完整藏文原文 · 德格版页 当前仅加载第 95 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
གཡུང་དྲུང་རིས་ལ་ནི་མོན་སྲན་གྲེའུའི་ཆན་དང་འབྲས་དྲུས་བརྡུངས་པ་ལ་སོགས་པ་སྦྱིན་ནོ། །མདུང་རྩེ་གསུམ་པ་ལ་ནི་འབྲས་ཆན་ཞོ་དང་སྦྱར་བ་སྦྱིན་ནོ། །རྡོ་རྗེ་ལ་ནི་གཏོར་མ་སྣ་ཚོགས་སྦྱིན་ནོ། །མཆེ་བ་ལ་ནི་མོན་སྲན་གྲེའུ་དང་ཟན་དྲོན་སྦྱིན་ནོ། །མདུང་ཐུང་
D746.095.0170a01.01ལ་ནི་འབྲས་ཀྱི་འོ་ཐུག་སྦྱིན་ནོ། ཀླུ་ལག་ལ་ནི་མངར་གསུམ་གྱི་གཏོར་མ་སྦྱིན་ནོ། །ཞགས་པ་ལ་ནི་མོན་སྲན་གྲེའུའི་ཆན་དང་། འབྲས་དྲུས་བརྡུངས་པ་དང་། སྦྱར་ཐུག་དང་། སྦྲང་རྩི་སྦྱིན་ནོ། །རལ་གྲི་ལ་ནི་མར་དང་། ཞོ་དང་འབྲས་ཡོས་སྦྱིན་ནོ། དབྱུག་པ་ལ་ནི་འབྱུང་
D746.095.0170a02.01པོའི་ཟས་ཐམས་ཅད་ཀྱི་གཏོར་མ་སྦྱིན་ནོ། །འཁོར་ལོ་ལ་ནི་ཁུ་བ་བཀྲ་ཤིས་ལྡན་དང་པེན་ཙེ་སྦྱིན་ནོ། །ཕྱག་རྒྱ་རྣམས་གསང་སྟེ་བལྟ་བའི་གཏོར་མ་འདི་དག་བདག་གིས་བཤད་ཟིན་ཏོ། །ཕྱག་རྒྱ་ཐམས་ཅད་ཀྱི་གཏོར་མར་བསྟན་པ་གང་ཡིན་པ་འདི་དག་ནི་བཅོམ་ལྡན་འདས་མཱ་མ་ཀཱི་ལ་
D746.095.0170a03.01ཡང་དབུལ་བར་བྱའོ། །དེ་ནས་ཕྱག་རྒྱ་བསྒྲུབ་ན་ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་མཱ་མ་ཀཱི་ལ་ཡང་བསྙེན་བཀུར་བྱས་ན་ཕྱག་རྒྱ་ཐམས་ཅད་འགྲུབ་པར་འགྱུར་རོ། །རིག་པ་མཆོག་གི་ལས་སྔར་ངས་བཤད་པ་གང་ཡིན་པའི་རིག་སྔགས་ཀྱི་རྒྱལ་པོ་ནི་སྙིང་པོ་དང་ལྷན་ཅིག་ཏུ་སྦྱར་བར་
D746.095.0170a04.01བྱའོ། །སྙིང་པོ་ཡང་ཉེ་བའི་སྙིང་པོ་དང་ལྷན་ཅིག་ཏུ་སྦྱར་བར་བྱའོ། །རིག་སྔགས་ཀྱི་རྒྱལ་པོ་ནི་སྤྱན་དང་ལྷན་ཅིག་ཏུ་སྦྱར་བར་བྱའོ། །སྤྱན་ཡང་སྙིང་པོའི་རྒྱལ་པོ་དང་ལྷན་ཅིག་ཏུ་སྦྱར་བར་བྱའོ། །ལྷ་རྣམས་འདི་ཡང་ངས་བཤད་པར་བྱའོ། །སེམས་རྩེ་གཅིག་ཏུ་གྱིས་ལ་
D746.095.0170a05.01ཉོན་ཅིག །ཞི་བའི་ལས་རྣམས་ལ་ནི་སྙིང་པོ་དང་ལྷན་ཅིག་ཏུ་སྦྱར་བར་བྱའོ། །རྒྱས་པ་རྣམས་ལ་ནི་སྤྱན་དང་ལྷན་ཅིག་ཏུ་སྦྱར་བར་བྱའོ། །དྲག་ཤུལ་རྣམས་ལ་ནི་ཉེ་བའི་སྙིང་པོ་དང་ལྷན་ཅིག་ཏུ་སྦྱར་བར་བྱའོ། །བཅོམ་ལྡན་འདས་མའི་དྲག་ཤུལ་ལ་ནི་རིག་སྔགས་ཀྱི་རྒྱལ་པོ་
D746.095.0170a06.01དང་ལྷན་ཅིག་ཏུ་བཟླས་བརྗོད་བྱའོ། །རྒྱས་པའི་ལས་ལ་ནི་མཱ་མ་ཀཱི་གཞན་ལས་གཟུགས་བཟང་བ་དང་ལྷན་ཅིག་ཏུ་བཟླས་བརྗོད་བྱའོ། །མཱ་མ་ཀཱི་ཉིད་ཀྱི་རྒྱས་པའི་ལས་ལ་ནི་མཱ་མ་ཀཱིའི་སྙིང་པོའི་རྒྱལ་པོ་དང་། །ལྷན་ཅིག་ཏུ་བཟླས་བརྗོད་བྱའོ། །ཕོ་ཉ་མ་རྣམས་ལ་ནི་ལྕགས་
D746.095.0170a07.01