完整藏文原文 · 德格版页 当前仅加载第 95 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྣམས་ཉོན་ཅིག །རིག་སྔགས་འཆང་གང་བཅོམ་ལྡན་འདས་མ་མཆོག་ལ་དྲག་ཏུ་བསྐུལ་བའི་སྙིང་པོ་དམ་པ་འཆང་བ་དེ་ལ་ཁྱོད་ཀྱིས་དངོས་གྲུབ་དམ་པ་བྱིན་ཅིག །ཅི་སྟེ་མ་བྱིན་ན་ངས་རྡོ་རྗེ་ཀུན་ཏུ་འབར་བས་སྤྱི་བོར་གཞག་གོ། །དེ་ནས་ལྷ་དེ་དག་རྟབ་རྟབ་པོར་གྱུར་
D746.095.0120b01.01ཏེ་ལག་ན་རྡོ་རྗེའི་རྐང་པ་ལ་གཏུགས་ནས་བཅོམ་ལྡན་འདས་དྲག་ཏུ་བསྐུལ་བའི་བཅོམ་ལྡན་འདས་མའི་སྙིང་པོ་འཆང་བའམ། ཕྱག་འཚལ་བ་གང་ཡིན་པ་དེ་དབང་ཕྱུག་ཆེན་པོ་ལ་སོགས་པ་བདག་ཅག་ལྷ་རྣམས་ཀྱིས་རྟག་ཏུ་བསྲུང་བར་བགྱིའོ། །བཅོམ་ལྡན་འདས་མ་རྟག་ཏུ་རྗོད་
D746.095.0120b02.01པར་བྱེད་པའམ། སྒྲུབ་པར་བྱེད་པའམ། མཆོད་པར་བྱེད་པ་གང་ཡིན་པ་དེའི་མདུན་དུ་ཡང་འཁོད་པར་བྱ་སྟེ། དངོས་གྲུབ་ཀྱང་སྦྱིན་པར་བྱའོ། །རིག་སྔགས་མཆོག་འདི་ནི་བཟླས་བརྗོད་བྱས་པ་ཙམ་གྱིས་དངོས་གྲུབ་འགྲུབ་པར་བྱེད་ཅིང་མ་གྲུབ་པ་ཡང་གྲུབ་པར་བྱེད་པ་ཡིན་ཏེ།
D746.095.0120b03.01འདི་ནི་ཆོ་ག་རྒྱས་པ་རྣམས་ཀྱི་ས་བོན་ལྟ་བུར་གྱུར་པ་དངོས་གྲུབ་སྦྱིན་པར་བྱེད་པ་ཡིན་ནོ། །བཅོམ་ལྡན་འདས་མའི་སྙིང་པོ་མཆོག་ལ་དྲག་ཏུ་བསྐུལ་བ་ཆོ་ག་རྒྱས་པ་འདི་འཆང་བ་གང་ཡིན་པ་དེ་ལ་ནི་ལག་ན་རྡོ་རྗེའི་བཀས་ཆོ་ག་རྒྱས་པ་འགྲུབ་པར་འགྱུར་རོ། །འཕགས་པ་ལག་ན་རྡོ་རྗེའི་
D746.095.0120b04.01མདུན་དུ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་རྐང་པ་གཡས་པའི་མཐེ་བོང་བཟུང་ལ་ལན་བརྒྱད་སྟོང་བཟླས་བརྗོད་བྱས་ནས་རྐང་པའི་མཐེ་བོང་མི་ལ་རེག་པའི་ཉམས་འདྲ་བར་གྱུར་ན་དེས་གྲུབ་པར་ཤེས་པར་གྱིས་ཤིག །དེ་ནས་བགེགས་བསླང་བར་འདོད་ན་
D746.095.0120b05.01འཕགས་པ་ལག་ན་རྡོ་རྗེའི་མདུན་དུ་ཀོ་ཤ་ཏའི་མེ་ཏོག་གིས་མཆོད་པ་བྱས་ཏེ་ལན་བརྒྱད་སྟོང་བཟླས་བརྗོད་བྱས་ན་བགེགས་ལྡང་བར་འགྱུར་རོ། །ལྷ་རྣམས་བཅོམ་ལྡན་འདས་མ་སྤྱན་གྱི་རྒྱུད་ཕྱི་མ་ངས་བཤད་དོ། །དབང་ཕྱུག་ཆེན་པོ་དང་ཕུར་བུ་གསུམ་པས་བཤད་པའི་མ་མོ་རྣམས་ཀྱི་
D746.095.0120b06.01རྒྱུད་ཕྱི་མ་ཡང་ངས་བཤད་པར་བྱ་སྟེ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ནས་འཕགས་པ་ལག་ན་རྡོ་རྗེའི་མདུན་དུ་ལན་བརྒྱད་སྟོང་བཟླས་བརྗོད་བྱས་ན་བགེགས་ལྡང་བར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་པ་ལ་ཤའི་ཤིང་གིས་མེ་སྦར་
D746.095.0120b07.01