完整藏文原文 · 德格版页 当前仅加载第 95 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ། །གཟའ་དང་རྒྱུ་སྐར་མལ། །དེ་དག་རྟག་ཏུ་རྒྱུ་བར་བྱེད། །ཟླ་བ་ཉ་བའི་འོད་ཟེར་གྱི། །ཕུང་པོ་རྒྱས་པ་དག་ལ་གནས། རིན་ཆེན་ཀུན་གྱིས་རབ་བརྒྱན་ཅིང་། །རྩེ་ནས་ངོས་ནི་ལྡ་ལྡི་དང་། །ཕུག་བརྒྱ་དག་གིས་གང་བ་ཡིས། ལྷུན་པོ་
D746.095.0193a01.01རིལ་དེ་དག་གནས། །གངས་རི་རི་བོ་རྩེ་མོ་དང་། །གངས་ཀྱི་སུལ་ནི་སྟོང་བ་དང་། །སྨན་ཀུན་གྱིས་ནི་རྒྱས་པ་ཡི། །གསང་རྣམས་དག་ནི་ནགས་ཚལ་དང་། །སྨན་བརྒྱས་ཡོངས་སུ་གང་བ་ཡི། །སྤོས་དང་ལྡན་ལ་དེ་དག་གནས། །སྤོས་ཀྱི་ངད་ནི་ཞིམ་པ་ཡིས། །
D746.095.0193a02.01ཕྱོགས་རྣམས་དང་ནི་རྒྱས་བྱེད་དང་། །དཔག་བསམ་ཤིང་གིས་བརྒྱན་པ་ཡི། །སྐྱེད་མོས་ཚལ་ཆེན་དགའ་བྱེད་དང་། །ལྷ་རྣམས་གཞལ་མེད་ཁང་རྣམས་སུ། །ལྷ་ཡི་གཟུགས་ཀྱིས་གནས་པར་བྱེད། །དེ་དག་སྤྲིན་ཕུང་གསེབ་ན་གནས། །སྤྲིན་ཕུང་གི་ནི་སྒྲ་དག་འདྲ། །
D746.095.0193a03.01སྤྲིན་ཕུང་དག་དང་འགྲོགས་བྱེད་ཅིང་། །སྤྲིན་ཕུང་ལྷན་ཅིག་དགའ་བར་བྱེད། །རྒྱ་མཚོ་ནང་གི་ཆུ་ལ་གནས། །ཆུ་ཡི་ཤུགས་ཀྱིས་རྗེས་འབྲང་ཞིང་། །དེ་དག་རྒྱ་མཚོའི་ཆུ་ཀླུང་དང་། །ལྷན་ཅིག་ཏུ་ནི་རྒྱུ་བར་བྱེད། །མུན་ནག་གི་ནི་ཀློང་ཆེན་དང་། །རྒྱ་མཚོ་ཡི་ནི་སྒྲ་རྣམས་
D746.095.0193a04.01དང་། །རྒྱ་མཚོ་ཆེན་པོ་འཁྲུགས་པ་ལ། །དེ་དག་རྟག་ཏུ་འཁྲུགས་པར་བྱེད། །དཔྱིད་ཟླའི་དུས་ལ་བབ་པ་ན། །ཤིང་རྣམས་ཀུན་ལ་གདོན་དེ་དག །ཁུ་བྱུག་བུང་བའི་གཟུགས་སུ་གནས། །ཆུ་ཀླུང་ཆེན་པོའི་འགྲམ་དག་ན། །གླིང་མ་རྣམས་དང་རྫོང་རྣམས་དང་། །
D746.095.0193a05.01ཆུ་མར་དག་གིས་རྒྱས་པ་ཡི། །འཇིང་རྣམས་ན་ནི་གནས་པར་བྱེད། །ཆུ་རྒྱུན་ཡིད་དུ་འོང་བ་དང་། །ཆུ་རྣམས་རབ་ཏུ་འབྱུང་བ་དང་། །ཁྲོན་པ་རྣམ་པ་སྣ་ཚོགས་དང་། །རི་བོ་དང་དང་ཆུ་རྣམས་དང་། །སྦྲུལ་གྱི་ཚོགས་ཀྱིས་གང་བ་ཡི། །ནགས་ཁུང་ཆེན་པོ་དག་
D746.095.0193a06.01ན་ཡང་། །དེ་དག་སྦྲུལ་དུ་གཟུགས་བསྒྱུར་ནས། །སྦྲུལ་དང་ལྷན་ཅིག་དགའ་བར་བྱེད། །ལྗོན་ཤིང་ཆེན་པོ་མི་བཟད་དང་། །འབྱུང་པོ་དག་ནི་ཚོགས་ཆེན་དང་། །ཁང་སྟོང་དང་ནི་ཡུལ་སྟོང་དང་། །བ་ལང་གནས་ནི་གང་བ་དང་། །རྒྱལ་པོ་དག་གི་དཀོར་ཁང་
D746.095.0193a07.01