完整藏文原文 · 德格版页 当前仅加载第 95 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྒོ་བཞིའི་ས་བླངས་པས་རྔ་མོའི་གཟུགས་བྱས་ཏེ། དེས་དེ་མ་ཡིན་པའི་མིའི་གཟུགས་བྱས་པའི་མགོ་བོ་ལ་འཛིན་པར་བྱས་ལ་སྙིང་ག་དང་སྟ་ཟུར་དུ་ལྕགས་ཞུན་མའི་ཕུར་བུས་བཏབ་སྟེ། རྐང་པ་གཡོན་པས་མནན་ལ་མཚན་རངས་པར་བཟླས་བརྗོད་བྱས་ན་གདོན་དྲག་པོས་ཟིན་པར་འགྱུར་
D746.095.0110b01.01ཏེ་ཅིས་ཀྱང་མི་སློངས་པར་ཞག་བདུན་གྱིས་འཆི་བར་འགྱུར་རོ། །སྦྲུལ་གྱིས་འཛིན་དུ་གཞུག་ན་ཡང་ཆོ་ག་འདི་ཉིད་ཀྱིས་བྱས་ན་ཅིས་ཀྱང་མི་ཟློག་པར་དེ་མ་ཐག་ཏུ་འཆི་བར་འགྱུར་རོ། །ཕྱིར་གསོ་བ་ནི་འབྱུང་པོའི་གནས་སུ་དཀྱིལ་འཁོར་བྲིས་ལ་འབྱུང་པོའི་ཁ་ཟས་ལན་བརྒྱ་སྟོང་བསྔགས་
D746.095.0110b02.01པ་དབུལ་ལོ། །སྦྲུལ་གྱིས་ཟིན་པ་གསོ་བ་ན་སྦྲང་རྩི་དང་འོ་ཐུག་ཕུལ་ཏེ་བྱབ་པ་འང་བྱས་ན་གཏོང་བར་འགྱུར་རོ། །མཛེ་ནད་ཀྱིས་འདེབས་པར་བྱ་ན་ཞག་བདུན་གྱི་བར་དུ་དུས་གསུམ་དུ་རི་བོང་གི་སྤུ་དུག་དང་ཁྲག་གི་ནང་དུ་སྨྱུགས་པ་སྟོང་རྩ་བརྒྱད་བརྒྱད་སྦྱིན་སྲེག་བྱས་ན་མཛེ་ནད་ཀྱིས་འདེབས་
D746.095.0110b03.01པར་འགྱུར་རོ། །ཆོ་ག་དེ་བཞིན་དུ་དུག་དང་ཁྲག་གི་སྦྱིན་སྲེག་བྱས་ན་ནད་ཁོང་སྐེམས་ཀྱིས་འདེབས་པར་འགྱུར་རོ། །ཕྱིར་གསོ་བ་ནི་བུ་རམ་དང་འོ་མ་ལ་ལན་བརྒྱད་སྟོང་བསྔགས་པ་སྐོམ་དུ་བླུད་ན་གཏོང་བར་འགྱུར་རོ། །བ་ལང་གི་ལྕི་བ་ས་ལ་མ་ལྷུང་བ་ལས་གཟུགས་བྱས་ཏེ་སེང་ལྡེང་གི་
D746.095.0110b04.01ཕུར་བུ་ལ་ལན་བརྒྱད་སྟོང་བསྔགས་པས་བཙུགས་ན་ཟག་པར་འགྱུར་རོ། །ཕྱིར་གསོ་བ་ནི་ཕུར་བུ་ཕྱུང་ལ་མར་གྱི་ལན་བརྒྱད་སྟོང་སྦྱིན་སྲེག་བྱའོ། །བུད་མེད་ཀྱི་མཚན་ཟག་པར་འདོད་ན་ཞག་གཅིག་སྨྱུང་བར་བྱས་ཏེ་ཕག་ཤ་ལས་མོ་མཚན་གྱི་གཟུགས་བྱས་ལ། ཁྱིའི་རུས་པའི་ཕུར་བུ་ལ་
D746.095.0110b05.01ལན་བརྒྱ་སྟོང་བཟླས་བརྗོད་བྱས་པ་བཙུགས་ན་ཟག་པར་འགྱུར་རོ། །ཕྱིར་གསོ་བ་ནི་འོ་མས་ལན་བརྒྱད་བརྒྱ་སྦྱིན་སྲེག་བྱའོ། །དེ་ནས་བསད་པར་འདོད་ན་མ་དའི་ཚེར་མ་དང་། སྐེ་ཚེ་དང་ཚ་བ་གསུམ་དང་དུག་རྣམས་ཡུངས་ཀར་མར་དང་སྦྱར་ཏེ། དུར་ཁྲོད་ནས་མེ་བླངས་པའི་ནང་དུ་དུས་
D746.095.0110b06.01གསུམ་དུ་ལན་བརྒྱད་བརྒྱ་སྦྱིན་སྲེག་བྱས་ན་དུས་ལ་བབ་པར་ཞག་བདུན་གྱིས་འཆི་བར་འགྱུར་ཏེ། ཞག་དྲུག་གི་བར་དུ་ནི་ཕྱིར་གསོར་རུང་ངོ་། །ཞི་བར་འདོད་ན་དཀྱིལ་འཁོར་སྐྱང་ནུལ་གྱིས་བྱུགས་ཏེ་ལན་བརྒྱད་བརྒྱ་བཟླས་བརྗོད་བྱས་པའི་བུམ་པས་ཁྲུས་བྱེད་དུ་བཅུག་ལ། དཱུར་བ་མར་
D746.095.0110b07.01