完整藏文原文 · 德格版页 当前仅加载第 95 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
ཚལ་དུ་འཁོད་ནས་གཅིག་ལ་གཅིག་བལྟས་ཏེ་འདི་སྐད་སྨྲས་སོ། །བྱང་ཆུབ་སེམས་དཔའ་སེམས་དཔའ་ཆེ། །རྡོ་རྗེ་འཛིན་པ་འདི་ཉིད་ནི། །སེམས་ཅན་རྣམས་ལ་ཕན་འདོད་ཕྱིར། །ཐུབ་པའི་དྲུང་ན་གསང་བའི་སྔགས། །རྣམ་པ་སྣ་ཚོགས་ཐབས་ཀྱིས་སུ། །
D746.095.0092a01.01རིག་མཆོག་ཆོ་ག་ཆེན་པོ་གང་། །ལྷ་རྣམས་ལ་ནི་གྲུབ་སྦྱིན་ཞིང་། །ཐོས་ནས་རྟག་ཏུ་ལྷ་རྣམས་ནི། །ལྷ་མིན་ལས་རྒྱལ་སྔོན་བྱེད་ཀྱིས། །སེམས་ཅན་རྣམས་ཀྱི་དོན་གྱི་ཕྱིར། །གསང་བའི་བདག་པོ་སྟོབས་པོ་ཆེ། །ཞི་བ་དང་ནི་དུལ་བ་ཡི། །ཐད་དུ་སོང་ནས་བྲི་བར་
D746.095.0092a02.01བྱ། །དེ་ནས་ལྷའི་དྲང་སྲོང་འོད་ཟེར་ཅན་དང་། འོད་སྲུང་དང་། ཀུན་ཤེས་དང་། གནས་འཇོག་དང་། མི་སྦྱིན་གྱི་བུ་ལ་སོགས་པ་བཅོམ་ལྡན་འདས་དང་། ལག་ན་རྡོ་རྗེ་དང་། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་གྱི་རྒྱལ་པོ་ག་ལ་བ་དེར་དོང་སྟེ་ཕྱིན་ནས་
D746.095.0092a03.01ལྷའི་གླུ་དབྱངས་ཀྱིས་བཅོམ་ལྡན་འདས་ལག་ན་རྡོ་རྗེ་ལ་མངོན་པར་བསྟོད་དོ། །དེ་ནས་བཅོམ་ལྡན་འདས་ལག་ན་རྡོ་རྗེས་དཀྱིལ་འཁོར་དེ་ནས་ལངས་ནས་ལྷའི་དྲང་སྲོང་དེ་དག་ལ་སྨྲས་པ། དྲང་སྲོང་ཆེན་པོ་ཁྱེད་རྣམས་སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པ་དང་། སེམས་
D746.095.0092a04.01ཅན་ཐམས་ཅད་ལ་ཕན་པའི་ཕྱིར་ཞུགས་པ་དང་། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་གྱི་རྒྱལ་པོའི་ནང་དུ་འོངས་པ་ལེགས་སོ་ལེགས་སོ། །དེ་ནས་དགའ་བའི་ཚལ་ཆེན་པོ་ཡིད་དུ་འོང་བ་དང་། ཤིང་ཆེན་པོ་ཡོངས་འདུལ་གནས་པའི་སྲིན་མོ་ནམ་གྲུ་ཞེས་
D746.095.0092a05.01བྱ་བ་སྟོབས་ཆེན་མོ། བརྩོན་འགྲུས་ཆེན་མོ། འཇིག་རྟེན་གསུམ་ན་བྱིས་པ་རྣམས་གསོད་པ། འདོད་དགུར་སྒྱུར་བའི་གཟུགས་ཅན་དེ་ཡང་དྲང་སྲོང་དེ་དག་གི་ཐད་དུ་སོང་སྟེ་མཐོང་ནས་ལྟད་མོར་གྱུར་ཏེ། དཀྱིལ་འཁོར་དེ་དང་ཉེ་བ་ཞིག་ཏུ་སོང་ནས་རྒྱང་ན་འདུག་ཅིང་རྡོ་རྗེ་འབར་བའི་གཟི་བྱིན་
D746.095.0092a06.01གྱིས་དེའི་ནང་དུ་འོང་མ་ནུས་སོ། །དེ་ནས་དབང་ཕྱུག་ཆེན་པོ་ལ་སོགས་པ་ལྷ་རྣམས་དང་། མི་སྦྱིན་གྱི་བུ་ལ་སོགས་པ་དྲང་སྲོང་རྣམས་ལག་ན་རྡོ་རྗེའི་ཞལ་དུ་བལྟ་ཞིང་། རྡོ་རྗེ་འཛིན་སྲིན་མོ་ནམ་གྲུ་ཞེས་བྱ་བ་སྟོབས་ཆེན་མོ། །བརྩོན་འགྲུས་ཆེན་མོ། །འདི་ནི་སྐྱེ་བོ་གནས་པ་དང་འགྲོ་
D746.095.0092a07.01