完整藏文原文 · 德格版页 当前仅加载第 95 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོ་ག་རྒྱས་པ་ཆེན་པོ་རིག་པ་མཆོག་གི་རྒྱུད་ཕྱི་མ་དང་བཅས་གསང་བ་དང་བཅས་པར་བཤད་ན་བདག་གིས་ཀྱང་སེམས་ཅན་རྣམས་ཀྱི་དོན་གྱི་ཕྱིར་དད་གདོན་དང་དྲག་ཤུལ་ཅན་མི་རྣམས་ལ་གང་འཚེ་བ་ཡིན་པའི་གདོན་དེ་དག་ངེས་པར་གཞིག་པའི་ཕྱིར་བཅོམ་
D746.095.0125a01.01ལྡན་འདས་ལ་འདྲི་བར་བགྱིས། །བཅོམ་ལྡན་འདས་སྙིང་རྗེའི་སེམས་ཀྱིས་གདོན་རྣམས་ཀྱི་རུས་དང་རིགས་མིང་དེ་དག་ཁ་དག་ལ་གསུངས་ཤིག །དེ་སྐད་ཅེས་སྨྲས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཅོམ་ལྡན་འདས་ལག་ན་རྡོ་རྗེས་རྡོ་རྗེ་ཁྲོ་བོ་ལ་འདི་སྐད་ཅེས་སྨྲས་
D746.095.0125a02.01སོ། །བདུད་རྩི་ཐབ་སྦྱོར་གང་ཁྱོད་སེམས་ཅན་ལ་ཕན་པའི་ཕྱིར་ཞུགས་ཏེ། སེམས་ཅན་རྣམས་ཀྱི་དོན་གྱི་ཕྱིར་གདོན་རྣམས་ཀྱི་རུས་དང་མིང་ང་ལ་དྲིས་པ་ལེགས་སོ་ལེགས་སོ། །དེ་ངས་བཤད་པ་བཞིན་དུ་ཉོན་ཅིག །འཇིག་རྟེན་དག་ན་གདོན་རྣམས་ནི། །དྲག་ཅིང་སྦྱོར་བ་སྣ་
D746.095.0125a03.01ཚོགས་ཡོད། །གདོན་ཡོད་དེ་དག་ཅི་འདྲ་བ། །{གོ་རིམས་,གོ་རིམ་}བཞིན་དུ་བཤད་པར་བྱ། །གདོན་རྣམས་སྟོང་ཕྲག་བརྒྱད་ཅུ་ནི། །མི་ཡི་འཇིག་རྟེན་དག་ན་གནས། །དེ་ལས་ས་འདིར་རྒྱུ་བ་ཡི། །གདོན་ནི་{བཅྭ་,བཅོ་}བརྒྱད་ཤེས་པར་བྱ། །གདོན་རྣམས་འོང་བར་འཇུག་པ་དང་། །
D746.095.0125a04.01དེ་བཞིན་མཚན་མ་དག་དང་ནི། །གསོ་རུང་མི་རུང་དཔྱད་པ་དང་། །གསོ་བའི་ཐབས་ནི་ཐ་དད་དང་། །རིགས་རྣམས་ལ་ནི་གང་བསྟེན་དང་། །གང་གིས་རུས་ནི་གང་ཡིན་དང་། །དེ་ལས་གཞན་ཡང་བཤད་བྱ་སྟེ། །ངས་བཤད་དེ་ནི་མཉན་པར་གྱིས། །གཟུགས་ཀྱང་མེད་
D746.095.0125a05.01ལ་དྲི་ཡང་མེད། །སྒྲ་ཡང་མེད་ཅིང་ཁྱད་པར་དུ། །མཉན་དུ་མེད་ཅིང་བལྟར་མེད་དེ། །མཚན་མ་ཙམ་ལས་ཤེས་པར་བྱ། །མེ་ལོང་དང་ནི་ཆུ་དག་ལས། །གྲིབ་མ་ཇི་ལྟར་སྣང་བ་བཞིན། །དེ་ལྟར་དེ་དག་རྟོགས་བྱ་ཞིང་། །དེ་ལས་གདོན་རྣམས་ཤེས་པར་བྱའོ། །ཐམས་
D746.095.0125a06.01ཅད་རླུང་དང་འདྲ་བ་སྟེ། །མཐོང་བ་ཙམ་གྱིས་འཛིན་པར་བྱེད། །མཚན་མ་དང་ནི་ཚུལ་རྣམས་དང་། །སྤྱོད་པས་ཀྱང་ནི་རྟོགས་པར་བྱ། །གདོན་རྣམས་ལུས་ལ་ཞུགས་ནས་ནི། །མི་ལས་མི་མ་ཡིན་པར་བྱེད། །གྲིབ་མ་དང་ནི་འགྲོས་དང་མདོག །དེ་བཞིན་ང་རོ་འགྱུར་
D746.095.0125a07.01