完整藏文原文 · 德格版页 当前仅加载第 95 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་རིག་པའི་རྒྱལ་པོ་རྫུ་འཕྲུལ་ཆེ་བ། དབང་ཆེ་བ། མ་རུངས་པ། གཏུམ་པ་དྲག་པོ་ལགས་སོ། །བཅོམ་ལྡན་འདས་མིང་བརྗོད་པས་བདག་ལ་གནོད་པ་ལགས་སོ། །དེ་ནས་བཅོམ་ལྡན་འདས་ཀྱིས་འབྱུང་པོའི་བདག་པོ་དབང་ལྡན་ལ་འདི་སྐད་ཅེས་
D746.095.0013b01.01བཀའ་སྩལ་ཏོ། །འབྱུང་པོའི་བདག་པོ་དེ་དེ་བཞིན་ཏེ། ཅི་སྐད་སྨྲས་པ་དེ་བཞིན་ནོ། །འབྱུང་པོའི་བདག་པོ་རིག་པའི་རྒྱལ་པོ་ཆེན་པོ་རིག་པ་མཆོག་འདི་ནི་རྫུ་འཕྲུལ་ཆེ་བའོ། །འབྱུང་པོའི་བདག་པོ་རིག་པའི་རྒྱལ་པོ་ཆེན་པོ་འདི་ནི་འགྲོ་ལྡིང་བའི་གཟུགས་ཅན་
D746.095.0013b02.01འགྲོ་ལྡིང་གི་སྐད་དུ་བརྗོད་པའོ། །འབྱུང་པོའི་བདག་པོ་རིག་པའི་རྒྱལ་པོ་ཆེན་པོའི་མཆོག་འདི་ནི་ཕྱག་འཚལ་བ་དང་བཅས་པར་ཡི་གེ་སུམ་ཅུ་རྩ་གཉིས་པའོ། །ཡི་གེ་བཞི་པ་འདི་ཡང་མི་མཉམ་པ་དང་མཉམ་པ་མཚུངས་པ་མེད་པ་སྟེ། བསྐལ་པ་བཞིར་གནས་
D746.095.0013b03.01པ་ཡིན་ནོ། །བཅོམ་ལྡན་འདས་དེ་བཞིན་གཤེགས་པ་མར་མེ་མཛད་ནས་བཟུང་སྟེ་བཤད་པའོ། །འབྱུང་པོའི་བདག་པོ་འདི་ཐོས་ན་སེམས་ཅན་གང་དག་མཚམས་མེད་པ་ལྔ་བྱེད་པ་དེ་དག་ཀྱང་སེམས་ཅན་དམྱལ་བ་ཆེན་པོར་མནར་མེད་པར་སྐྱེ་བ་དེ་ནི་གནས་མ་ཡིན་
D746.095.0013b04.01ཞིང་གོ་སྐབས་མེད་དེ། རིག་པའི་རྒྱལ་པོ་ཆེན་པོ་རིག་པ་མཆོག་གི་མཐུ་ནི་འདི་ཡིན་ནོ། །འདི་ལྟ་སྟེ་དཔེར་ན། ནོར་བུ་རིན་པོ་ཆེ་ཆེན་པོའི་རྒྱལ་པོ་གཙུག་ཏོར་ལྡན་ཞེས་བྱ་བ་མཐོང་བ་ཙམ་གྱིས་ནད་ཐམས་ཅད་མེད་པར་འགྱུར་ཞིང་གདོན་ཐམས་ཅད་ཀྱང་འབྲོས་པར་
D746.095.0013b05.01འགྱུར་རོ། །འབྱུང་པོའི་བདག་པོ་དེ་བཞིན་དུ་རིག་པའི་རྒྱལ་པོ་ཆེན་པོ་བཞི་དག་གང་གིས་བཟླས་བརྗོད་བྱས་པ་དེ་མཚོན་གྱིས་འཆི་བའི་དུས་བྱེད་པར་མི་འགྱུར་ཏེ། དུག་གིས་མ་ཡིན། ཆུ་ཡིས་མ་ཡིན། མེས་མ་ཡིན་ཞིང་དེ་བར་མ་དོར་འཆི་བར་མི་འགྱུར་རོ། །ངན་
D746.095.0013b06.01འགྲོ་ལོག་པར་ལྟུང་བར་མི་འགྱུར་རོ། །ངེས་པར་རྡོ་རྗེའི་རིགས་སུ་སྐྱེ་བར་འགྱུར་རོ། །དེ་ནས་ཚེ་དང་ལྡན་པ་ཤཱ་རའི་བུས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་སྤྱན་སྔར་འདུག་ནས་མགོ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D746.095.0013b07.01