完整藏文原文 · 德格版页 当前仅加载第 95 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་མ་སྣ་ཆད་མ་ཞེས་བྱ་བ་རྫུ་འཕྲུལ་ཆེ་ཞིང་མཐུ་ཆེ་བ་ཞིག་ཡོད་དེ། སྣ་ཆད་མ་དེ་ནི་བགེགས་ཆེན་པོར་བྱེད་པ་ཡིན་ནོ། །དེ་ཡང་དེས་གསང་སྔགས་ཀྱིས་བཟློག་པར་མི་ནུས་ཏེ། །དེ་འོང་བ་དང་སྐར་མདའ་ལྟུང་བར་སྟོན་ཅིང་སྤྱུགས་པ་ཡང་ལེན་ཏེ། སྣ་
D746.095.0058a01.01ཆད་མ་དེས་དཀྱིལ་འཁོར་གྱི་མཚམས་སེང་ལྡེང་གི་ཕུར་བུས་བཏབ་པ་ནི་མོ་མཚན་གྱིས་འབྱིན་པར་བྱེད་དོ། །དཀྱིལ་འཁོར་གྱི་མཚམས་ཐལ་བས་བཅད་པ་ནི་བུས་པས་མེད་པར་བྱེད་དོ། །དཀྱིལ་འཁོར་གྱི་མཚམས་ཆུས་བཅད་པ་ནི་མཆིལ་མས་མེད་པར་བྱེད་དོ། །
D746.095.0058a02.01ཡིད་ཀྱིས་དཀྱིལ་འཁོར་གྱི་མཚམས་བཅད་པ་ནི་གཅིན་གྱིས་འབྲལ་བར་བྱེད་དོ། །དེ་ལྟ་བུའི་ཚུལ་དག་གིས་དཀྱིལ་འཁོར་འཇིག་པར་བྱེད་པ་དང་། དེ་ལ་རིག་སྔགས་འཆང་གིས་མྱུར་དུ་སྣ་ཆད་མའི་མིང་ནས་སྨོས་ཏེ་སྲིང་མོ་སྣ་ཆད་མ་ཁྱོད་འོངས་པ་ལེགས་སོ་ལེགས་སོ་
D746.095.0058a03.01ཞེས་བྱས་ནས། ལན་བདུན་བསྔགས་པའི་སེང་ལྡེང་གི་ཕུར་བུ་སོར་བཞི་པ་གཤིན་རྗེའི་ཕྱོགས་ཀྱི་སྙིང་གར་གདབ་བོ། །དེ་ནས་སྣ་ཆད་མ་དེས་ངུ་འབོད་ཀྱི་སྒྲ་ཕྱུང་ནས་མེད་པར་འགྱུར་ཏེ་རིག་སྔགས་ཀྱང་གྲུབ་པར་འགྱུར་རོ། །གཤིན་རྗེའི་ཕྱོགས་ཀྱི་ཆོ་ག་
D746.095.0058a04.01རྫོགས་སོ།། །།རིག་སྔགས་འཆང་རིག་སྔགས་སྒྲུབ་པ་ནི་ཅི་སྟེ་མེའི་ཕྱོགས་ནས་བགེགས་ཀྱི་གཟུགས་དག་འབྱུང་སྟེ། དངོས་གྲུབ་ཕལ་སྒྲུབ་པ་ན་མེའི་ཕྱོགས་ཀྱི་རྒྱལ་པོའི་གཡོག་མོའི་སྲིན་མོ་རྩེད་མོ་ཅན་ཞེས་བྱ་བ་ཡོད་དེ། དེ་ནི་བགེགས་བྱེད་པ་ཡིན་
D746.095.0058a05.01ནོ། །སྲིན་མོ་རྩེད་མོ་ཅན་དེ་ཡང་བྱའི་གཟུགས་སུ་སྟོན་པར་བྱེད་ཅིང་ང་རོ་མི་སྙན་པ་ཡང་འབྱིན་པར་བྱེད་དོ། །དེ་ལ་རིག་སྔགས་འཆང་གིས་མེའི་ཕྱོགས་ཀྱི་གཟུགས་ལ་ལན་བདུན་སྔགས་ཀྱིས་བསྔགས་པའི་ཡུངས་ཀར་གྱིས་བསྣུན་ན་མེད་པར་འགྱུར་རོ། །དངོས་གྲུབ་
D746.095.0058a06.01ཆེན་པོ་བསྒྲུབ་པ་ན་རྒྱལ་པོ་དེའི་གཡོག་སྲིན་མོ་མི་སྡུག་པ་ཞེས་བྱ་བ་རྫུ་འཕྲུལ་ཆེ་བ་སྲིན་པོ་སུམ་ཁྲིའི་བདག་པོ་ཞིག་ཡོད་དེ། མི་སྡུག་པ་དེ་ཡང་རིག་སྔགས་འཆང་ལ་བགེགས་བྱེད་པ་ཡིན་ཏེ། མི་སྡུག་པ་དེ་འོང་བ་དང་། མི་སྡུག་པ་དེའི་རྣམ་པའི་སྲིན་པོ་དག་
D746.095.0058a07.01