完整藏文原文 · 德格版页 当前仅加载第 95 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ནང་དུ་སྨྱུགས་པས་ལན་བརྒྱ་སྟོང་སྦྱིན་སྲེག་བྱས་ན་ཞི་བར་འགྱུར་རོ། །ཕ་རོལ་གྱི་དམག་གཞོམ་པར་འདོད་ན། བ་རུ་རའི་ཤིང་གིས་མེ་སྦར་བའི་ནང་དུ་མཚོན་ཆ་ཕྱེ་མར་བྱས་པ་ཁྲག་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ལ་དེའི་ཐལ་བས་བདག་གི་དམག་དང་
D746.095.0111a01.01དམག་དཔོན་རྣམས་ལ་ཐིག་ལེ་བྱས་ནས། རྒྱལ་མཚན་གྱི་རྩེ་མོ་ལ་ཡང་བྱུགས་ཏེ་བསྟན་ན་མཐོང་བ་ཙམ་གྱིས་ཕ་རོལ་གྱི་དམག་ཚོགས་དང་དམག་དཔོན་དེ་དག་ཕམ་པར་འགྱུར་རོ། །ཡང་ན་གླང་པོ་ཆེ་དང་རྟ་ཤི་བའི་ཤ་བླངས་ཏེ་ཕུབ་མ་དང་བ་རུ་རའི་ཤིང་བསྲེས་པའི་མེར་གཡུལ་འགྱེད་
D746.095.0111a02.01པའི་ཚེ་སྦྱིན་སྲེག་བྱས་ན་སྲེག་བླུགས་བླུགས་པ་ཙམ་གྱིས་ཕམ་པར་འགྱུར་རོ། །ཡུངས་ཀར་དམར་པོ་བླངས་ཏེ་ལན་བརྒྱ་སྟོང་བསྔགས་པས་བདག་གི་དམག་འཁོད་པའི་ས་ལ་གཏོགས་པའི་ས་གཏོར་ཏེ་མགོ་ལ་ཡང་གཏོར་ན་བདག་གི་དམག་དང་དམག་དཔོན་རྣམས་མཐོང་བ་ཙམ་གྱིས་
D746.095.0111a03.01ཕ་རོལ་གྱི་དམག་ཕམ་པར་འགྱུར་ཏེ། ནམ་ཡང་ཕ་རོལ་གྱི་དམག་གིས་ནོན་པར་མི་འགྱུར་རོ། །ཡང་ན་བདག་གི་ནང་དུ་འདུག་སྟེ་བཟླས་བརྗོད་བྱས་ན་ཕ་རོལ་གྱི་དམག་ཕམ་པར་འགྱུར་རོ། །དེ་ནས་རྒྱལ་སྲིད་སྒྲུབ་པར་འདོད་ན་རིའི་རྩེ་མོར་སོང་ལ་སློང་མོའི་ཟས་ཟ་ཞིང་ལན་བྱེ་བར་
D746.095.0111a04.01བཟླས་བརྗོད་བྱས་ན་བཟླས་བརྗོད་ཟིན་པའི་འོག་ཏུ་རྡོ་རྗེ་ཁྲོ་བོ་འོང་སྟེ་རང་གི་གཟུགས་བསྟན་ནས་དམ་པ་སྦྱིན་པར་བྱེད་དེ། འཁོར་ལོས་སྒྱུར་བའི་རྒྱལ་པོ་དང་འདྲ་བར་འགྱུར་རོ། །དེ་ནས་གཏེར་ཆེན་པོ་མཐོང་བར་འདོད་ན་ནོར་གྱི་སྤྱན་རྒྱན་ཐམས་ཅད་ཀྱིས་བརྒྱན་པ་གནོད་སྦྱིན་གྱི་ཚོགས་ཀྱིས་
D746.095.0111a05.01བསྐོར་བ་བྲི་བར་བྱའོ། །གློ་གཡས་གཡོས་སུ་ཡང་གཏེར་དུང་དང་པདྨ་གཉིས་བྲིས་ལ། དེའི་མདུན་དུ་རྡོ་རྗེ་ཁྲོ་བོ་ལིག་བུ་མིག་དང་སྤྲིན་གྱི་མདོག་ཅན་མཆེ་བ་གཙིགས་པ། སྐྲ་གྱེན་དུ་འགྲེང་ལ་ས་ལ་ལྟ་ཞིང་འདུག་པ་བྲིས་ཏེ། ཡུངས་ཀར་དང་ཨ་ཀ་རུ་གཅིག་ཏུ་སྦྱར་ནས་ཡར་གྱི་ངོ་ཚེས་ཞག་
D746.095.0111a06.01གཅིག་ལ་བརྩམས་ལ་ཟས་སུ་འོ་མའི་འདག་གུའམ། སློང་མོའི་ཟས་ཟ་ཞིང་ལན་འབུམ་བཟླས་བརྗོད་བྱས་ཏེ། ཅི་འབྱོར་པས་མཆོད་པ་བྱས་པའི་མཇུག་ཏུ་ཞག་གསུམ་སྨྱུང་བ་བྱས་ཏེ། ཟླ་བ་ཉ་ལ་མར་གྱི་མར་མེ་བཞི་ཕུལ་ནས་གཏེར་གཅིག་ལས་ཏི་ན་རའི་ཆར་བབ་ཀྱི་བར་དུ་བཟླས་བརྗོད་བྱའོ། །
D746.095.0111a07.01