完整藏文原文 · 德格版页 当前仅加载第 95 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། ལག་ན་པོག་ཕོར་ཐོགས་ནས་ཕྱེ་མ་རེད་ཀྱི་དུས་མཚམས་སུ་དཔལ་གྱི་ལྷ་མོའི་རིག་སྔགས་ཀྱིས་ལྷ་རྣམས་སྤྱན་དྲང་བར་བྱའོ། །དེ་ནས་ནམ་ཕྱེད་ཀྱི་དུས་སམ། ཡང་ན་ནང་པར་དཀྱིལ་འཁོར་བྲི་བར་བྱ་སྟེ་ཅི་སྟེ་གསེར་གྱི་ཕྱེ་མས་བྲི་ན་ནི་ལྷའི་དཔལ་འཐོབ་པར་འགྱུར་རོ། །དངུལ་
D746.095.0089b01.01གྱིས་ནི་དགྲ་ལས་རྒྱལ་བར་འགྱུར་རོ། །ཟངས་ཀྱིས་ནི་ཞི་བར་འགྱུར་རོ། །ཡང་ན་ཙནྡན་གྱི་ཕྱེ་མས་བྲིས་ན། ནི་དཔལ་ཐོབ་པར་འགྱུར་རོ། །ཙནྡན་དམར་པོའི་ཕྱེ་མས་ནི་དགྲ་ལས་རྒྱལ་བར་འགྱུར་རོ། །པུ་ཤེལ་ཅིས་ནི་གྲོང་ཁྱེར་ཞི་བར་འགྱུར་རོ། །ཡང་ན་འབྲས་ཕྱེ་དཀར་པོས་
D746.095.0089b02.01བྲིས་ན་ནི་དཔལ་ཐོབ་པར་འགྱུར་རོ། །ནས་རྗེན་པའི་ཕྱེས་བྲིས་ན་ནི་དགྲ་ལས་རྒྱལ་བར་འགྱུར་རོ། །ཡང་ན་མེའི་བསྲེག་བྱ་བྱས་པའི་ཐལ་བས་བྲིས་ན་ནི་ཞི་བར་འགྱུར་རོ། །ཅི་སྟེ་སོ་ཕག་གི་ཕྱེ་མའམ་སོལ་ཕྱེའམ། དུར་ཁྲོད་ཀྱི་ཐལ་བ་ཡང་རུང་སྟེ། ཚོན་རྩི་འདི་གསུམ་
D746.095.0089b03.01གྱིས་དཀྱིལ་འཁོར་བྲིས་ན་ནི་ཡུལ་འཁོར་ལ་གནོད་པར་འགྱུར་རོ། །རིག་སྔགས་འཆང་བ་བདག་ཉིད་དག་པར་བྱ་སྟེ། །རྒྱུ་སྐར་དང་མཐུན་པའི་དུས་སུ་སྨྱུང་བ་བྱས་ལ། ཉི་མ་བཟང་བའམ་ཡང་ན་ཡར་གྱི་ངོ་ཚེས་ལྔ་ལ་དཀྱིལ་འཁོར་ཁྲུ་བཅུ་དྲུག་པའམ་ཡང་ན་ཁྲུ་བཅུ་བཞི་པ་བྲིའོ། །ཅི་
D746.095.0089b04.01སྟེ་ཐོག་མར་ཤར་ཕྱོགས་སུ་ཐིག་བཏབ་ན་ནི་རིག་སྔགས་འཆང་རྣམས་ཀྱི་དཔལ་འཕེལ་བར་འགྱུར་རོ། །ཅི་སྟེ་ལྷོ་ཕྱོགས་སུ་ཐིག་བཏབ་ན་ནི་གྲོང་ཁྱེར་ལ་གནོད་པར་འགྱུར་རོ། །ཅི་སྟེ་ནུབ་ཕྱོགས་སུ་ཐིག་བཏབ་ན་ནི་རིག་སྔགས་འཆང་རྣམས་ཕན་ཚུན་མི་མཐུན་པར་འགྱུར་རོ། །ཅི་སྟེ་
D746.095.0089b05.01བྱང་ཕྱོགས་སུ་ཐིག་བཏབ་ན་ནི་དགྲ་ཐམས་ཅད་ལས་རྒྱལ་བར་འགྱུར་རོ། །ཅི་སྟེ་ཐོག་མར་ཚོན་དཀར་པོ་བཀྱེ་ན་ནི་རྒྱལ་པོ་རྒྱལ་བར་འགྱུར་ཞིང་རིག་སྔགས་འཆང་རྣམས་ཀྱི་ལས་འགྲུབ་པར་འགྱུར་རོ། །ཅི་སྟེ་ཚོན་དམར་པོ་བཀྱེ་ན་ནི་གྲོང་ཁྱེར་ཞི་བར་འགྱུར་རོ། །ཅི་སྟེ་ནག་པོ་
D746.095.0089b06.01བཀྱེ་ན་ནི་གྲོང་ཁྱེར་ལ་མི་དགེ་བར་འགྱུར་རོ། །དེ་ནས་རིག་སྔགས་འཆང་གིས་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་དཀྱིལ་འཁོར་བྲི་བར་བྱ་སྟེ། །བྱང་ཕྱོགས་སུ་ནི་གངས་ཀྱི་རི་གཞག་གོ། །ལྷོ་ཕྱོགས་སུ་ནི་རི་འབིགས་བྱེད་གཞག་གོ། །དེ་ནས་ཁོར་ཡུག་གི་རིས་བསྐོར་
D746.095.0089b07.01