完整藏文原文 · 德格版页 当前仅加载第 95 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་རྒྱ་དེ་དག་གི་མིང་བརྗོད་པར་བྱ་སྟེ། ལྷ་བཤོས་གཙང་མ་སྣ་ཚོགས་ཅི་འདོད་པ་ཡང་དབུལ་ལོ། །དེ་ནས་རིག་སྔགས་འཆང་གིས་གློ་ཕྱོགས་སུ་བུམ་པ་བཞག་ལ་དེའི་ནང་དུ་ལུས་ཀྱི་ཡན་ལག་གི་གཟུགས་གཞུག་པར་བྱའོ། །དེ་ནས་རིག་སྔགས་འཆང་གི་རྒྱལ་པོ་བཟླས་བརྗོད་བྱེད་བཞིན་དུ་
D746.095.0171b01.01ཆུ་སྐྱོར་བ་རེ་རེ་ནས་ལན་བརྒྱད་སྟོང་ཚང་བའི་བར་དུ་ཕྱག་རྒྱ་མཆོག་དེ་དག་ལ་བསྣུན་པར་བྱ། དེ་ནས་ལྷ་དེ་དེར་འོང་བར་འགྱུར་རོ། །དེ་ནས་གང་འདོད་པ་དེ་ཉིད་བླང་བར་བྱའོ། །དེ་ནས་ཡིད་ལ་ཅི་བསམས་པ་དེ་ལྷ་དེས་བྱེད་པར་འགྱུར་རོ། །ཅི་སྟེ་ལས་འདི་བྱས་ཀྱང་མ་འོངས་ན་མཱ་མ་ཀཱིའི་ཕྱག་རྒྱ་རྣམས་ཀྱི་སྦྱིན་
D746.095.0171b02.01སྲེག་ལན་བརྒྱ་བྱས་ན་ལྷ་དེ་ཚིག་བཞིན་དུ་དེ་ཉིད་དུ་འོང་བར་འགྱུར་རོ། །དེ་ནས་ལྷའི་ཚོགས་དེ་དག་སྐྲག་ཅིང་སྒྱིད་ལུག་ནས་བཅོམ་ལྡན་འདས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །སྟོབས་པོ་ཆེ་ལས་འདི་ནི་དྲག་ཅིང་མི་བཟད་ལ་གཏུམ་པ་ཡིན་གྱིས་མིང་བརྗོད་པ་ཙམ་གྱིས་ཀྱང་དངོས་
D746.095.0171b03.01གྲུབ་ཆེན་པོ་སྦྱིན་པར་བྱ་ན་འཆང་བ་དང་མཆོད་པ་བྱེད་པ་གང་ཡིན་པ་ལྟ་ཅི་སྨོས། དུས་གསུམ་དུ་ཁྲུས་བྱེད་ལ་སློང་མོའི་ཟས་ཟ་ཞིང་ཟླ་བ་གཅིག་གི་བར་དུ་བཅོམ་ལྡན་འདས་མ་རྣམས་ཀྱི་མིང་བརྗོད་པར་བྱ་བ་སྙིང་དགའ་བར་བྱེད་པ་སྟོབས་པོ་ཆེས་བཤད་པ་དེས་ནང་པར་ལངས་ནས་དྲན་
D746.095.0171b04.01པར་བྱེད་ཅིང་ཀློག་པ་གང་ཡིན་པ་དེ་ལ་ནི་ལས་འགྲུབ་པ་སྦྱིན་ཞིང་རྟག་ཏུ་བསྲུང་བར་ཡང་བགྱིའོ། །ལྷ་རྣམས་དེ་དེ་བཞིན་ནོ། །དེ་དེ་བཞིན་ཏེ། སྙིང་དགའ་བར་བྱེད་པའི་ལས་ཀློག་ཅིང་རྗོད་པར་བྱེད་པ་དང་། མཱ་མ་ཀཱིའི་ལས་ལ་སོགས་པའི་ཕྱག་རྒྱའི་ཚོགས་རྣམས་ཆོ་ག་འདི་བཞིན་དུ་ཏ་ལའི་
D746.095.0171b05.01ལོ་མ་ལ་བྲིས་ཏེ་མཆོད་ཅིང་རི་མོར་བྱེད་པ་གང་ཡིན་པ་དེ་ལ་ངའི་བཀས་ཁྱོད་ཀྱིས་དངོས་གྲུབ་སྦྱིན་པར་གྱིས་ཤིག །སུ་ངའི་བཀའ་གཅོག་པ་དེ་ནི་དེ་བཞིན་གཤེགས་པ་ཐམས་ཅད་ལ་སྙིང་རིངས་པ་ཡིན་ཏེ། དེའི་མགོ་བོ་ངས་རྡོ་རྗེ་ཀུན་ཏུ་འབར་ཞིང་རབ་ཏུ་འབར་བས་གཞོམ་པར་བྱའོ། །
D746.095.0171b06.01གང་ཞག་བདུན་གྱི་བར་དུ་མཱ་མ་ཀཱི་དང་བཅས་པའི་ཕྱག་རྒྱའི་ཚོགས་ཀྱི་ལས་ནང་པར་ཞིང་ཀློག་པར་བྱེད་པ་དེ་ལ་ནི་དེ་དག་གིས་དགའ་བའི་སེམས་ཀྱིས་མྱུར་དུ་དངོས་གྲུབ་སྩོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱང་མངོན་དུ་ཕྱོགས་པར་འགྱུར་ཏེ། རྨི་ལམ་དུའང་སྟོན་པར་མཛད་
D746.095.0171b07.01