完整藏文原文 · 德格版页 当前仅加载第 95 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་ཤེས། །ཡང་ན་དངོས་གྲུབ་འདོད་པ་ཡིས། །ཆོ་ག་བཞིན་དུ་ཀུན་བྱས་ན། །སྒྲུབ་པ་པོས་ནི་ཐམས་ཅད་འཐོབ། །ལྷ་འམ་ལྷ་མ་ཡིན་རྣམས་དང་། །གནོད་སྦྱིན་ཡང་ན་རིག་སྔགས་འཆང་། །གཞན་ཡང་གང་དག་སུ་ཡང་རུང་། །འགལ་
D746.095.0205a01.01བར་བྱེད་པ་གང་ཡང་མེད། །སངས་རྒྱས་ཤ་ར་དྭ་ཏིའི་བུ། །རྡོ་རྗེ་འཛིན་པ་ཆེན་པོ་དང་། །རིག་སྔགས་བདག་གི་བླ་མ་ལ། །ཅི་སྟེ་མཆོག་ཏུ་དང་བྱེད་ན། །དེ་ནི་ཀུན་ལས་ལྷག་པ་དང་། །སེམས་ཅན་ཀུན་གྱིས་མཆོད་པ་དང་། །རྟག་ཏུ་དངོས་གྲུབ་ཀུན་བྱེད་དང་། །གཞན་
D746.095.0205a02.01གྱི་དངོས་གྲུབ་འཇིག་པར་ནུས། །དུས་ཀུན་དུ་ནི་གཙང་བ་དང་། །གསང་བ་ཐམས་ཅད་འཆང་བྱེད་ལ། །རིག་སྔགས་འཆང་གི་གོ་འཕང་མཆོག །ཤིན་ཏུ་སེམས་པར་བྱེད་པ་ཡི། །ཆོ་གར་ལྡན་ཞིང་རྒྱས་པར་བཅས། །དེ་ནི་མ་ལུས་བཤད་པར་བྱ། །དེ་ནས་ལྷ་དང་
D746.095.0205a03.01ལྷ་མ་ཡིན། །མི་དང་རིག་སྔགས་འཆང་རྣམས་དང་། །འབྱུང་པོའི་ཚོགས་དང་ཀླུ་རྣམས་དང་། །གནོད་སྦྱིན་རྣམས་དང་སྲིན་པོར་བཅས། །གསང་བའི་མཆོག་ནི་མཉན་པའི་ཕྱིར། །ཐམས་ཅད་ཐལ་མོ་སྦྱར་ནས་འཁོད། །དེ་ནས་ཚིག་དོན་རྟོགས་པ་ཡི། །རྡོ་རྗེ་
D746.095.0205a04.01འཛིན་པས་དེ་དག་ལ། །གསལ་བར་བྱ་ཕྱིར་ཚིག་འདི་སྨྲས། །ང་ནི་དཀྱིལ་འཁོར་དམ་པ་དང་། །བླ་མའི་རིགས་ནི་སྔོན་མཐོང་ལ། །རྡོ་རྗེ་དང་ནི་རྡོ་རྗེ་འཛིན། །རིག་སྔགས་སྒྲུབ་པ་རྟོགས་བྱས་ནས། །ཟླ་བ་ཕྱེད་གསུམ་བར་དུ་ནི། །ཟླ་གཅིག་པས་ནི་བསྒྲུབ་པར་བྱ། །
D746.095.0205a05.01སངས་རྒྱས་གཟུགས་ནི་རྫོགས་པའམ། །སྐུ་གདུང་ལྡན་པའི་མཆོད་རྟེན་དེར། །རིག་སྔགས་རྡོ་རྗེ་ལྕགས་ཀྱུ་མ། །རིག་སྔགས་རིགས་ཀྱི་ཚོགས་བསྐོར་བ། །ཆོ་ག་བཞིན་དུ་བྱས་ནས་ནི། །ཡིད་དང་འཐད་པས་མཆོད་པར་བྱ། །མཚམས་བཅད་དང་ནི་ཕྱོགས་བཅིངས་དང་། །
D746.095.0205a06.01ཆུས་ནི་ཀུན་ནས་བཅད་པ་དང་། །ཐམས་ཅད་དུ་ནི་བསྲུང་བ་རྣམས། །ཆོ་ག་བཞིན་དུ་ལེགས་པར་དགོད། །སྣ་གསུམ་རྡོ་རྗེ་བཀྲ་ཤིས་དང་། །ལྕགས་ཀྱུ་ཁ་གདེངས་ཡུངས་ཀར་གྱིས། །ཚུལ་བཞིན་དང་པོར་མདུན་དག་ཏུ། །རྡོ་རྗེ་ལྕགས་ཀྱུའི་གཟུགས་སུ་བྲི། །ཁ་ཟས་
D746.095.0205a07.01