完整藏文原文 · 德格版页 当前仅加载第 95 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེས། །རྡོ་རྗེ་འབར་བར་གྱུར་གྱི་བར། །ཨ་ཀ་རུ་དང་དུ་རུ་སྐ། །བསྲེག་ཅིང་དགའ་བཞིན་བཟླས་བརྗོད་བྱ། །ཉི་མ་ལས་ལྷག་དེ་ཡི་གཟི། །རྡོ་རྗེ་དེ་ནི་ལེགས་པར་བླངས། །ཅིས་ཀྱང་མི་འཇིགས་མཁའ་ལ་འགྲོ། །རིག་སྔགས་གྲུབ་པའི་
D746.095.0210a01.01སྟོབས་དང་ལྡན། །རིག་སྔགས་བདག་པོ་ཐམས་ཅད་དང་། །ལག་ན་རྡོ་རྗེ་རིགས་སྐྱེས་པའི། །རིག་སྔགས་ཚོགས་ནི་ཀུན་གྱིས་མཆོད། །དོན་མང་དག་ལ་བརྟེན་བྱ་ཞིང་། །རྣམ་པ་མང་དུ་ཅི་ཞིག་སྨོས། །ལག་ན་རྡོ་རྗེ་མཉམ་འགྱུར་ཏེ། །འདི་ལ་ཐེ་ཚོམ་ཅི་ཡང་མེད། །
D746.095.0210a02.01དེ་ནས་དགའ་བ་མ་ཡིན་པའི། །ལས་དེ་དག་ཀྱང་འདིར་བྱ་སྟེ། །དེ་དག་གི་ནི་མདོར་བསྟན་པ། །སྙིང་པོ་བསྡུས་པ་བཤད་པར་བྱ། །གང་ཞིག་མི་ཡི་གཙོ་བོའམ། །བློན་པོ་དབང་དུ་བྱ་འདོད་དེས། །དེ་ཡི་བསྒྲུབ་པ་གང་ཡིན་པ། །འདི་ཡང་རབ་ཏུ་བཤད་པར་བྱ། །ཞག་
D746.095.0210a03.01བདུན་གཙང་མར་བྱས་ནས་ནི། །ནས་ཀྱི་ཟས་ནི་དུས་སུ་བཟའ། །དེ་ནས་སེང་ལྡེང་མེ་བསངས་ལ། །ཡམ་སྲེག་ཤིང་དང་སྦྲང་རྩི་ཞོ། །མར་བླངས་བརྒྱད་བརྒྱ་ཚང་བར་ནི། །དུས་གསུམ་དུ་ཡང་སྦྱིན་སྲེག་བྱ། །དུས་ཀྱི་ལྷག་མ་རྟག་ཏུ་བཟླས། །ལན་གསུམ་ཁྲུས་བྱས་ངེས་
D746.095.0210a04.01པར་གནས། །དབང་དུ་བྱ་འདོད་གང་ཡིན་པ། །དེ་དང་ཡང་ནི་ཕྲད་པར་བྱ། །དེ་ཡི་མིང་ནི་སྨོས་པས་ཀྱང་། །དེ་ནི་བྲན་བཞིན་དབང་དུ་འགྱུར། །མི་ནི་གང་ཞིག་བྲན་ནོར་འདོད། །དེས་ནི་ནོར་གྱི་ཚད་བསམས་ལ། །དེ་ཡི་བསྒྲུབ་མཆོག་འདི་བྱ་ཞིང་། །ལན་གསུམ་
D746.095.0210a05.01ཁྲུས་བྱས་བིལ་བ་ཡི། །བདུག་པ་མར་དང་ལྡན་པ་བསྲེག །དེ་ནས་ལག་ན་རྡོ་རྗེའི་མདུན། །དེར་ནི་བ་ལང་ལྕི་བའི་མེར། །སྔར་བཤད་པ་ནི་གང་ཡིན་པའི། །སྦྱིན་སྲེག་མཉམ་པར་གཞག་པར་བྱ། །ཡང་ན་བིལ་བའི་སྦྱིན་སྲེག་ནི། །མར་དང་ཡུངས་ཀར་ལྡན་པའམ། །
D746.095.0210a06.01ཡུངས་ཀར་མར་དང་ལྡན་པའང་རུང་། །ཡང་ན་མར་ལྡན་བིལ་བའམ། །མར་དང་ཡུངས་ཀར་ལྡན་པ་ཡི། །སྦྲང་རྩི་བཟང་པོ་བིལ་བར་ལྡན། །ཡང་ན་རེ་རེ་སྦྱིན་སྲེག་མཆོག །བརྒྱ་རྩ་བརྒྱད་དུ་བྱ་བ་སྟེ། །སེང་ལྡེང་ཡམ་སྲེག་ཤིང་བཟང་གིས། །དུས་གསུམ་དུ་ནི་རྣམ་
D746.095.0210a07.01