完整藏文原文 · 德格版页 当前仅加载第 95 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
མཐེ་བོའི་ཐོར་ཏོ་བཀུག་སྟེ་ལྷན་ཅིག་སྦྱར་བ་ནི་མེ་སླར་བཏང་བའི་འོ། །གཡས་པའི་རྡོ་རྗེ་གང་ཡིན་པ་དེ་ནི་སེམས་དཔའ་ཡིན་ནོ། །ལག་པ་གཉིས་གུང་མོ་གཉིས་དང་སྤྲད་དེ་སྦྱར་ལ་གཞན་བསྣོལ་ནས་ཟླ་འོག་ཏུ་བསྟན་ཏེ་དྲ་བའི་ཐབས་སུ་བྱ་བ་ནི་རྡོ་རྗེ་དྲ་བའིའོ། །
D746.095.0187a01.01མཛུབ་མོ་དང་མཐེའུ་ཆུང་གཤིབས་ལ་མཐེ་བོ་གཉིས་བཀྱེད་ནས་འོག་དང་ཐད་ཀར་ས་ལ་བཞག་སྟེ། གསང་སྔགས་བཟླས་བརྗོད་བྱས་ན་ལས་ཐམས་ཅད་ལ་ས་གཞི་བསྩལ་བ་དང་ཡོངས་སུ་བཟུང་བ་བྱས་པར་འགྱུར་ཏེ། རིགས་ཀྱི་སྤྱིའི་སྙིང་པོའི་ཕྱག་རྒྱ་ཡིན་ནོ། །ལྷ་རྣམས་ལ་
D746.095.0187a02.01བསྟན་ན་ཡང་ལྷ་རྣམས་དགའ་བར་བྱས་པ་དང་། བསྐུལ་བར་བྱས་པར་འགྱུར་རོ། །ཁྲོ་བོ་ཀཱི་ལི་ཀཱི་ལའི་ཕྱག་རྒྱ་བཅིངས་པ་ལ་ཕྱག་འཚལ་བའི་ཐལ་མོ་ལས་སོར་མོ་རྣམས་སྦྱར་བ་ནི་མཆོད་པའི་ཕྱག་རྒྱའོ། །བསྣོལ་མར་སྦྱར་བ་ནི་ཕྱག་འཚལ་བའི་ཕྱག་རྒྱའོ། །མེ་ཏོག་ལ་སོགས་པ་
D746.095.0187a03.01མ་འབྱོར་ན་ཡང་ཕྱག་རྒྱ་བཅིངས་པས་འབྱོར་པ་བྱས་པར་འགྱུར་རོ། །ལས་ཐམས་ཅད་ལ་ཡང་བསྐྲད་པ་ནི་ལས་ཀྱི་རྡོ་རྗེས་བྱའོ། །སངས་རྒྱས་སྤྱན་གྱི་ཕྱག་རྒྱ་ནི་ཐམས་ཅད་དུ་རིག་སྔགས་བསྲུང་བར་བྱའོ། །སོར་མོ་ཕན་ཚུན་སྦྱར་ཏེ་ཁུ་ཚུར་བཅངས་ལ་གུང་མོ་གཤིབས་པའི་ཕྱི་རོལ་
D746.095.0187a04.01དུ་མཛུབ་མོ་རྡོ་རྗེ་ལྟར་བྱས་ནས་མཐེ་བོང་གཉིས་གློ་ལ་གཞར་བ་ནི་དམ་ཚིག་ཆེན་པོའི་ཕྱག་རྒྱ་སྟེ། །ངན་དུ་བྱས་པ་དག་ལ་ཡང་བསྲུང་བ་ཆེན་པོ་ཡིན་ལ་ཉེ་འཁོར་དུ་མཚམས་དེ་བཅད་དེ་འཁོར་ལོས་སྒྱུར་བའི་བཟླས་བརྗོད་བྱས་སུ་ཟིན་ཀྱང་སུས་ཀྱང་རིག་སྔགས་ཀྱི་མཐུ་ཉམས་པར་བྱེད་མི་ནུས་
D746.095.0187a05.01སོ། །ཁྲོ་བོ་འཆོལ་པའི་སྦས་པའི་ཕྱག་རྒྱ་ལ་ཡང་བསྲུང་བར་འགྱུར་ཏེ། འདི་དག་ནི་བསྒྲུབ་པ་རྣམས་ཀྱི་སྤྱིའི་ཕྱག་རྒྱ་ཡིན་ནོ། །དེ་ལས་གཞན་ཡང་སྦྱིན་སྲེག་གི་གསང་སྔགས་ལས་གང་གི་སྐབས་སུ་བསྟན་པ་ལུང་ལས་ཇི་སྐད་འབྱུང་བ་དེ་དག་ལ་ཡང་ལས་ཀྱི་ཕྱག་རྒྱ་སྦྱར་བར་བྱའོ། །
D746.095.0187a06.01རྡོ་རྗེའི་ཕྱག་རྒྱ་ནི་རྡོ་རྗེའི་རིགས་ཐམས་ཅད་སྤྱིའི་ཡིན་ནོ་ཞེས་བཅོམ་ལྡན་འདས་རྡོ་རྗེ་འཛིན་གྱིས་བཤད་དོ། །ན་མོ་རཏྣ་ཏྲ་ཡཱ་ཡ། །ན་མོ་བཛྲ་དྷ་ར་སྱ། །ན་མོ་བིདྱཱ་ག་ཎ་སྱ་སྟུཾ། འདི་ནི་སྙིང་པོ་ཡིན་ཏེ་དེ་བཞིན་དུ། །རྡོ་རྗེ་རིགས་ཆེན་དེ་དང་ནི། །རིག་སྔགས་རིགས་ནི་ཐམས་
D746.095.0187a07.01