完整藏文原文 · 德格版页 当前仅加载第 95 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
གྲུལ་བུམ་ཡང་རུང་སྟེ། དབབ་པ་བྱས་པ་དེ་ལ་གང་གིས་རྫས་ཁྱེར་བ་དེས་ང་ལ་སླར་བྱིན་ཅིག་དང་ཕུང་བར་མི་བྱའོ་ཞེས་བརྗོད་པར་བྱའོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ། ཟངས་པོ་ཆེ་བཙུགས་ལ་འབྲུ་མར་བླུགས་ཏེ་
D746.095.0019a01.01བསྐོལ་ལ་རིག་པའི་རྒྱལ་པོ་བཟླས་བརྗོད་བྱས་ན་རིག་སྔགས་འཆང་གྲུབ་པ་ཡང་རུང་། གང་ཡིན་པ་དེ་དེར་འོང་ཞིང་འོངས་ནས་ཀྱང་སླར་འབུལ་ལ་དེ་ལ་ཅི་ཡང་མི་བྱའོ། །གལ་ཏེ་མི་འོང་ན་ཕྱིས་སྙིང་པོས་ཡན་ལག་དང་ཉིང་ལག་རྣམས་གཏུབས་ཏེ་བཞག་གོ་སྲུང་བ་བྱས་
D746.095.0019a02.01པའི་ཆོ་གས་བྱའོ། །གཞན་དུ་ན་མ་རུངས་པར་འགྱུར་རོ། །གལ་ཏེ་སྲུང་བ་མ་བྱས་ན་གྲུབ་པ་རྣམས་ཀྱིས་མ་རུངས་པར་བྱེད་དོ། །ཡན་ལག་དང་ཉིང་ལག་གཏུབས་པས་འོང་ཞིང་རྫས་ཀྱང་སྦྱིན་པར་བྱེད་དོ། །འདི་སྐད་དུ་བཅོམ་ལྡན་འདས་ཡོངས་སུ་བསྐྱབ་ཏུ་གསོལ།
D746.095.0019a03.01ཞེས་སྨྲས་སོ། །དེ་སླར་གསོ་བའི་ཕྱིར་འབྲུ་མར་གྱི་ཟངས་པོ་ཆེ་ལས་འབྲུ་མར་བླངས་ཏེ། འཕགས་པ་ལག་ན་རྡོ་རྗེའི་མདུན་དུ་སྙིང་པོས་སྲེག་བླུགས་ལན་སྟོང་སྦྱིན་སྲེག་བྱས་ན་སོས་ཤིང་དབང་དུ་ཡང་འགྱུར་རོ། །དབྱིག་དུག་བསལ་བར་འདོད་ན་ལག་པ་དང་རྐང་
D746.095.0019a04.01པ་སྣོད་དུ་བཅུག་ལ་རླུང་གཡབ་ཀྱིས་གཡབས་ཏེ་གང་དུ་འདོད་པ་དེར་རིག་པའི་རྒྱལ་པོ་བཟླས་བརྗོད་བགྱིས་ན། དབྱིག་དུག་བྱུང་སྟེ་ནད་མེད་པར་འགྱུར་རོ། །མིག་སེར་གྱི་ནད་བསལ་བར་འདོད་ན། ཆུ་ལ་ལན་བདུན་བསྔགས་ལ་སྐོམ་དུ་བླུད་ན་འཚོའོ། །མིག་
D746.095.0019a05.01ནད་བསལ་བར་འདོད་ན་མེ་ཏོག་རྩ་བ་རིང་པོ་དག་ལ་ལན་བདུན་བཟླས་བརྗོད་བྱས་ཏེ་སྔགས་ཀྱིས་བཏབ་ལ་སྣོད་དུ་བཅུག་ན་འཚོའོ། །དེ་ནས་རིག་པའི་རྒྱལ་པོའི་མཆོག་ལག་ན་རྡོ་རྗེ་ལ་ལོག་འདྲེན་གྱིས་འདི་སྐད་ཅེས་སྨྲས་སོ། །བཅོམ་ལྡན་འདས་སེམས་ཅན་ཐམས་ཅད་
D746.095.0019a06.01ཀྱི་དོན་གྱི་སླད་དུ་རིག་པ་མཆོག་འདི་འཆད་དམ། བཅོམ་ལྡན་འདས་གང་གིས་བདག་ས་ལ་འཁྱམ་ཞིང་སེམས་ཅན་རྣམས་ལ་ཡང་གླགས་རྙེད་པར་འགྱུར་བར་བ་དག་ལ་མི་གཟིགས་སམ། དེ་ནས་གནོད་སྦྱིན་གྱི་དབང་པོ་ལག་ན་རྡོ་རྗེས་ལོག་འདྲེན་ལ་འདི་སྐད་ཅེས་
D746.095.0019a07.01