完整藏文原文 · 德格版页 当前仅加载第 95 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་བཞི་དང་འདྲ་བ་ཡི། །ས་ནི་རབ་ཏུ་འབར་བ་ཡོད། །གང་ན་ཡལ་ག་གཅིག་པུ་ལས། །འབྲས་བུ་འབྱུང་གི་གཞན་ལས་མིན། །ལོ་མ་མེད་པའི་ཡལ་ག་ལས། །མེ་ཏོག་གང་ནས་འབྱུང་བ་ཡོད། །ཉིན་པར་ལོ་མ་འཁུམ་འགྱུར་
D746.095.0081a01.01ཞིང་། །མཚན་མོ་འདུ་བར་འགྱུར་བ་དང་། །ཤིང་གཉིས་རྩེ་མོའི་ཡལ་ག་དང་། །རབ་ཏུ་འདུ་བར་འགྱུར་བ་ཡང་། །རྫིང་གི་འགྲམ་ན་སྟོབས་{བཟངས་,བཟང་}གཟུགས། །ཤར་ཕྱོགས་སུ་ནི་ཁ་བལྟ་ཞིང་། །སྲེད་མེད་བུ་ཡང་ལྷོ་ཕྱོགས་འདུག །ཅི་སྟེ་རྫིང་གི་འགྲམ་དག་
D746.095.0081a02.01ན། །སངས་རྒྱས་སྐུ་གཟུགས་ཡོད་པ་དང་། །ཀུན་དགའ་ར་བའི་ཕྱོགས་གཅིག་ན། །ཅི་སྟེ་གནོད་སྦྱིན་གཟུགས་ཡོད་དང་། །སྐུ་པ་ཡི་ནི་ལོ་མ་རྣམས། །ཕུར་མར་ཆགས་ཤིང་བུ་གུ་ཡོད། །ཅི་སྟེ་ཞིང་གི་དབུས་དག་ན། །ཀླུ་ཡི་གཟུགས་དང་སྐུ་ལ་ཀ །ཡང་ན་
D746.095.0081a03.01བདེ་བྱེད་མཚན་ཡོད་དང་། །ཅི་སྟེ་ཞིང་གི་དབུས་དག་ན། །ཁྲོན་པ་འགའ་ཞིག་ཡོད་པ་དང་། །བདེ་བྱེད་གནས་ཀྱི་སྟེགས་བུ་ཡི། །ཕྱོགས་གཅིག་ན་ནི་གཟུགས་གཞན་ཡོད། །ལམ་གྱི་བཞི་མདོའི་ཤིང་དྲུང་ན། །ཅི་སྟེ་ཁྲོན་པ་ཡོད་པ་དང་། །དཱུར་བ་དཀར་པོའི་
D746.095.0081a04.01ཕྱོགས་བཞི་ནས། །རྩྭ་རྣམས་ཀྱིས་ཀྱང་བསྐོར་བ་དང་། །ཤིང་ལ་ཅི་སྟེ་གཟུགས་ཡོད་དང་། །ས་ལ་སྦྲང་མས་རྟག་ཏུ་བསྐོར། །ས་ཕྱོགས་བཟང་པོར་དབྱར་གྱི་དུས། །སྲིན་ཕྱིས་ཕུང་པོ་སྣང་བ་ཡོད། །རྟགས་འདི་རྣམས་ལས་གཏེར་རྣམས་ཀྱི། །མཚན་མ་དག་ནི་
D746.095.0081a05.01བརྟགས་བྱས་ཏེ། །འབྱུང་བ་དག་ནི་ངས་བཤད་ཟིན། །དེ་ནས་བླུགས་པར་བྱ་བའི་སྨན། །གང་དག་གིས་ནི་རྟོགས་འགྱུར་ནས། །རྟག་ཏུ་ཐེ་ཚོམ་མེད་འགྱུར་བའི། །བླུགས་སྨན་ཆོ་ག་མཉན་པར་གྱིས། །འབྲས་ཅན་ཞོས་སྦྱར་ཏིལ་ཕྱེ་དང་། །ཀུན་ཛ་ར་ཡི་མེ་ཏོག་
D746.095.0081a06.01རྣམས། །མ་ཧེའི་འོ་མས་སྦྱར་བར་བྱ། །སྣ་མའི་མེ་ཏོག་བཏག་པར་བྱ། །ཀ་ར་བཱི་རའི་མེ་ཏོག་རྣམས། །མ་ཧེའི་འོ་མ་བ་གཅིན་སྦྱར། །སྲན་ཆུང་ཏིལ་དང་ལྷན་ཅིག་ཏུ། །ཆུ་ཡིས་སུ་ནི་བཏག་པར་བྱ། །ཀུན་དའི་མེ་ཏོག་བླངས་བྱས་ལ། །འོ་མ་ཙན་དན་དག་
D746.095.0081a07.01