完整藏文原文 · 德格版页 当前仅加载第 95 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི། །རིག་སྔགས་བློན་མོ་བདུན་དག་དང་། །རིང་སྔགས་ཡན་ལག་བདུན་དང་བཅས། །འདོད་པའི་རྡོ་རྗེ་འཛིན་གྱིས་བཤད། །དང་པོ་འདོད་པའི་རྡོ་རྗེ་མ། །རིག་སྔགས་རྡོ་རྗེ་མེ་ཏོག་བཞིན། །ལས་མཆོག་ལ་ནི་གཉིས་པ་ཡིན། །རྫུ་འཕྲུལ་དང་ནི་སྟོབས་ལྡན་པ། །
D746.095.0187b01.01རྡོ་རྗེ་སྒྲོག་ཅེས་བྱ་བ་དང་། །འོག་པག་སེར་མོ་གཏུམ་མོ་དང་། །དེ་བཞིན་རྡོ་རྗེ་ཚུགས་བར་དཀའ། །རིག་སྔགས་ཆེན་མོ་བདུན་དེ་དག །ཉི་མ་བདུན་དང་སྟོབས་མཉམ་ཞིང་། །སེམས་ཅན་ཚོགས་ཀུན་མཆོག་རྣམས་ལ། །ཐལ་མོ་སྦྱར་ཏེ་ཕྱག་ཀྱང་བྱ། །གཞན་ཡང་ཡ་མཚན་
D746.095.0187b02.01ལས་འདས་ཤིང་། །དུས་ཀྱི་མཐའ་ཡི་མེ་འདྲ་བ། །རྡོ་རྗེ་ཁྲོ་བོ་ཁྲོ་བོ་ཆེ། །དེ་ལ་ཡང་དང་ཡང་དུ་འདུད། །དེ་བཞིན་རྡོ་རྗེ་ཐོག་ཐོག་ནི། །འབྱུང་པོ་རྣམས་ལ་ཐོག་ཐོག་བཞིན། །གཟུང་དཀའ་རིག་སྔགས་ལས་ཀུན་བྱེད། །ལྷོ་ཕྱོགས་སྒོ་ནི་བསྲུང་བ་དང་། །རྡོ་རྗེ་ཁུ་ཚུར་མཆོག་སྦྱིན་
D746.095.0187b03.01དང་། །གཏུམ་པོ་ཆེན་པོ་སྟོབས་པོ་ཆེ། །བདག་དང་གཞན་ཀུན་བསྲུང་བའི་མཆོག །བྱང་ཕྱོགས་སྒོ་ནི་བསྲུང་བ་དང་། །ཕོ་ཉ་ཆེན་པོ་གྲུབ་པ་བཅུ། །དེ་བཞིན་དེ་དག་གཡོག་མོ་རྣམས། །ཕོ་ཉ་མ་ནི་དྲུག་ཅུ་བཞི། །རིག་སྔགས་ཚོགས་ནི་སྣ་ཚོགས་དང་། །རྡོ་རྗེ་
D746.095.0187b04.01དབྱུག་པ་ཉི་མ་ལ། །རྡོ་རྗེ་རིགས་ཀྱི་སློབ་དཔོན་གྱིས། །གྲུབ་པའི་རྡོ་རྗེ་ཆོ་ག་ཡི། །སྙིང་ནས་ཀྱང་ནི་ཕྱག་བྱས་ནས། །དེ་ལས་གཞན་རྣམས་བཤད་པར་བྱ། །ལས་ཀྱི་དཀྱིལ་འཁོར་གཙོ་བོ་ནི། །ཇི་བཞིན་དུ་ནི་བྲིས་ནས་ཀྱང་། །གདོན་གྱི་ལས་རྣམས་བསྒྲུབ་པར་བྱ། །
D746.095.0187b05.01གང་གི་མིང་ནི་སྨོས་ཙམ་གྱིས། །མ་བཅོས་པར་ཡང་གདོན་རྣམས་འཇིག །དབང་པོའི་རྒྱལ་མཚན་བསྟན་པ་ཡིས། །མ་བཅོས་ལྷ་མིན་ཕམ་པ་བཞིན། །འབྱུང་པོ་ཀུན་ལས་གྲོལ་བའི་ཐབས། །འཇིག་རྟེན་ཀུན་ཏུ་མཆོག་གྱུར་གང་། །ཐམས་ཅད་ཞི་བར་བྱེད་པ་ཡི། །དམ་
D746.095.0187b06.01པ་གང་ཡིན་བཤད་པར་བྱ། །གང་ཞིག་ཚུལ་བཞིན་དྲན་བྱས་ཤིང་། །བསྒྲིམས་ཏེ་མཆོད་པ་བྱས་ན་ནི། །འབྱུང་པོ་ཀུན་གྱིས་མི་ཚུགས་ལ། །འཇིགས་མེད་བདེ་བར་གནས་པར་འགྱུར། །འཇིག་རྟེན་འཇིག་རྟེན་སློབ་དཔོན་འདྲ། །འཇིག་རྟེན་གྱི་ནི་སྣང་བྱེད་མཆོག །
D746.095.0187b07.01