完整藏文原文 · 德格版页 当前仅加载第 95 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་གཞན་དག་ཀྱང་འགྲུབ་པར་འགྱུར་བའི་གསང་སྔགས་ཀྱི་ཆོ་ག་རྒྱས་པ་འདིར་སྦྱིན་པར་བགྱིའོ། །དེ་ལྟ་བས་ན་ཆོ་ག་རྒྱས་པ་ཐམས་ཅད་དུ་འདི་གཅིག་པུ་སྦྱར་བར་བགྱིའོ། །ལག་ན་རྡོ་རྗེ་འདི་དྲན་པ་ཙམ་གྱིས་རིག་པའི་ལྷ་ཐམས་ཅད་མངོན་དུ་འགྱུར་རོ། །ན་མཿ
D746.095.0044b01.01སརྦ་ཏ་ཐཱ་ག་ཏེ་བྷྱོ་བྷ་ག་བདྡྷྱཿ ཨོྃ་རུ་རུ་སྥུ་རུ་ཛྭ་ལ་ཏིཥྚ་སིདྡྷི་ལོ་ཙ་ནི་སརྦ་ཨརྠ་སཱ་དྷ་ནི་སྭཱ་ཧཱ། ལག་ན་རྡོ་རྗེ་སྤྱན་འདི་ནི་སེམས་ཅན་ཐམས་ཅད་ཀྱི་དོན་གྱི་ཕྱིར་དེ་བཞིན་གཤེགས་པ་བྱེ་བ་ཕྲག་བཅུས་དགོངས་ཏེ། ངས་ཀྱང་དེ་ལྟར་སེམས་ཅན་རྣམས་ཀྱི་དོན་དང་ཁྲོ་
D746.095.0044b02.01བོ་རྣམས་དགའ་བར་བྱ་བ་དང་གདུལ་དཀའ་བ་རྣམས་གདུལ་བའི་ཕྱིར་བཤད་དོ། །རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སྦྱིན་དང་མ་འདྲེས་པའི་ཚོན་གྱིས་སངས་རྒྱས་ཀྱི་སྐུ་གཟུགས་གསེར་གྱི་མདོག་ཅན་ཆོས་སྟོན་པ་བྲི་བར་བྱའོ། །དེའི་གཡས་
D746.095.0044b03.01རོལ་དུ་འཕགས་པ་ལག་ན་རྡོ་རྗེ་མདོག་སྔོ་བསངས་རྒྱན་ཐམས་ཅད་ཀྱིས་བརྒྱན་པ་ཆོས་ཉན་པ་བྲིའོ། །དེ་བཞིན་གཤེགས་པའི་གཡོན་རོལ་དུ་འཕགས་པ་སྤྱན་རས་གཟིགས་ཀྱི་དབང་ཕྱུག་འདམ་བུ་མདའ་རྒྱུ་ལྟར་དཀར་བ། སྐྲའི་ཐོར་གཙུག་དང་ཅོད་པན་ཅན་
D746.095.0044b04.01སྟག་ལྤགས་ཀྱི་ཤམ་ཐབས་གྱོན་པ་ལག་ན་རྔ་ཡབ་ཐོགས་པ་བྲི་བར་བྱའོ། །དེ་ནས་ཟླ་བ་ཕྱེད་ཟས་སུ་འོ་སྐྱོ་འཐུང་ཞིང་རིག་པ་བཟླས་བརྗོད་བྱའོ། །དེ་ནས་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ། རི་མོའི་གཟུགས་ལ་མཆོད་པ་རྒྱ་ཆེར་
D746.095.0044b05.01བྱས་ལ་རིག་པ་ལན་བརྒྱ་སྟོང་བཟླས་བརྗོད་བྱའོ། །དེ་བཞིན་གཤེགས་པའི་གློ་གཡས་ནས་འོད་ཟེར་བྱུང་སྟེ། ལག་ན་རྡོ་རྗེ་ལ་ནུབ་ན་གྲུབ་པར་འགྱུར་རོ། །རྒྱལ་པོ་ཉིད་དམ་རིག་སྔགས་འཆང་ཉིད་དེ་དམ་པ་གཉིས་སྦྱིན་པར་བྱེད་དོ། །རྒྱལ་པོ་ཉིད་དུ་གྱུར་
D746.095.0044b06.01ན་རིག་སྔགས་འཆང་རྣམས་ཀྱི་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་ཉིད་དུ་གྱུར་ན་ནི་རིག་སྔགས་འཆང་དྲུག་ཁྲིའི་བདག་པོ་ཉི་མ་ཤར་བ་ལྟ་བུའི་མདོག་ཅན་ལོ་བཅུ་དྲུག་ལོན་པ་ལྟ་བུའི་ལུས་སུ་འགྱུར་རོ། །ལོ་ཁྲི་བཞི་སྟོང་ཐུབ་པར་འགྱུར་རོ། །
D746.095.0044b07.01