完整藏文原文 · 德格版页 当前仅加载第 95 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོང་གི་འཕགས་མ་དོན་གྲུབ་པ། །དུར་ཁྲོད་གནས་ན་དྲག་མོ་ནི། །བདེན་བྲལ་ཕྱོགས་སུ་གཞག་བྱ་ཞིང་། །མ་ཡང་དྲུང་དུ་གཞག་པར་བྱ། །ཕྱོགས་ཀྱི་ལྷ་ནི་བྱེ་བ་རྣམས། །དབང་ལྡན་ཕྱོགས་སུ་དགོད་པར་བྱ། །ལོག་འདྲེན་དྲག་པོ་ཆེན་པོ་ཡང་། །དཀྱིལ་འཁོར་དུ་ནི་
D746.095.0198b01.01ལེགས་པར་དགོད། །རླུང་ལྷའི་ཕྱོགས་སུ་མཁའ་ལྡིང་གཞག །དེ་ནས་དང་པོ་སྐྱོང་བ་ཡི། །རྫོང་གི་འཕགས་མ་གཉིས་པ་ཡང་། །ཡོངས་སུ་རྫོགས་པར་གཞག་པར་བྱ། །བང་རིམ་དག་ནི་གཉིས་པ་ལ། །རྡོ་རྗེའི་ཤུགས་ཀྱིས་བསྒོམ་བྱ་ཞིང་། །ཀླུ་རིགས་ནོར་བུ་གཞག་
D746.095.0198b02.01པར་བྱ། །མཐའ་ཡས་བདེན་བྲལ་ཕྱོགས་སུ་གཞག །དེ་ནས་ཕྱོགས་ཀྱི་ལྷ་ཉིད་ནི། །གཤིན་རྗེའི་ཕྱོགས་སུ་ལེགས་པར་གཞག །དེ་ནས་{ཡི་དགས་,ཡི་དྭགས་}ཚོགས་རྣམས་ཀྱང་། །མེ་ཡི་ཕྱོགས་སུ་གཞག་པར་བྱ། །དེ་ནས་ཆོ་ག་ཤེས་པ་ཡིས། །{ཡི་དགས་,ཡི་དྭགས་}ཀྱི་ནི་རིགས་
D746.095.0198b03.01རྣམས་དགོད། །བརྗེད་བྱེད་ཀྱི་ནི་རིགས་རྣམས་དང་། །ནམ་གྲུ་དག་གི་རིགས་ཀྱང་གཞན། །དབང་ལྡན་འབྱུང་པོ་རྣམས་དང་ནི། །འབྱུང་པོའི་ཆང་ཁྱུ་རྣམས་ཀྱང་གཞག །ཚངས་པའི་སྲིན་པོ་ཞེས་བྱ་རྣམས། །དཀྱིལ་འཁོར་བྱང་ཕྱོགས་དགོད་པར་བྱ། །ཕྱི་རོལ་ཀླུ་ཡི་རིགས་རྣམས་ཀྱང་། །
D746.095.0198b04.01རླུང་ལྷའི་ཕྱོགས་སུ་ལེགས་པར་དགོད། །དཀྱིལ་འཁོར་དམ་པ་གཉིས་པ་ལས། །བང་རིམ་འདི་ནི་ཡོངས་སུ་རྫོགས། །རྡོ་རྗེ་རིམ་གྱིས་བསྒོམས་ནས་ནི། །གསུམ་པ་ཡང་ནི་བདེན་བྲལ་ཕྱོགས། །ཤ་ཟ་བཞག་སྟེ་སོང་ན་ཡང་། །རྣལ་འབྱོར་མཁའ་འགྲོའི་དཀྱིལ་འཁོར་གཞག །
D746.095.0198b05.01{ཡི་དགས་,ཡི་དྭགས་}ཀྱི་ནི་ཁྱིམ་རྣམས་ཀྱང་། །གཤིན་རྗེའི་ཕྱོགས་སུ་ལེགས་པར་དགོད། །མེ་ཡི་ཕྱོགས་སུ་དཀྱིལ་འཁོར་དུ། །སྟོབས་ཆེན་ལྷ་མ་ཡིན་རྣམས་གཞག །དེ་ནས་དཔལ་ལྡན་འཇིག་རྟེན་སྐྱོང་། །འཇིག་རྟེན་ཆོས་ལས་ཕྱིར་ཕྱོགས་པ། །ཡུལ་འཁོར་སྲུང་ནི་དཔག་མེད་པའི། །
D746.095.0198b06.01དྲི་ཟར་ལྷན་ཅིག་ཀུན་ཏུ་དགོད། །དབང་ཕྱུག་ཆེན་མོར་བཅས་པ་ཡི། །དབང་ལྡན་ཕྱོགས་སུ་གནས་པར་བྱ། །དེ་ནས་རིག་སྔགས་རྣམས་ཀྱི་བདག །ལག་ན་རྡོ་རྗེ་རྣལ་འབྱོར་ཆེ། །གྲོགས་བཅས་རྡོ་རྗེ་འཛིན་པ་ཡི། །རྡོ་རྗེ་ཕོ་བྲང་དགའ་བར་གཞག །དེ་ནས་སྟོབས་ཆེན་
D746.095.0198b07.01