完整藏文原文 · 德格版页 当前仅加载第 95 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
བཀྲ་ཤིས་ནི་རྡོ་རྗེ་སྡེའིའོ། །ཤིན་ཏུ་བཀྲ་ཤིས་ནི་ཕུར་བུ་གསུམ་པའིའོ། །པདྨའི་མཚན་ནི་འཕགས་པ་སྤྱན་རས་གཟིགས་དབང་ཕྱུག་གོ། །པདྨའི་ཕྲེང་ནི་དཔལ་ཆེན་པོའི་ཡིན་པར་བཤད་དོ། །དེ་བཞིན་དུ་གཡུང་དྲུང་རིས་རྣམས་ནི་ཚོགས་རྣམས་ཀྱིའོ། །
D746.095.0169a01.01མདུང་རྩེ་གསུམ་པའི་ནི་རྫོང་གི་འཕགས་མའིའོ། །རྡོ་རྗེ་ནི་ཁྲོ་བོ་ཡིན་པར་བཤད་དོ། །མཆེ་བ་ནི་མ་མོ་རྣམས་ཀྱིའོ། །དེ་བཞིན་དུ་མདུང་ཐུང་ནི་དྲུག་པ་རྣམས་ཀྱིའོ། །ཀླུ་ལག་ནི་རྒྱ་མཚོ་ཆེན་པོའིའོ། །དེ་བཞིན་དུ་ཞགས་པ་ནི་འཇིག་རྟེན་སྐྱོང་བ་རྣམས་ཀྱིའོ། །རལ་
D746.095.0169a02.01གྲི་ནི་མེའི་ཡིན་པར་བཤད་དོ། །དབྱུག་པ་ནི་སའི་ལྷ་མོའིའོ། །འཁོར་ལོ་ནི་ནོར་ལྷའི་བུའིའོ། །ལྷ་རྣམས་ཀུན་གྱི་ཕྱག་རྒྱ་འདི་དག་དང་ལས་སྣ་ཚོགས་བསྟན་པ་རྣམས་ངས་བཤད་ཟིན་ཏེ། ཕྱག་རྒྱ་རྣམས་ནི་ཕྱག་རྒྱའི་མཚན་ཉིད་འདིར་མཆོག་ཏུ་གསང་བ་ཡིན་ནོ། །ཕྱག་
D746.095.0169a03.01རྒྱ་འདི་དག་བསྒྲུབ་པ་གང་ཡིན་པ་དེས་ནི་མཱ་མ་ཀཱིའི་ཕྱག་རྒྱའི་མཚན་ཉིད་གཟུང་བར་བྱའོ། །གང་གི་ཕྱིར་ང་རྡོ་རྗེ་འཛིན་ཡིན་པས་ན་དེའི་ཕྱིར་ངས་ཕྱག་རྒྱའི་ལས་ཀྱི་མཆོག་བཤད་པར་བྱའོ། །མཱ་མ་ཀཱིའི་ལས་ངས་བཤད་པ་གང་ཡིན་པ་ལ་ཡང་ཞི་བ་དང་། རྒྱས་པ་དང་། དྲག་
D746.095.0169a04.01ཤུལ་རྣམ་གསུམ་དུ་བཤད་པའི་ལས་གང་ཡིན་པ་དེ་དག་གི་རིམ་པ་སྣ་ཚོགས་ཀྱང་བཤད་པར་བྱའོ། །དྲག་ཤུལ་གྱི་ལས་རྣམས་ལ་ནི་མཱ་མ་ཀཱིའི་མཚན་ཉིད་ཇི་ལྟ་བ་བཞིན་བཞག་ལ་རྡོ་རྗེ་མཚན་དང་། རྡོ་རྗེ་རྟགས་དང་། འཁོར་ལོ་དང་། མཆེ་བ་དང་། གཡུང་དྲུང་རིས་
D746.095.0169a05.01དང་། མདུང་རྩེ་གསུམ་པ་དང་། ཕྱག་རྒྱ་འདི་དག་གིས་བསྐོར་བར་བྱ་སྟེ། དེའི་མདུན་དུ་སྦྱིན་སྲེག་གི་ཆོ་གར་བསྟན་པ་གང་ཡིན་པ་དེ་ལ་ཡང་དེ་བཞིན་དུ་བྱའོ། །བཟླས་བརྗོད་ཀྱི་བསྒྲུབ་པ་ལ་ཡང་བཟླས་བརྗོད་བྱའོ། །དེ་ནས་རྒྱས་པ་བྱེད་ན་རྒྱལ་བ་དང་། བཀྲ་ཤིས་དང་། ཤིན་
D746.095.0169a06.01ཏུ་བཀྲ་ཤིས་དང་། ཀླུ་ལག་དང་། པདྨའི་ཕྲེང་དང་། རྡོ་རྗེ་དང་། འདི་རྣམས་གཞག་པར་བྱའོ། །མཱ་མ་ཀཱི་ཡང་མཚན་ཉིད་ཇི་ལྟ་བ་བཞིན་གཞག་པར་བྱ་སྟེ། དེའི་མདུན་དུ་སྦྱིན་སྲེག་གི་ཆོ་གའི་ལས་གང་ཡིན་པ་བ་ཤ་ཀའི་ཡམ་སྲེག་ཤིང་ངམ། །འབྲས་ཆན་གྱིས་བྱའོ། །
D746.095.0169a07.01