完整藏文原文 · 德格版页 当前仅加载第 95 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཐལ་བའམ། སྲད་བུའམ། ཆུས་ནི་བཀྲུ་བར་བགྱིའོ། །གྲོགས་བསྲུང་ན་སྤྱི་བོར་མདུད་པ་དོར་རོ། །ལན་གསུམ་བཟླས་བརྗོད་བགྱིས་པས་ཡུལ་འཁོར་བསྲུང་ངོ་། །གསེག་མ་ལ་ལན་བདུན་བཟླས་བརྗོད་བགྱིས་པ་ཆབ་ཏུ་སྩལ་བས་ཆུ་
D746.095.0023a01.01སྲིན་ཀུམ་བི་ར་དང་། ཆུ་སྲིན་བཅིང་ངོ་། །ཡལ་གས་ནི་རིམས་ནད་གསོ་བར་བགྱིའོ། །ཆབ་བམ་རྩྭ་ཀུ་ཤས་ནི་དུག་ལས་གསོ་བར་བགྱིའོ། །བགེགས་དང་ལོག་འདྲེན་ཕུང་བར་བགྱི་བར་འཚལ་བས་སྒྲུབ་པའི་དུས་ན་ཨརྐའི་ཤིང་གིས་ཞུགས་བུས་ལ་སྐེ་ཚེའི་འབྲུ་
D746.095.0023a02.01ལས་ལན་བརྒྱ་སྟོང་སྦྱིན་སྲེག་བགྱིས་ན་ལོག་འདྲེན་རྣམས་ཕུང་བར་འགྱུར་རོ། །ཕྱུགས་ཆུང་དབང་དུ་བགྱིས་པར་འཚལ་བས་མདའ་ཐོགས་པ་ལ་ལག་ན་རྡོ་རྗེའི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ། ཕྱུགས་ཆུང་གི་ལག་ནས་བཟུང་ན་དབང་དུ་འགྱུར་རོ། །ཆུང་
D746.095.0023a03.01མ་རུང་བར་བགྱི་བར་འཚལ་ན་ལན་བདུན་བཟླས་བརྗོད་བགྱིས་པའི་གསེག་མ་ཁྱིམ་གྱི་སྒོར་དོར་རོ། །ཆབ་ལ་མི་འབྱིང་བར་བགྱིས་ན་ཤིང་ཤ་ལེ་ཀའི་འབྲས་བུ་ལ་ལན་བདུན་བཟླས་བརྗོད་བགྱིས་ཏེ། སྩལ་ན་ཆབ་ལ་ནི་མི་འབྱིང་བ་བགྱིས་པར་འགྱུར་རོ། །མར་གྱི་ངོ་ཞག་བརྒྱད་
D746.095.0023a04.01ལ་ཉིན་ཞག་གཅིག་སྨྱུང་བར་བགྱིས་ཏེ། ལག་ན་རྡོ་རྗེའི་མདུན་དུ་ཤིང་བིལ་བའི་བུད་ཤིང་གིས་ཞུགས་བུས་ལ་སྲེག་བླུགས་རྒྱ་སྐྱེགས་ལ་ལན་སྟོང་དུ་བསྐྱར་ཞིང་སྦྱིན་སྲེག་བགྱིས་ན་ནད་རྐང་སྐེམས་ཀྱིས་འདེབས་པར་བགྱིད་དོ། །མར་དང་གུ་གུལ་གྱི་སྲེག་བླུགས་ལན་བརྒྱ་སྟོང་སྦྱིན་
D746.095.0023a05.01སྲེག་བགྱིས་ན་ཞི་བར་འགྱུར་རོ། །ཡར་གྱི་ངོ་ཉ་ནས་བརྩམས་ནས་གདུགས་ཀྱི་གུང་ལ་གོས་གསར་པ་བགོས་ལ། ཟངས་ཀྱི་སྣོད་དུ་ཞོ་དང་འབྲས་ཆན་སྩལ་ཏེ་གདོང་གཏུགས་ལ་བསྟན་ཅིང་ཕྱུགས་ཆུང་གི་མིང་ནས་ཕྱུང་སྟེ་ལན་བརྒྱ་སྟོང་བཟླས་བརྗོད་བགྱིས་ན་ཕྱུགས་ཆུང་མཆིའོ། །
D746.095.0023a06.01གལ་ཏེ་མི་མཆི་ན་ཕྱུགས་ཆུང་དེ་འགུམ་མོ། །གདུགས་བདུན་དུ་བགྱིའོ། །འབྲས་ཆན་གྱིས་གདུགས་ལ་དབུལ་ལོ། །ཤིང་ཤ་མི་ཕུར་བུ་སོར་བརྒྱད་པ་བླངས་ཏེ། སྲད་བུས་དཀྲིས་ཏེ་ལག་ན་རྡོ་རྗེའི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ལ་གྲུ་མི་འགུལ་བར་བགྱིའོ། །
D746.095.0023a07.01