完整藏文原文 · 德格版页 当前仅加载第 95 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཕུལ་ནས་ནམ་དྲོ་བར་གྱུར་གྱི་བར་དུ་རིག་སྔགས་ཀྱི་རྒྱལ་པོ་ལན་སྟོང་རྩ་བརྒྱད་རྩ་བརྒྱད་བཟླས་བརྗོད་བྱས་ན་འགྲུབ་པར་འགྱུར་ཏེ། གྲུབ་ནས་དེ་འཆང་ན་རྒྱལ་པོ་ལ་བཞག་ན་གཞན་གྱིས་མི་ཐུབ་པར་འགྱུར་ཏེ་ཅི་རྙེད་པ་ཡང་འཕྲལ་དུ་ཟད་པར་འགྱུར་རོ། །
D746.095.0066a01.01རི་བོང་གི་ཁྲག་དང་། མིག་གཉིས་དང་། དེ་བཞིན་དུ་སྦལ་པའི་མིག་གཉིས་དང་། {རི་དགས་,རི་དྭགས་}ཀྲིཥྞ་ས་རིའི་མིག་གཉིས་བླངས་ལ་སྐར་མ་རྒྱལ་དང་སྦྱར་ཞིང་ཞག་གཅིག་སྨྱུང་བ་བྱས་ཏེ། བཏགས་ལ་ལག་ན་རྡོ་རྗེའི་མདུན་དུ་ཏིལ་གྱི་ལོ་མའི་བར་དུ་བཞག་ནས་དྲོ་བར་
D746.095.0066a02.01གྱུར་གྱི་བར་དུ་བཟླས་བརྗོད་བྱས་ན་གྲུབ་པར་འགྱུར་ཏེ། རྐང་པས་མགྱོགས་པའི་སྨན་དུ་འགྱུར་རོ། །དེས་མིག་ལ་བསྐུས་ན་ལོ་བཅུ་དྲུག་ལོན་པའི་ན་ཚོད་དང་ལྡན་པར་འགྱུར་ཞིང་། གཏེར་ཐམས་ཅད་མཐོང་སྟེ། །ཚེ་ལོ་ལྔ་བརྒྱ་ཐུབ་པར་འགྱུར་ལ་ཚན་པོ་ཆེའི་སྟོབས་
D746.095.0066a03.01དང་ལྡན་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ། དུར་ཁྲོད་དུ་སོང་ལ་དཀྱིལ་འཁོར་སྐྱོང་ནུལ་དུ་བྱུགས་ནས་དེའི་དབུས་སུ་འབྲས་ཕྱེ་ལས་མིའི་གཟུགས་བྱས་ཏེ་དེ་ལ་གཏོར་མ་རྒྱས་པ་དང་། དྲི་དང་། མེ་ཏོག་དང་། བདུག་པ་ཡང་
D746.095.0066a04.01བྱིན་ལ་ཏ་ལའི་ལོ་མའི་སྤུ་གྲི་སྐྲ་ལ་སོགས་པ་བྲེག་པ་ལྟར་བྱ། དེའི་གཡས་ལོགས་སུ་མིའི་ཐོད་པ་དྲི་དང་། མེ་ཏོག་དང་། བདུག་པས་བརྒྱན་ཏེ་བཞག་ལ་ཐོད་པའི་སྟེང་ན་འདུག་པ་བཞིན་དུ་རིག་སྔགས་འཆང་གིས་རིག་སྔགས་ཀྱི་རྒྱལ་པོ་ལན་བརྒྱད་བརྒྱ་བཟླས་བརྗོད་
D746.095.0066a05.01བྱས་ཏེ། དེ་ནས་ཐོད་པ་བླངས་ཏེ་དུར་ཁྲོད་ཀྱི་མེས་བསྲེགས་ན་ཐོད་པ་ཆག་པ་དེའི་དུམ་གྲུགས་བླངས་ཏེ། གཟུགས་བྱས་ཏེ་དེའི་ལྟེ་བའི་སྟེང་དུ་བཞག་སྟེ་ལན་བརྒྱད་བརྒྱ་བཟླས་བརྗོད་བྱའོ། །དེ་ནས་ཐོད་པའི་དུ་མ་གྲུགས་བླངས་ཏེ་ལག་ན་རྡོ་རྗེའི་མདུན་དུ་བཏགས་ལ།
D746.095.0066a06.01ལན་བརྒྱད་བརྒྱ་བཟླས་བརྗོད་བྱས་པས་ལུས་བསྐུས་ན་འདོད་དགུར་བསྒྱུར་བའི་གཟུགས་ཅན་དུ་འགྱུར་ཏེ། གང་དྲི་མི་ཞིམ་པ་དེ་དག་ཀྱང་དྲི་ཞིམ་པར་བྱེད་ཅིང་ཆུ་ཀླུང་གྱེན་དུ་འབབ་པར་བྱེད་ལ་ཚེ་ལོ་བདུན་བརྒྱ་ཐུབ་པར་འགྱུར་ཏེ་བསྲུང་བའི་ཆོ་ག་བྱེད་པས་བྱའོ། །ཆུ་སྲིན་
D746.095.0066a07.01