完整藏文原文 · 德格版页 当前仅加载第 95 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་དེ་སོ་སོར་ཅི་རིགས་ཉོན། །དཀྱིལ་འཁོར་དག་ནི་བཞི་མདོ་དང་། །དེ་བཞིན་ཁྱིམ་དང་བ་ལང་ལྷས། །དུར་ཁྲོད་དང་ནི་ཤིང་གཅིག་དྲུང་། །དེ་ནི་མཁས་ཤིང་འཇིགས་མེད་པས། །གདོན་དེ་གཏོང་དུ་གཞུག་པར་བྱ། །ཐོག་མར་ཆོ་གར་བྱ་བ་ནི། །
D746.095.0140a01.01ཞག་གསུམ་ཡང་ན་ཞག་ལྔའམ། །ཞག་བདུན་བར་དུ་ཅུང་ཟད་བསྟེན། །ཡང་ན་ཟླ་བ་ཕྱེད་ཀྱི་བར། །དེ་བཞིན་ཞག་ནི་ཉི་ཤུ་གཅིག། །རིག་སྔགས་སྟོབས་ནི་ཆེ་བ་དང་། །བདག་ཉིད་རིག་སྔགས་གསང་བ་ཡི། །རིག་སྔགས་དེ་བཞིན་ཤེས་ནས་ནི། །ཅི་ནས་དེ་ནི་དབང་
D746.095.0140a02.01འགྱུར་ཞིང་། །ཉན་དུ་ཡང་ནི་གཞུག་པར་བྱ། །ཕྱེ་མ་རེད་ཀྱི་ནི་དུས་མཚམས་སུ། །བབ་ན་བདུད་རྩི་ཐབ་སྦྱོར་གྱིས། །འབྱུང་པོ་རྣམས་ཀྱི་དཀྱིལ་འཁོར་ནི། །ཁྲུ་གསུམ་གྲུ་བཞི་མཛེས་པ་བྲི། །དེས་ནི་ཐེ་ཚོམ་མེད་པར་ཡང་། །གསང་བ་བདག་ནི་ཉན་པར་འགྱུར། །བདག་
D746.095.0140a03.01ཉིད་འབྱོར་བར་གང་འདོད་པས། །གསང་བ་ཡང་ནི་འདིས་བྱ་ཞིང་། །གསང་སྔགས་འདི་ཡིས་འབྱུང་པོ་རྣམས། །ཉན་པར་འགྱུར་བ་ཞེས་བྱ་བ། །འདི་ནི་མཁས་པས་བྱེད་དུ་གཞུག །ལོ་ནི་བཅུ་གཉིས་དག་ཏུ་ཡང་། །མ་བསྙེན་པ་ལ་སྦྱིན་མི་བྱ། །སྟོང་སྙེད་མ་བྱིན་སྦྱིན་མི་བྱ། །
D746.095.0140a04.01སྡིག་པའི་ཚུལ་ཅན་སྦྱིན་མི་བྱ། །གང་གིས་གདོན་ནི་ཉན་པར་འགྱུར། །གང་གིས་གསང་སྔགས་དབང་འགྱུར་བ། །ཕྱག་རྒྱའི་ཆོ་ག་ངེས་པ་ཡིས། །གསང་སྔགས་དཀྱིལ་འཁོར་འདི་ཡང་བཤད། །ཕྱག་རྒྱ་ཚོགས་དང་བཅས་བཏང་ཞིང་། །གསང་བའི་ཕྱག་རྒྱས་བཏང་བྱས་ནས། །བརྟགས་ནས་
D746.095.0140a05.01རྟག་ཏུ་འཛིན་པར་བྱེད། །གསོད་པ་བྱས་པའི་ཕྱག་རྒྱ་ཡི། །དཀྱིལ་འཁོར་མཆོག་ཏུ་གསང་བ་འདི། །གསང་བ་པ་རྣམས་གཞིག་པ་དང་། །ཆོ་ག་བསྒྲུབ་ཕྱིར་བཤད་པར་བྱ། །དེ་ནས་བཅོམ་ལྡན་འདས་ལག་ན་རྡོ་རྗེ་རྣལ་འབྱོར་དམ་པ་ལ་གནས་ནས་གདོན་ཉན་པར་འགྱུར་
D746.095.0140a06.01བའི་ཕྱག་རྒྱའི་དཀྱིལ་འཁོར་འདི་བཤད་དེ། ཁྲུ་གསུམ་པ་ཚོན་སྣ་ལྔའི་ཕྱེ་མས་དབུས་སུ་བཅོམ་ལྡན་འདས་ལག་ན་རྡོ་རྗེ་བྲིའོ། །དེ་ནས་ཕྱག་རྒྱ་དགོད་པར་བྱ་སྟེ། ཤར་ཕྱོགས་ཀྱི་སྒོ་ལོགས་སུ་ནི་རྒྱལ་བ་ཞེས་བྱ་བའི་ཕྱག་རྒྱ་དང་། རྣམ་པར་རྒྱལ་བ་དང་། རྡོ་རྗེ་མཚན་མ་
D746.095.0140a07.01