完整藏文原文 · 德格版页 当前仅加载第 95 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
རྙིང་བ་གང་ཡིན་པའི། །མར་ནི་ཕུལ་བཞི་ལྡན་པར་བྱ། །འོ་མ་ཕུལ་བཞི་སྦྲང་རྩི་བཞི། །བ་ལང་ཀོ་བ་བསྲེགས་པ་ཡི། །ཕྱེ་མ་ཕུལ་པ་ཞི་གཞུག་པར་བྱ། །སྒོག་སྐྱ་བརྒྱ་ཡང་གཞུག་པར་བྱ། །སྲང་གྲངས་སུམ་ཅུའི་ཨ་རུ་ར། །ཚ་བ་གསུམ་ཡང་དེ་བཞིན་ཏེ། །དེ་བཞིན་
D746.095.0137b01.01འབྲུ་མར་བླུག་པར་བྱ། །ཤིང་ཀུན་ཡང་ནི་སྲང་གཅིག་དང་། །ལྷན་ཅིག་ཕྱེ་མ་ཞིབ་མོར་བྱ། །གང་ཚེ་ཐམས་ཅད་ཚོགས་གྱུར་ནས། །བ་གཅིན་ཕུལ་བཞི་བླུག་པར་བྱ། །དེ་ནས་མེ་ནི་ཆུང་ངུས་བཙོ། །རླུང་ཅན་དང་ནི་མཁྲིས་པ་ཅན། །བད་ཀན་ཅན་དང་འདུས་པ་ཅན། །
D746.095.0137b02.01གདོན་གྱི་གཟུགས་ནི་ཐམས་ཅད་ཀྱི། །སྨན་རྣམས་ཀྱང་ནི་འདི་ཡིན་ཏེ། །ཆོ་ག་དང་ནི་འདི་ཉིད་ཀྱིས། །གདོན་དེས་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །ལྕགས་སྒྲོག་གིས་
D746.095.0137b03.01ནི་བཅིང་བྱ་ཞིང་། །སྐྲ་ཡི་ཐག་པས་བཅིང་བར་བྱ། བདུག་པ་སྣ་ཚོགས་ཀྱིས་ཀྱང་བདུག །ལུས་ཀྱང་བསྐུ་ཞིང་བྱུག་པར་བྱ། །དེ་ནས་ཆོ་ག་སྦྱར་བྱ་ཞིང་། །དུས་ལས་ཀྱང་ནི་བཤོལ་མི་བྱ། །དཀྱིལ་འཁོར་ཡངས་ལ་བཞག་ནས་ནི། །ཁོར་ཡུག་ནས་ནི་གཟིར་བར་བྱ། །
D746.095.0137b04.01གདོན་གྱིས་ཟིན་པ་དབུས་བཞག་སྟེ། །ལྕགས་ཐག་གིས་ནི་གདགས་པར་བྱ། །དེ་ནི་བརྟན་པོས་འཁོར་དུ་གཞུག །བདུག་པས་ལེགས་པར་བདུག་བྱ་ཞིང་། །ལན་གྲངས་བརྒྱར་ནི་ཚང་བར་བྱ། །དེ་བཞིན་ཀོ་བ་ཆུ་དྲོན་དང་། །ཤིང་ཀུན་དང་ནི་སྒོག་སྐྱ་དང་། །བུན་པ་དང་
D746.095.0137b05.01ནི་བཅའ་བ་དང་། །འདི་དག་ཆུ་དང་སྦྱར་བྱ་ཞིང་། །ཆུ་ཡི་ནང་དུ་ནུབ་པར་བྱ། །མིས་ནི་གདོན་ཟིན་ངལ་ཡང་བསོ། །དེ་ལྟར་ནུབ་པར་བྱས་པ་ཡི། །ཆོ་ག་འདི་དག་གིས་ཀྱང་ནི། །ཅི་སྟེ་གདོན་དེས་མི་གཏོང་ན། །ལས་ལ་མཁས་པས་རབ་བསྒྲིམས་ཏེ། །ཆོ་ག་འདི་ནི་སྦྱར་བར་
D746.095.0137b06.01བྱ། །བདུག་པ་སྦྱར་བ་འདི་དག་གིས། །མྱོས་པ་ཉིད་དུ་བྱ་བ་སྟེ། །འདིར་ནི་དྲེད་སྤུ་སེན་མོ་དང་། །དེ་བཞིན་སྟག་གི་སེན་མོ་བླང་། །ཤ་ལྱ་ཀ་ཡི་འབྲས་བུ་དང་། །ཁྱི་དང་དོམ་གྱི་རྟུག་པ་དང་། །བ་ལང་བྱི་བའི་པགས་པ་དང་། །བ་ཏུ་ན་ཡི་རྟུག་པ་དང་། །རྔ་མོ་བོང་བུའི་
D746.095.0137b07.01