完整藏文原文 · 德格版页 当前仅加载第 95 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུམ་བུ་ཕྲ་མོས་ཡོག་པ་དང་། མ་རུངས་པའི་ལས་བྱེད་པ་གང་ཡིན་པ་དེ་དག་ལ་ནི་ལས་དྲག་པོ་འགྲུབ་པར་འགྱུར་རོ། །མི་གང་མདོག་སྔོ་བསངས་དང་། ལག་པ་རིང་བ་དང་། མདོག་སྡུག་པ་དང་། མིག་རྩ་དམར་བ་དང་། སེན་མོ་རུ་སྦལ་ལྟ་བུ་དང་། རྐང་
D746.095.0156a01.01པ་རུ་སྦལ་ལྟ་བུ་ཤ་བཀྲའི་མིག་ལྟ་བུའི་རིག་སྔགས་འཆང་དེ་དག་ལ་ནི་རིག་སྔགས་འཆང་གི་གསང་སྔགས་འགྲུབ་པར་འགྱུར་རོ། །མི་གང་སྐྲ་དམར་བ་དང་། མིག་སེར་བ་དང་། སེན་མོ་སྔོ་བ་དག་ནི་མ་རུངས་པའི་ལས་བྱེད་པ་ཡིན་ཏེ། དེ་དག་ལ་ནི་དྲག་ཤུལ་གྱི་ལས་རྣམས་འགྲུབ་
D746.095.0156a02.01པར་འགྱུར་རོ། །མི་གང་མདོག་སྔོ་བསངས་དང་། སྐྲ་འཇམ་པ་དང་། ཤ་བཀྲའི་མིག་ལྟ་བུ་དང་། མགོ་གདུགས་ལྟ་བུ་དང་། ཤིང་ནྱ་གྲོ་དྷ་ལྟ་བུ་ཆུ་ཞེང་གབ་པ་དང་། བྱིན་པ་{རི་དགས་,རི་དྭགས་}ཨེ་ན་ཡ་ལྟ་བུའི་རིག་སྔགས་འཆང་རྣམས་ལ་ནི་ལས་ཐམས་ཅད་འགྲུབ་པར་འགྱུར་རོ། །
D746.095.0156a03.01མི་གང་སོར་མོ་རྡུམ་པ་དང་། ལག་པ་རྡུམ་པ་དང་། སྒུར་བུ་དང་། ཞར་བ་དང་། མིག་ཡོ་བ་དང་། ཤེལ་མིག་ཅན་དང་། ཁ་དོག་གཅིག་གི་ཤས་ཆེ་བ་དེ་དག་ལ་ནི་ལས་ཕྲན་ཚེགས་འགྲུབ་པར་འགྱུར་ཏེ། དེ་དག་ལ་གཞན་ཅི་ཡང་འགྲུབ་པར་མི་འགྱུར་རོ། །མི་གང་
D746.095.0156a04.01ལག་པ་རིང་བ་དང་། པྲི་ཡངྐུའི་མདོག་ལྟ་བུར་འདུག་པ་དང་། སྐྲ་དང་། ལུས་དང་རྐང་པ་མདོག་སྣུམ་པ་དེ་དག་ནི་རིག་སྔགས་འཆང་གི་རྒྱལ་པོ་ཡིན་ཏེ་ལས་ཐམས་ཅད་འགྲུབ་པར་འགྱུར་རོ། །ལྷ་རྣམས་མི་གང་དག་གིས་རིག་པ་མཆོག་གི་ཆོ་ག་རྒྱས་པ་ཆེན་པོ་འགྲུབ་པར་འགྱུར་
D746.095.0156a05.01བའི་མིའི་མཚན་མ་ངས་བཤད་ཟིན་ཏོ། །མི་མཆོག་དེ་དག་ལ་གསང་བ་གང་གིས་བདེ་བླག་ཏུ་ལྷ་རྣམས་དགའ་བར་འགྱུར་བའི་གསང་བ་ངས་བཤད་པར་བྱའོ། །སྟེང་ན་རྒྱུ་བའི་རིག་སྔགས་ཀྱི་ལྷ་གང་ཡིན་པ་དེ་དག་ལ་ནི་སྣ་མའི་མེ་ཏོག་གིས་ཞག་བརྒྱད་ཀྱི་བར་དུ་ལྷ་དེ་དག་
D746.095.0156a06.01མཆོད་པ་བྱས་ཏེ། ག་པུར་དང་། །གུ་གུལ་གྱི་བདུག་པ་ཡང་ཕུལ་ན་དེ་དག་འགྲུབ་པར་འགྱུར་རོ། །ཅི་སྟེ་སྟེང་དུ་རྒྱུ་བའི་རིག་སྔགས་ཀྱིས་ལྷ་རྣམས་དགུག་པར་འདོད་ན་དཀྱིལ་འཁོར་བྱས་ཏེ། །ཞག་གསུམ་གྱི་བར་དུ་ལྷ་དེ་ལ་ཀོ་ཤ་ཏ་ཀའི་མེ་ཏོག་གིས་མཆོད་པ་བྱས་ཏེ་ཀ་ར་
D746.095.0156a07.01