完整藏文原文 · 德格版页 当前仅加载第 95 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
གསང་བདག་བློ་དང་ལྡན་པ་ཡིས། །གསང་སྔགས་བཤད་པ་ཙམ་གྱིས་ནི། །དཀྱིལ་འཁོར་དེ་ན་སྡང་བ་གང་། །དེ་དག་ཡོངས་སུ་ཚིག་གྱུར་ནས། །སྟོབས་ཆེན་ཕ་རོལ་གནོན་པ་ཡིས། །རྡོ་རྗེ་ཁུ་ཚུར་རབ་འཇིགས་ལས། །བདག་ཅག་བསྐྱབ་པ་གྱིས་ཤིག་ཅེས། །
D746.095.0113b01.01ལག་ན་རྡོ་རྗེའི་སྐྱབས་སུ་སོང་། །དེ་ནས་དཀོན་མཆོག་གསུམ་པོ་ཡིས། །བརྒྱན་པར་སེམས་ནི་བསྐྱེད་པར་གྱིས། །འོན་ཏ་ང་ཞི་བ་ཉིད་དུ་འགྱུར། །དེ་ནས་ལྷ་དེ་དག་གིས་འཇིགས་པའི་སེམས་ཀྱིས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་ལ་མངོན་པར་བསྟོད་ནས། རིག་
D746.095.0113b02.01སྔགས་ཀྱི་རྒྱལ་པོ་རྡོ་རྗེ་ཁུ་ཚུར་གྱིས་རིག་སྔགས་ཆེན་མོའི་ལས་རྣམས་ཤོད་ཅིག་ཤོད་ཅིག་ཅེས་སྨྲས་ནས། ལག་ན་རྡོ་རྗེ་སྟོབས་ཆེན་གྱིས། །སྤྱན་ལ་སྤྱི་བོས་ཕྱག་འཚལ་ནས། །མཉམ་གཞག་རྡོ་རྗེ་ཁུ་ཚུར་གྱི། །ཆོ་ག་བཤད་པ་རབ་བསྟན་པ། །ཆུ་ཀླུང་གི་འགྲམ་
D746.095.0113b03.01མམ། སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་སྒྲ་སྐད་གྲག་པ་མེད་པའི་གནས་སུ་གཙང་སྦྲ་དང་། ཚངས་པར་སྤྱད་པ་དང་། ཟ་གཅིག་པ་དང་སློང་མོའི་ཟས་ཟ་ཞིང་མི་སྨྲ་བར་ལན་སུམ་འབུམ་མམ། ལྔ་འབུམ་བཟླས་བརྗོད་བྱའོ། །ཆུ་ཀླུང་ངམ། པདྨའི་རྫིང་བུར་མེ་ཏོག་
D746.095.0113b04.01ལ་ལན་རེ་རེ་བཟླས་བརྗོད་བྱས་ཏེ་དོར་བར་བྱའོ། །སློང་མོའི་ཟས་ཟ་ཞིང་རིའམ་དགོན་པར་བ་ལང་གི་ལྕི་བ་བསྲེག་པར་བྱའོ། །ཆུའི་ནང་དུ་ཟིན་ཐིག་ལེའི་ལོ་མ་བཅད་ཅིང་བཅད་ཅིང་དོར་བར་བྱའོ། །ལས་འདི་དག་བྱས་ན་ལྷ་ཉིད་རང་གི་ཆ་ལུགས་ཀྱིས་འོང་བར་བྱེད་དེ་འགོག་
D746.095.0113b05.01པར་བྱེད་དོ། །སྒྲུབ་པའམ། བདག་ཉིད་སད་པར་འདོད་པའམ། ཡུལ་གྲུ་འདོད་ཀྱང་རུང་སྟེ་རས་མ་ཉམས་པ། སྐྲ་མེད་པ། ཁ་ཚར་མ་བཅད་པ་ལ་ཚོན་རྩི་སྦྱིན་དང་མ་སྦྱར་བ་སྣོད་སར་པའི་ནང་དུ་བཅུག་སྟེ། ཕྱིས་སར་པས་རི་མོ་མཁན་གཙང་མ་གསོ་སྦྱོང་གི་ཡན་ལག་
D746.095.0113b06.01བརྒྱད་དང་ལྡན་པ་བཅོམ་ལྡན་འདས་ཀྱི་སྐུ་གཟུགས་འདྲིར་གཞུག་གོ། །རྡོ་རྗེའི་སྡེ་ཡང་མིའི་གཟུགས་སུ་བྱས་ལ་མགོ་བོར་རྡོ་རྗེ་བཞག་སྟེ་འཕགས་པ་རྡོ་རྗེ་འཛིན་ལག་པ་གཡོན་པས་སྙེས་པར་བྱའོ། །རྡོ་རྗེའི་སྡེ་ཡང་སྒ་ལྕང་ལོར་འཁྱིལ་ཞིང་རྒྱན་ཐམས་ཅད་ཀྱིས་བརྒྱན་པར་བྱའོ། །
D746.095.0113b07.01