完整藏文原文 · 德格版页 当前仅加载第 95 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། སྲེད་མེད་ཀྱི་བུའི་སྟོབས་ཕྱེད་དང་ལྡན་པར་འགྱུར་ཏེ། དེ་གཉིས་ཀ་ཡང་སྲེད་མེད་ཀྱི་བུའི་སྟོབས་ཕྱེད་དང་ལྡན་པར་འགྱུར་ཞིང་དཔག་ཚད་ཉིས་སྟོང་དུ་གྱེན་དུ་འཕགས་པར་འགྱུར་རོ། །ཟླ་བ་ཕྱེད་ཀྱི་བར་དུ་ཟས་སུ་འོ་མ་དང་ཕྱེ་མའི་འདག་གུ་ལ་རིག་སྔགས་བཟླས་བརྗོད་
D746.095.0141b01.01བྱས་ལ་དེ་ནས་མར་གྱི་ངོ་ཞག་བཅུ་བཞི་ལ་ལྷ་ཆེན་པོའི་གནས་སུ་སོང་སྟེ། རིག་སྔགས་ལན་བརྒྱད་སྟོང་བཟླས་བརྗོད་བྱའོ། །དེ་ནས་རིག་སྔགས་འཆང་ཟླ་བ་ཉ་ལ་ནྱ་གྲོ་དྷའི་ཤིང་གཅིག་འགྲེང་གི་དྲུང་དུ་སོང་ལ་དེའི་དྲུང་དུ་ཁྲུ་ལྔ་ཙམ་བྱི་དོར་བྱས་ནས་ཕོའི་མིང་དང་ལྡན་པའི་ཤིང་
D746.095.0141b02.01ལས་མདུང་བྱས་ཏེ། དྲི་དང་། མེ་ཏོག་དང་བདུག་པོས་བརྒྱན་ལ། བཅོམ་ལྡན་འདས་མ་དང་རིག་སྔགས་ཀྱི་རྒྱལ་པོས་ལས་བྱས་ཏེ། དེ་ནས་རིག་སྔགས་འཆང་དེ་ནྱ་གྲོ་དྷའི་ཤིང་ལ་འཛེགས་ལ། རིག་སྔགས་ལན་བརྒྱད་སྟོང་བཟླས་བརྗོད་བྱས་ཏེ། བཟླས་བརྗོད་བྱེད་བཞིན་དུ་མདུང་
D746.095.0141b03.01གི་སྟེང་དུ་བདག་ཉིད་མཆོངས་ནས་དེས་རེག་མ་ཐག་ཏུ་ལྕང་ལོ་འཁྱིལ་ཞིང་ལོ་བཅུ་དྲུག་ལོན་པའི་གཟུགས་ཅན་དུ་འགྱུར་ཏེ། རིག་སྔགས་འཆང་ཐམས་ཅད་ཀྱིས་མི་སོད་ལ། ཚེ་ལོ་ཁྲི་ཉིས་སྟོང་ཐུབ་པར་འགྱུར་ཏེ། ལུས་ཞིག་པའི་ཚེ་ཡང་འཕགས་པ་ལག་ན་རྡོ་རྗེ་མཐོང་བར་འགྱུར་
D746.095.0141b04.01རོ། །ཡུམ་དང་སྙིང་པོའི་རྒྱལ་པོ་འཆང་བ་གང་ཡིན་པ་དེ་ལ་ནི་ལྷ་རྣམས་ཡིད་དགའ་བས་དངོས་གྲུབ་སྦྱིན་པར་འགྱུར་རོ། །ཆོ་ག་རྒྱས་པ་རྒྱུད་ཕྱི་མ་དང་བཅས་པ་འདི་འཆང་བའམ། ཀློག་པ་གང་ཡིན་པ་དེ་དག་ལ་ནི་ལྷ་ཐམས་ཅད་སྲུང་བ་དང་། སྐྱོབ་པ་དང་། སྦེད་པར་འགྱུར་ཏེ།
D746.095.0141b05.01སྡིག་པ་ཐམས་ཅད་ལས་ཀྱང་གྲོལ་བར་འགྱུར་རོ། །སྙིང་པོའི་རྒྱལ་པོ་འཆང་བ་གང་ཡིན་པས་ནི་ལག་ན་རྡོ་རྗེས་བཤད་པ་བཞིན་དུ་རིང་པོ་མི་ཐོགས་པར་དངོས་གྲུབ་ཐོབ་པར་འགྱུར་རོ། །གདོན་ཐམས་ཅད་ཀྱང་འདི་ཉིད་ཀྱིས་དབང་དུ་བྱའོ། །གདོན་འཁྲུགས་པར་བྱ་འདོད་ན་ན་ལེ་ཤམ་
D746.095.0141b06.01བླངས་ལ་ཀ་ན་ཀའི་འབྲས་བུའི་ནང་དུ་བཙོས་ནས་ན་ལེ་ཤམ་དེས་གདོན་ལ་བདུགས་ན་སྨྱོ་བར་འགྱུར་རོ། །གུ་གུལ་གྱི་བདུག་པའམ་གཏོར་མས་གཏོང་བར་འགྱུར་རོ། །མིག་འཁྲུལ་བར་བྱ་བར་འདོད་ན་བ་བླ་བླངས་ཏེ་རྩངས་པ་ཟར་བཅུག་སྟེ། བ་བླ་རྩངས་པའི་ཁ་ནས་བྱུང་བ་
D746.095.0141b07.01