完整藏文原文 · 德格版页 当前仅加载第 95 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེ་ལ་མེ་ཏོག་དཀར་པོ་སྟོང་གིས་བསྣུན་ན་ལོངས་སྤྱོད་ཀྱི་གཞི་སྦྱིན་པར་འགྱུར་རོ། །ཟླ་བ་གཅིག་གི་བར་དུ་སློང་མོའི་ཟན་བཟའ་ཞིང་རིག་སྔགས་བཟླས་བརྗོད་བྱས་ནས་ཞག་གསུམ་སྨྱུང་བ་བྱས་ཏེ་མར་
D746.095.0098a01.01གྱི་ངོ་ཞག་བཞི་ལ་འཕགས་པ་ལག་ན་རྡོ་རྗེའི་མདུན་དུ་ལྕགས་ཅན་བཞག་ནས་མཆོད་པ་རྒྱས་པར་བྱས་ཏེ་ལྷ་བཤོས་རྒྱས་པར་ཕུལ་ནས། དེའི་མདུན་དུ་དོང་ཀའི་ཤིང་གིས་མེ་སྦར་ལ་ལྡོང་རོས་ལ་བ་ལང་གི་མཁྲིས་པ་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན་གློ་བུར་དུ་ཧ་ཧ་
D746.095.0098a02.01ཞེས་བྱ་བའི་སྒྲ་ཐོས་ནས་ཚོགས་ཀྱི་བདག་པོ་ཆེན་པོ་རྨུགས་བྱེད་འོང་བར་འགྱུར་རོ། །འོངས་ནས་རྨུགས་བྱེད་ཀྱིས་ལྡོང་རོས་སྦྱིན་པར་བྱེད་དོ། །དེ་ནས་འདོད་དགུར་སྒྱུར་བའི་གཟུགས་ཅན་དུ་འགྱུར་ཞིང་ལྕགས་ཅན་དང་མཐུ་སྟོབས་མཉམ་ལ་བསྐལ་པར་གནས་པར་འགྱུར་
D746.095.0098a03.01རོ། །ཡར་གྱི་ངོ་ཟླ་བ་ཉ་ལ་བརྩམས་ཏེ་སློང་མོའི་ཟས་བཟའ་ཞིང་འཕགས་པ་ལག་ན་རྡོ་རྗེའི་ཞབས་དྲུང་དུ་ལན་འབུམ་བཟླས་བརྗོད་བྱས་ན་དཔལ་ཐོབ་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོའི་ལས་བྱ་བ་དང་། ལྷ་རྣམས་ལ་
D746.095.0098a04.01དྲི་དབུལ་བ་ཡང་འདིའི་རིག་སྔགས་ཀྱིས་བྱའོ། །འབར་ལྡན་མའི་ཆོ་ག་སྟེ་ལྔ་པ་རྫོགས་སོ།། །།ཁ་འབར་མའི་ལས་རྣམས་འབྱུང་སྟེ། དབབ་པ་ནི་ཆུས་བྱའོ། །བསྲུང་བ་ནི་ཡུངས་ཀར་གྱིས་བྱའོ། །མཚམས་བཅད་པ་ནི་སོ་ཕག་གིས་བྱའོ། །དུར་ཁྲོད་ཀྱི་ཐལ་
D746.095.0098a05.01བ་བླངས་ཏེ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ནས་ལག་ན་རྡོ་རྗེའི་མདུན་དུ་ལན་སྟོང་བཟླས་བརྗོད་བྱས་ན་ཐལ་བ་དེས་གང་ལ་རིག་པར་བྱས་པ་དེ་གདོན་གྱིས་འདེབས་པར་འགྱུར་ཞིང་། ཚིག་གིས་བསྒོ་བས་གཏོང་བར་འགྱུར་རོ། །ལུས་གཙང་བར་བྱས་ཏེ་ལན་
D746.095.0098a06.01འབུམ་བཟླས་བརྗོད་བྱས་ན་བ་ལང་བརྒྱ་ཐོབ་པར་འགྱུར་རོ། །དེ་ནས་སྐྱེས་པ་དབང་དུ་བྱ་བར་འདོད་ན་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ། མཆོད་པ་རྒྱས་པར་བྱས་ནས་གུར་གུམ་དང་གསེར་ཕྱེ་མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན་བརྒྱ་བྱིན་ཡང་དབང་དུ་འགྱུར་
D746.095.0098a07.01