完整藏文原文 · 德格版页 当前仅加载第 95 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་འགྲུབ་པ་ཡིན་ཏེ། འདོད་དགུར་སྒྱུར་བའི་གཟུགས་ཅན་དུ་འགྱུར་ཞིང་ལུས་མི་སྣང་བར་འགྱུར་ལ། ཚེ་ལོ་དགུ་སྟོང་ཐུབ་པར་འགྱུར་རོ། །གང་གི་ཚེ་བུད་མེད་ཀྱི་གཟུགས་སྤྲུལ་པར་བྱ་ན་དེའི་ཚེ་མོའི་མིང་དང་ལྡན་པའི་ས་བོན་རྣམས་བླངས་ལ། ལག་ན་རྡོ་རྗེའི་མདུན་དུ་ཆུའི་བུམ་པ་
D746.095.0119b01.01བཞག་པ་དེའི་ནང་དུ་བླུགས་ཏེ། དེ་ནས་རིག་སྔགས་བརྗོད་ན་དེ་དེས་བུད་མེད་དུ་འགྱུར་ཏེ། བུད་མེད་དེ་ཡང་བུད་མེད་རིན་པོ་ཆེའི་ཡོན་ཏན་དང་ལྡན་པར་འགྱུར་ལ། ཡིད་ལ་ཅི་བསམས་པ་དེ་སྤྲུལ་པར་བྱེད་དོ། །གང་གི་ཚེ་སྐྱེས་པའི་གཟུགས་སྤྲུལ་པར་བྱེད་ན་དེའི་ཚེ་ཕོའི་མིང་དང་ལྡན་པའི་
D746.095.0119b02.01ས་བོན་རྣམས་བླངས་ཏེ། བླུགས་ནས་ཡིད་ཀྱིས་བསྔགས་ན་སྐྱེས་པའི་གཟུགས་སུ་གནས་པར་འགྱུར་ཏེ། སྐྱེས་པ་དེ་ཡང་བསྒོ་བ་བཞིན་དུ་བྱེད་ཅིང་ཡིད་ལ་ཅི་བསམས་པ་དེ་བྱེད་པར་འགྱུར་རོ། །འཇིམ་པས་བསྐུས་ན་མི་གཙང་བ་དང་གླང་པོ་ཆེའི་རྟུག་པ་དང་རྟ་རྟུག་ཀྱང་བཟའ་རུ་རུང་བར་
D746.095.0119b03.01བྱེད་དོ། །ཆུ་ཡང་འོ་མར་འགྱུར་ལ་འོ་མ་ཡང་ཆུར་འགྱུར་རོ། །ཉིན་མོ་ཡང་མཚན་མོར་སྒྱུར་ལ། མཚན་མོ་ཡང་ཉིན་མོར་འགྱུར་རོ། །བྱེ་མ་ཡང་ཀ་རར་འགྱུར་རོ། །ལུས་ཀྱང་སྐད་ཅིག་གིས་མི་སྣང་བར་འགྱུར་རོ། །ཚེ་ལོ་བརྒྱད་ཁྲི་ཐུབ་པར་འགྱུར་རོ། །ཤི་ན་ཡང་བདེ་བ་ཅན་དུ་
D746.095.0119b04.01སྐྱེ་བར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་ཡུངས་ཀར་གྱིས་རྡོ་རྗེའི་དབྱིབས་བྲིས་ལ་སྤྱན་གྱི་རིག་སྔགས་ཀྱི་རྒྱལ་པོ་དང་ལྡན་པར་བཟླས་བརྗོད་བྱེད་བཞིན་དུ་ཁམ་ཕོར་རམ་ལོ་མས་བཀབ་ལ། དེ་ནས་རིག་སྔགས་ལན་བརྒྱད་བརྒྱ་བརྒྱད་བརྒྱ་བཟླས་བརྗོད་བྱ། ཞག་
D746.095.0119b05.01བདུན་གྱི་ཐ་མར་གོས་ཕྲུགས་གཅིག་ཐོབ་པར་འགྱུར་རོ། །བཅོམ་ལྡན་འདས་གསང་བ་པ་རྣམས་ཀྱི་ཆོ་ག་རྒྱས་པར་བསྒྲུབ་པ་དང་། ཆོ་ག་རྒྱས་པ་རྣམས་མ་རུང་བར་བགྱི་བའི་ལས་འདི་ནི་ཤིན་ཏུ་ངོ་མཚར་ཆེ་བ་ལགས་སོ། །ལས་དམ་པ་འདིས་འཕགས་པ་ལག་ན་རྡོ་རྗེའི་མདུན་
D746.095.0119b06.01དུ་རྡོ་རྗེའི་རིགས་སྤྱན་དང་བཅས་པའམ། གདོང་དྲུག་པ་རྡོ་རྗེ་གསུམ་པ་འདུག་པར་ཡིད་ཀྱིས་བསམས་ལ། བཅོམ་ལྡན་འདས་མ་རིགས་ཀྱི་རྒྱལ་པོ་དང་ལྡན་པར་ལན་བརྒྱད་སྟོང་བཟླས་བརྗོད་བྱས་ན་མིང་འགྲུབ་པར་བྱེད་དེ། བཅོམ་ལྡན་འདས་མ་མིང་དེ་ཉིད་ཀྱིས་སྨན་ལ་བསང་གཏོར་
D746.095.0119b07.01