完整藏文原文 · 德格版页 当前仅加载第 95 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ལས་གང་ཡིན་པ་དེས་རྐང་རྗེས་ཀྱི་རྡུལ་གྱིས་ཞག་བདུན་གྱི་བར་དུ་སྦྱིན་སྲེག་བྱའོ། །ལྷ་རྣམས་ཚངས་པའི་སྙིང་པོ་ལ་དྲག་ཏུ་བསྐུལ་བའི་གསང་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ནམཿཔི་ཏམ་ཧཱ་སྱ། ཨོྃ་སྭ་ཡམྦྷུ་བེ་ཛྭ་ལ་ཕཊ་སྭཱ་ཧཱ།
D746.095.0124a01.01མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་དྲི་དང་མེ་ཏོག་དཀར་པོ་བརྒྱད་སྟོང་གིས་འཕགས་པ་ལག་ན་རྡོ་རྗེ་ལ་བསྣུན་ན་དེ་ནས་ཚངས་པས་དམ་པ་སྦྱིན་པར་འགྱུར་རོ། །ལྷ་རྣམས་ཚངས་པ་ཆེན་པོས་
D746.095.0124a02.01བཤད་པའི་རིག་སྔགས་ཀྱི་ལས་རྣམས་ངས་བཤད་ཟིན་ཏོ། །འཇིག་རྟེན་སྐྱོང་བ་བཞིས་བཤད་པའི་དགའ་བྱེད་གདོང་གི་ལས་ཀྱང་བཤད་པར་བྱ་སྟེ། སྲུང་བ་ནི་ལན་བདུན་བཟླས་བརྗོད་བྱས་པའི་སྐུད་པས་བྱའོ། །དཀྱིལ་འཁོར་གྱི་ཆོ་ག་ལ་ནི་ལས་ཐམས་ཅད་ལ་ཡང་སྦྱར་བར་
D746.095.0124a03.01བྱའོ། །བཅོམ་ལྡན་འདས་མས་ནི་ལྷ་རྣམས་སྤྱན་དྲང་བར་བྱའོ། །སྙིང་པོས་ནི་སླར་གཏང་བར་བྱའོ། །གདོན་ཐམས་ཅད་ཀྱི་མཚམས་བཅད་པ་ནི་ཡིད་ཀྱིས་བྱ་སྟེ། །དགྲོལ་བ་ཡང་ཡིད་ལ་བྱའོ། །དགྲ་གཞིག་པར་འདོད་ན་མར་གྱི་ངོ་ཞག་བརྒྱད་ལ་བརྩམས་ཏེ། དུས་
D746.095.0124a04.01གསུམ་དུ་ཕུབ་མའི་སྦྱིན་སྲེག་ལན་བརྒྱད་བརྒྱ་བརྒྱད་བརྒྱ་སྦྱིན་སྲེག་བྱས་ན་ཞག་བདུན་གྱི་ཉིན་པར་དགྲ་འཇིག་པར་འགྱུར་རོ། །སྐྱེས་པ་དབང་དུ་བྱ་ན་ཡར་གྱི་ངོ་ཚེས་བདུན་ལ་བརྩམས་ཏེ། འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ནས་ཨརྐའི་ཤིང་གིས་མེ་སྦར་ལ་
D746.095.0124a05.01ཏིལ་ནག་པོས་སྦྱིན་སྲེག་ལན་བརྒྱད་སྟོང་བྱས་ན་དབང་དུ་འགྱུར་རོ། །བུད་མེད་དབང་དུ་བྱ་ན་འཕགས་པ་ལག་ན་རྡོ་རྗེའི་མདུན་དུ་འབྲས་ཡོས་ཀྱིས་ལན་བརྒྱད་སྟོང་སྦྱིན་སྲེག་བྱས་ན་བུད་མེད་དབང་དུ་འགྱུར་རོ། །གདོན་གྱིས་ཟིན་པ་རྣམས་ལ་ནི་ལན་བདུན་བཟླས་བརྗོད་བྱས་པའི་
D746.095.0124a06.01ཡུངས་ཀར་གྱིས་གཏོར་བས་ཞི་བར་འགྱུར་རོ། །བཟླས་བརྗོད་བྱས་པ་ཙམ་གྱིས་ནི་གདོན་ཐམས་ཅད་སྐྲག་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ། འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ནས་བྱང་ཆུབ་ཀྱི་ཤིང་གིས་མེ་སྦར་ནས་
D746.095.0124a07.01