完整藏文原文 · 德格版页 当前仅加载第 95 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །པདྨ་རྣམས་དང་གཞན་དག་ཀྱང་། གླང་ཆེན་གནས་ན་ཡིད་འོང་དང་། །རྟ་རྣམས་ཀྱི་ནི་བྲེས་དག་དང་། །གཞན་ཡང་གྲོང་ཁྱེར་རྣམས་དང་གཞན། །ཚོང་དུས་དག་ན་གནས་པར་བྱེད། །ཆང་འཐུང་གནས་དང་ཁྱིམ་དང་གཞན། །སྲང་དང་ལམ་དང་ཤིང་རྟ་དང་། །
D746.095.0193b01.01རྒྱུ་བ་དག་གི་གནས་རྣམས་དང་། བུ་མོ་ལ་སོགས་ལྟ་བའི་རྣམས། །སྐྱེད་མོས་ཚལ་སྙིང་མི་བཟད་དང་། །ལྷ་ཡི་གནས་ནི་ཞིགས་པ་དང་། །བུ་བཙའ་བ་ཡི་གནས་གཞན་དང་། །འཆི་ལ་ཐུག་པའི་ཁྱིམ་དག་དང་། །དགའ་སྟོན་ས་དང་འདུས་པ་དང་། །འདུས་སྟོན་
D746.095.0193b02.01ས་དང་འཐབ་མོའི་ས། །གཡུལ་གྱི་ས་ནི་ཐམས་ཅད་ནི། །གདོན་རྣམས་རྟག་ཏུ་གནས་པར་བྱེད། །དྲུག་ཅུ་རྩ་བཞིར་གདོན་བཤད་པ། །ཡིད་ལྟར་མགྱོགས་ཤིང་འདོད་དགུར་བགྲོད། །འདོད་དགུར་སྒྱུར་བའི་གཟུགས་ཅན་དེ། །ཐམས་ཅད་རང་དགར་རྩེན་པར་བྱེད། །ལྷ་
D746.095.0193b03.01ཚོགས་མ་མོའི་གདོན་དྲུག་བཅས། །ཚངས་པ་སྲུང་བར་བྱེད་པ་སྟེ། །བར་སྣང་གཟའ་ནི་ཉི་མ་ཡང་། །གདོན་རྣམས་ཀྱི་ནི་གཙོ་བོར་བཤད། །སྐེམ་བྱེད་ལ་སོགས་སྲིན་པོའི་བར། །རྫོང་ལྡན་མ་དང་ཀླུ་གཉིས་དང་། །སྲིན་པོ་བཅུ་དང་ལྷ་མོ་དང་། །ནོར་བུ་མགུལ་ནི་བར་
D746.095.0193b04.01མ་ཡིན། །གྲུལ་བུམ་ལ་སོགས་{ཡི་དགས་,ཡི་དྭགས་}དང་། །བརྗེད་བྱེད་བཅས་དང་སྲུལ་པོར་བཅས། །མདངས་འཕྲོག་དེ་བཞིན་སྨྱོ་བྱེད་དང་། །ཐམས་ཅད་གདོན་གྱི་ཐ་མར་བཤད། །དེ་དག་གི་ནི་ཁྱེད་པར་བཞིན། །དཀྱིལ་འཁོར་མངོན་པར་མཆོད་བྱས་ནས། །མངོན་པར་དགའ་
D746.095.0193b05.01པར་བྱ་བ་ཡི། །བསྟོད་པས་མཆོད་པ་དག་ཀྱང་བྱ། །དབང་པོ་རྡོ་རྗེ་འཆང་པའི་ལྷ། །ལྷ་ཡི་རྒྱལ་པོ་གདོན་གྱི་བདག །ཤར་ཕྱོགས་གདོན་གྱི་ཚོགས་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །མེ་སྟེ་བསྲེག་བྱ་བཞེས་པའི་ལྷ། །འབྱུང་པོའི་རྒྱལ་པོ་གདོན་གྱི་བདག །མེ་
D746.095.0193b06.01མཚམས་གདོན་གྱི་ཚོགས་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། གཤིན་རྗེ་དབྱུག་པ་འཆང་བའི་ལྷ། །ས་ཡི་བདག་པོ་གདོན་གྱི་བདག །བརྣབ་སེམས་བདག་ཉིད་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །བདེན་དང་བྲལ་བ་ལེགས་ལྡན་ལྷ། །
D746.095.0193b07.01