完整藏文原文 · 德格版页 当前仅加载第 95 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ཁུང་རྡོ་རྗེའི་དབྱིབས་འདྲ་བར་བྱ་སྟེ། གུ་གུལ་གྱི་རིལ་བུ་བརྒྱད་སྟོང་སྦྱིན་སྲེག་བྱས་ན་བགེགས་ཐམས་ཅད་ཞི་བར་འགྱུར་རོ། །ཡར་གྱི་ངོ་ཚེས་གཅིག་ལ་བརྩམས་ཏེ་དུས་གསུམ་དུ་གུ་གུལ་གྱི་རིལ་བུ་མར་གྱི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱས་པའི་མཇུག་ཏུ་ཞག་
D746.095.0109a01.01གསུམ་སྨྱུང་བ་བྱས་ལ་དེའི་མདུན་དུ་མཆོད་པ་ཆེན་པོ་བྱས་ཏེ། རྡོ་རྗེ་ཁྲོ་བོའི་ཁ་ནས་བློ་བུར་དུ་ང་གྲུབ་བོ་ཞེས་ཟེར་བའི་སྒྲ་འབྱུང་གི་བར་དུ་བཟླས་བརྗོད་བྱས་ན་དེ་ནས་སྐྲ་ལྕང་ལོར་འཁྱིལ་ཞིང་ཉི་མ་ཤར་བའི་མདོག་འདྲ་བ་ལ། །རིག་སྔགས་འཆང་གི་འཁོར་ལོས་སྒྱུར་བར་འགྱུར་ཞིང་བསྐལ་པར་
D746.095.0109a02.01གནས་ཤིང་ལག་ན་རྡོ་རྗེ་དང་མཐུ་སྟོབས་མཉམ་པར་འགྱུར་རོ། །དེ་ནས་ལིག་བུ་མིག་བསྒྲུབ་པར་འདོད་ན། རི་མོའི་གཟུགས་དེ་ཉིད་ཀྱི་མདུན་དུ་ཡར་གྱི་ངོ་ལས་བརྩམས་ཏེ་དུས་གསུམ་དུ་ལན་བརྒྱ་སྟོང་བཟླས་བརྗོད་བྱས་ནས་དེའི་མདུན་དུ་ཞག་གསུམ་སྨྱུང་བ་བྱས་ལ། ལིག་བུ་མིག་
D746.095.0109a03.01གམ་ལྡོང་རོས་ཨ་ཤྭཏྠའི་ལོ་མའི་སྟེང་དུ་བཞག་སྟེ་ལག་པ་གཡོན་པས་མནན་ལ་དྲོ་བར་གྱུར་པ་དང་། དུད་པ་འཐུལ་བ་དང་འབར་བར་གྱུར་གྱི་བར་དུ་བཟླས་བརྗོད་བྱས་ན་དྲོ་བར་གྱུར་ན་ནི་འགྲོ་བ་རྣམས་དབང་དུ་བྱེད་པར་འགྱུར་རོ། །དུད་པ་འཐུལ་ན་ནི་ལུས་མི་སྣང་བར་འགྱུར་ཏེ་རིག་སྔགས་
D746.095.0109a04.01འཆང་ཐམས་ཅད་ཀྱི་སྤྱོད་ཡུལ་དུ་མི་འགྱུར་ཞིང་། རིག་སྔགས་འཆང་གཅོད་པ་ཐམས་ཅད་ཀྱིས་མི་ཚུགས་ལ་རིག་སྔགས་འཆང་ཐམས་ཅད་ཀྱིས་བྱར་མེད་པར་འགྱུར་རོ། །འབར་བར་གྱུར་ན་ནི་ནམ་མཁའ་ལ་འགྲོ་ཞིང་འཁོར་སྟོང་དང་ལྡན་ལ་གཡོག་རྣམས་འཆང་བར་འགྱུར་རོ། །ཅི་སྟེ་
D746.095.0109a05.01མི་འདོད་ན་ཡང་རིག་སྔགས་འཆང་རྣམས་གཡོག་ཏུ་འགྱུར་ཏེ། རིག་སྔགས་འཆང་ཐམས་ཅད་ཀྱིས་མི་སོད་པར་འགྱུར་རོ། །དེ་ནས་རྡོ་རྗེ་བསྒྲུབ་པར་འདོད་ན་འཛམ་བུ་ཆུ་བོའི་གསེར་ལས་རྡོ་རྗེ་སོར་བཅུ་གཉིས་རྩེ་གསུམ་དུ་བྱས་ལ་ཆུ་ཀླུང་རྒྱ་མཚོར་འབབ་པའི་འགྲམ་དུ་མར་གྱི་ངོ་ཞག་གཅིག་
D746.095.0109a06.01ལས་བརྩམས་ཏེ་ཕྱི་མར་ཡར་གྱི་ངོ་ཚེས་བཅུ་གཉིས་ཀྱི་བར་དུ་དུས་གསུམ་དུ་བཟླས་བརྗོད་བྱའོ། །དེ་ནས་ཞག་གསུམ་སྨྱུང་བ་བྱས་ཏེ་འཕགས་པར་གྱུར་གྱི་བར་དུ་བཟླས་བརྗོད་བྱས་ན་དེ་ནས་རིག་སྔགས་འཆང་ཐམས་ཅད་ཀྱིས་ཕྱག་བྱ་བར་འགྱུར་ཞིང་སུམ་ཅུ་རྩ་གསུམ་པའི་ལྷ་རྣམས་
D746.095.0109a07.01