完整藏文原文 · 德格版页 当前仅加载第 95 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། དེའི་གཡས་ལོགས་སུ་པདྨ་ཁ་མ་བྱེ་བ་ལ་མཆེ་བའི་ཕྱིར་དགུ་བོར་འདུག་པར་བྲིའོ། །མདུང་ཐུང་གི་སྟེགས་བུའི་སྟེང་དུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་བུ་འདུག་པ་བྲིས་ལ། དེའི་གཡས་ལོགས་སུ་མདུང་ཡུ་བ་ཅན་རྩེ་མོ་ཀ་ན་ཡའི་དབྱིབས་འདྲ་བར་བྲིའོ། །ཀླུ་ལག་གི་
D746.095.0168b01.01ནི་སྦྲུལ་གཉིས་གཅིག་ལ་གཅིག་མཇུག་མ་སྦྲེལ་ཏེ་ཚམ་ངམ་བྱེད་ཅིང་དམིགས་རྩ་བསྒྲིམས་ལ་ལྕེ་འབྱིན་ཅིང་གཅིག་ལ་གཅིག་བལྟ་བར་བྲིས་ཏེ། དེ་གཉིས་ཀྱི་མགོ་བོ་ལ་འབར་བ་གསུམ་དང་ལྡན་པའི་ནོར་བུ་ཐོགས་ལ། དེ་གཉིས་ཀྱི་བར་ན་རྡོ་རྗེ་གསུམ་ཁ་གཉིས་པ་དབུས་ནས་འབྲས་བུ་
D746.095.0168b02.01འདུག་པ་སྦྲུལ་གྱི་མཇུག་མའི་སྟེང་ན་འདུག་པར་བྱའོ། །ཞགས་པའི་ནི་སྟེགས་བུའི་སྟེང་དུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་ལྟར་འདུག་པར་བྱའོ། །དེའི་གཡས་ལོགས་སུ་མདུང་རྩེ་གསུམ་པ་ཡུ་བ་ཅན་རྩེ་གསུམ་ཁ་གདེངས་འདྲ་བར་བྲིའོ། །གཡོན་ལོགས་སུ་ཀླུའི་
D746.095.0168b03.01ཞགས་པ་ཚམ་ངམ་བྱེད་པ་བྲིའོ། །རལ་གྲི་ནི་སྟེགས་བུའི་སྟེང་དུ་རལ་གྲི་བྲིས་ལ་དེའི་གཡོན་ལོགས་སུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་བུ་འདུག་པར་བྱའོ། །དབྱུག་པའི་སྟེགས་བུའི་སྟེང་དུ་དབྱུག་པ་གླ་གོར་ཞོ་ཤའི་ཤིང་ལྟར་འདུག་ཅིང་། སྙེ་མ་ལྔ་པོ་ཡོད་པར་བྲིས་ལ། མགོར་ནི་
D746.095.0168b04.01ཆང་ཟུངས་བྱ། དྲུང་དུ་ནི་སྐྱུ་རུ་རའི་འབྲས་བུ་འདྲ་བར་བྱ། དེའི་གཡོན་ལོགས་སུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་སུ་འདུག་ལེ་རྩེ་མོ་དབུས་མ་ཀ་ན་ཡའི་རྩེ་མོའི་དབྱིབས་ལྟར་བྱ། གཡོན་ལོགས་སུ་མདུང་རྩེ་གསུམ་པ་རྡོ་རྗེ་འདྲ་བ་དབྱུག་པ་ལ་བཙུགས་པ་བྲིའོ། །འཁོར་
D746.095.0168b05.01ལོའི་སྟེགས་བུའི་སྟེང་དུ་འཁོར་ལོ་རྩིབས་བཅུ་དྲུག་པ་འབར་བས་བསྐོར་བར་བྲིས་ལ། དེའི་གཡས་ལོགས་སུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་བུ་འདུག་པར་བྱའོ། །སེམས་ཅན་རྣམས་ལ་ཕན་གདགས་ཕྱིར། །ཕྱག་རྒྱ་འདི་དག་བདག་གིས་བཤད། །ཕྱག་རྒྱ་འདི་
D746.095.0168b06.01དག་སོ་སོར་མཐོང་བའི་ལས་ཀྱང་བཤད་པར་བྱའོ། །ཕྱག་རྒྱ་སྣ་ཚོགས་དག་གི་ལྷ་རྣམས་ཀྱང་བསྟན་པར་བྱའོ། །རྒྱལ་བའི་ཕྱག་རྒྱ་ནི་ཕོ་ཉ་མ་ཐམས་ཅད་ཀྱིའོ། །རྣམ་པར་རྒྱལ་བའི་ནི་ཚངས་པའིའོ། །རྡོ་རྗེ་མཚན་ནི་ལྷ་ཆེན་པོའིའོ། །རྡོ་རྗེ་རྟགས་ནི་ལོག་འདྲེན་རྣམས་ཀྱིའོ། །
D746.095.0168b07.01