ་ནས་བཟུང་ལ་རིག་སྔགས་འཆང་བཟླས་བརྗོད་བྱས་ཏེ། ལག་ན་རྡོ་རྗེའི་གཟུགས་འགུལ་བར་གྱུར་གྱི་བར་དུ་བཟླས་བརྗོད་བྱའོ། །འགུལ་བར་གྱུར་
D746.095.0046a06.01ན་གྲུབ་པ་ཐམས་ཅད་ཀྱིས་མཐོང་བར་འགྱུར་རོ། །ཡིད་ཀྱིས་བསམས་པས་ཁ་ཟས་འབྱུང་བར་འགྱུར། ལོ་ལྔ་སྟོང་ཐུབ་པར་འགྱུར་རོ། །དེ་ནས་གནོད་སྦྱིན་གྱི་དབང་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སངས་རྒྱས་བཅོམ་ལྡན་
D746.095.0046a07.01