完整藏文原文 · 德格版页 当前仅加载第 95 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར། །དེ་ལ་གཏོར་མ་སྦྱིན་བྱ་ཞིང་། །གསང་སྔགས་ཀྱང་ནི་བྱ་བ་ཡིན། །དེ་བཞིན་མར་དང་སྦྱར་བྱ་ཡི། །ནས་ཀྱི་ཟས་ཀྱང་སྦྱིན་པར་བྱ། །བ་ཡི་མར་དང་དེ་བཞིན་ཤ། །བུ་རམ་ཆང་གིས་བཀང་བར་སྦྱིན། །སྔགས་ལ། །ན་མོ་བཛྲ་པཱ་ཎི་སྱ། ཀེ་ཀ་
D746.095.0077b01.01རཀྵ། ཀ་ཀ་ར་དྲྀཥྚི། ཀེ་ཀ་རཱ་དྷི་པ་ཏ་ཡེ་སྭཱ་ཧཱ། ཁྲ་འདི་དག་ནི་བདག་གིས་སུ། །མཚོན་བཅས་ཆོ་གར་ལྡན་པར་བཤད། །གང་ཞིག་ཁྲ་ནི་ནག་པོ་ཡི། །སྔགས་ལས་བརྟེན་ཏེ་ལས་རྩོམ་པ། །དེ་ལ་འཇིགས་པ་ཅི་ཡང་རུང་། །ཅུང་ཟད་ཀྱང་ནི་འབྱུང་མི་འགྱུར། །
D746.095.0077b02.01དེ་ལ་སྦྲང་རྩི་འོ་མར་སྦྱར། །དེ་ལས་འགལ་བར་ལས་བྱ་བ། །གང་ཡིན་དེ་ནི་བདག་ཉིད་བརླག །བདག་ཉིད་ཆེན་པོ་ཁྲ་འདི་དག །མཆོད་པ་བྱས་ན་ལྡོག་འགྱུར་ཏེ། །ལག་ན་རྡོ་རྗེས་བཤད་པ་བཞིན། །ཁྲ་ཐམས་ཅད་ཀྱི་གསང་སྔགས་ནི་ལྷག་པར་སྤྱན་དང་
D746.095.0077b03.01རིག་སྔགས་ཀྱི་རྒྱལ་པོ་དང་སྦྱར་བར་བྱའོ། །ཁྲ་གཞོམ་པའི་རིག་སྔགས་ཚངས་པས་སྨྲས་པ། ངས་བཤད་ཟིན་ཏེ། །དེ་དང་སྦྱར་ཞིང་ལས་བྱའོ། །ངས་ཀྱང་ཁྲ་ཐམས་ཅད་ཕུང་བར་བྱ་བའི་ཕྱིར་གཏུམ་པོ་མི་བཟད་པའི་རིག་སྔགས་གང་ཐོས་པས་བྲག་ལ་
D746.095.0077b04.01ཐོག་ཐོག་འབབ་པ་བཞིན་དུ་དུམ་བུ་བརྒྱར་འགྲོ་བར་འགྱུར་བར་བཤད་པར་བྱའོ། །ན་མོ་བཛྲ་པཱ་ཎི་སྱ། མ་ཧཱ་ཙནྡེ་ཙནྡེ་ཙིནྟ་ནམ་ན་ཙ་མ་ནེ། སྟམྦྷ་ནི། ཛམྦྷ་ནི། མོ་ཧ་ནི། ཧི་ཧི་ག་ཀ་རེ། བ་རེ་ཡེ་སྭཱ་ཧཱ། ཁྲ་ཐམས་ཅད་བཟློག་པ་ལ་ཡུངས་ཀར་གྱིས་བྱའོ། །
D746.095.0077b05.01དེ་ནས་རྡོ་རྗེ་འབྱར་བྱེད་གཞོམ་པར་འདོད་ན་རྡོ་རྗེ་འབྱར་བྱེད་ལ་བལྟས་ལ། རྡོ་རྗེ་ཁྲོ་བོ་ཉིད་བསྔགས་ཏེ་བླང་བར་བྱའོ། །སྨན་འདི་དག་ཀྱང་གཏོར་བར་བྱ་སྟེ། རྒྱ་སྲན་གྱི་ཁུ་བ་དང་། སྲུ་སྲུའི་རྩ་བ་དང་། འོམ་བུ་བསྲེགས་པའི་ཁུ་བ་དང་། སོ་མ་དང་སོ་མ་ཏ་བ་དང་།
D746.095.0077b06.01སོ་མ་ཛ་ཏི་དང་། འདི་རྣམས་བསྲེས་པའི་ཆུས་གཏོར་ལ་ཉི་མའི་འོད་ཀྱིས་གདུང་བར་བྱའོ། །གང་ན་ཉི་མ་མེད་པ་དེར་ནོར་བུ་མེ་ཤེལ་བསྟན་པར་བྱའོ། །དེ་ནས་བཅོས་མའི་རྡོ་རྗེ་འབྱར་བྱེད་གཞིག་པར་འདོད་ན། །སྭ་རི་ཀའི་ཐལ་བ་དང་། །གཟེ་མ་དང་། ཀནྟ་ག་
D746.095.0077b07.01