完整藏文原文 · 德格版页 当前仅加载第 95 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་སྐྲའི་སྲད་བུ་དང་བཅས་པ་ཅིག་བཞག་གོ། །བྱམ་བུ་གྱི་ལྷོ་ཕྱོགས་སུ་རྡོ་རྗེ་བྲིའོ། །ལྷ་རྣམས་ཀྱང་མཚོན་ཆ་དང་བཅས་པར་བགྱིས་ཏེ། དྲག་པོ་ཡི་ནི་མདུང་རྩེ་གསུམ་པ་བྲིའོ། །གཞོན་ནུ་ཡི་ནི་མདུང་ཐུང་ངོ་། །མ་མོ་རྣམས་ནི་མཆེ་བ་
D746.095.0018a01.01འོ། །ཁྱབ་འཇུག་གི་ནི་འཁོར་ལོའོ། །ཟླ་བ་དང་ནི་ཉི་མའི་གཞུའོ། །ཚངས་པའི་རིལ་བ་སྤྱི་བླུགས་སོ། །གཤིན་རྗེ་ཡི་ནི་བེ་ཅོན་ནོ། །གཞན་དག་མཚོན་ཆ་ཐ་མལ་པའོ། །ཞུགས་ནི་རབ་ཏུ་བུས་ནས་སུ། །བརྒྱད་བརྒྱད་ཚང་བའི་ཡམ་སྲེག་ཤིང་། །
D746.095.0018a02.01ལྷ་བཤོས་དྲི་དང་བདུག་སྤོས་དང་། །གཏོར་མ་བཙལ་ནས་ལྷ་སྤྱན་དྲང་། །སྦྱིན་སྲེག་འདི་ནི་སྦྲང་རྩི་དང་། །མར་དང་འབྲས་ཡོས་ལན་ཚྭ་དང་། །དེ་བཞིན་ཡུངས་ཀར་རྣམས་ཀྱིས་བགྱི། །ཡུངས་ཀར་གྱིས་ནི་བསྲུང་བ་བགྱི། །གཙང་མའི་གོས་ནི་བགོ་བར་
D746.095.0018a03.01བགྱི། །མཆོད་པ་དག་ནི་སྔར་བགྱིས་ཏེ། །དེ་ཡི་འོག་ཏུ་ལས་བརྩམ་མོ། །འཇིག་རྟེན་ན་ནི་ཅི་ཡོད་པ། །མནའ་ཚིག་རྣམས་ཀྱིས་མནས་བསྒག་གོ། །དམ་ཚིག་འདི་ལྟར་སུ་སྲུང་བ། །དེ་ལ་ལོག་འདྲེན་ཐམས་ཅད་ཀྱིས་གླགས་མི་རྙེད་ཅིང་ལས་ཀྱང་དངོས་གྲུབ་
D746.095.0018a04.01ཏུ་འགྱུར་རོ། །དཀོན་མཆོག་གསུམ་ལ་དད་པས་དཀྱིལ་འཁོར་སྔར་མཐོང་ནས་དེའི་འོག་ཏུ་རིག་པ་མཆོག་བསྒྲུབ་པར་བགྱིའོ། །སུ་ཞིག་གཞན་དུ་བགྱིད་ན་དེའི་རྡོ་རྗེ་ཉིད་ཀྱིས་མཐར་བགྱིད་པར་འགྱུར་རོ། །དཀྱིལ་འཁོར་གྱི་ཆོ་ག་རྫོགས་སོ།། །།
D746.095.0018a05.01རིག་པ་མཆོག་སྒྲུབ་པ་ནི་འདི་ལགས་ཏེ། ཟླ་བ་གཅིག་ཟས་སུ་འོ་སྐྱོ་འཐུངས་ལ་ཕྱིས་མར་གྱི་ངོ་ཞག་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ། གོས་གཙང་མ་བགོས་ལ་རིང་བསྲེལ་དང་བཅས་པའི་མཆོད་རྟེན་ནམ། སངས་རྒྱས་ཀྱི་སྐུ་གཟུགས་སམ། བྱང་
D746.095.0018a06.01ཆུབ་ཀྱི་ཤིང་ངམ། བཅོམ་ལྡན་འདས་ལག་ན་རྡོ་རྗེ་ཡང་ཅི་ནུས་སུ་མཆོད་དོ། །ཕོ་ཉ་མོ་རྣམས་ཀྱིས་དྲི་དང་། མེ་ཏོག་དང་། བདུག་པ་དང་། གཏོར་མ་སྦྱིན་ནོ། །དེ་ནས་ལྕགས་ཀྱི་རལ་གྲི་བགྱིས་ཏེ། བུད་མེད་རྒྱན་ཐམས་ཅད་ཀྱིས་བརྒྱན་པ་བུད་མེད་བཅུས་
D746.095.0018a07.01