完整藏文原文 · 德格版页 当前仅加载第 95 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
དུས་གསུམ་ཁྲུས་བྱེད་ངེས་པར་གནས། །དུས་གསུམ་བརྒྱ་རྩ་བརྒྱད་བྱས་ན། སེམས་ཅན་ཐམས་ཅད་དབང་དུ་འགྱུར། །ཡང་ན་ཟླ་བ་གཅིག་ཙམ་གྱིས། །དོན་རྣམས་ཐམས་ཅད་འགྲུབ་པར་འགྱུར། །ཆོ་ག་འདི་དག་ཉིད་ཀྱིས་ནི། །ལྷ་ཀླུ་དེ་བཞིན་གནོད་སྦྱིན་
D746.095.0222b01.01དང་། །དྲི་ཟ་མི་དང་མི་འམ་ཅི། །མཉམ་པར་གཞག་པས་དབང་དུ་འགྱུར། །སྔ་མ་བཞིན་དུ་འདི་བསྒྲུབས་ན། །སྔ་མ་བཞིན་དུ་འདོད་ཀུན་སྦྱིན། །འདི་ནི་བསྒྲུབ་པར་མ་གྱུར་ཀྱང་། །ལས་རྣམས་ཐམས་ཅད་བྱེད་འགྱུར་ཏེ། །རྣམ་པ་གང་དང་གང་དག་གིས། །
D746.095.0222b02.01གང་གི་ལས་ནི་གང་གང་སྒྲུབ། །རྣམ་པ་དེ་དང་དེ་དག་གིས། །དེ་ཡི་ལས་དེ་བྱེད་པར་འགྱུར། །རྡོ་རྗེ་སྡེ་ཡི་ཆད་པ་འདི། །དོན་ཡོད་གཞན་གྱིས་མི་ཐུབ་ལ། །ལས་རྣམས་ཐམས་ཅད་བྱེད་པ་དང་། །འདོད་པ་ཐམས་ཅད་སྦྱིན་པ་ཡིན། །བུམ་པ་ཞབས་མེད་མི་གནག་པ། །དྲི་དང་
D746.095.0222b03.01སྨན་རྣམས་ཐམས་ཅད་ལྡན། །རིན་ཆེན་ཀུན་དང་ལྡན་པ་དང་། །ས་བོན་ཀུན་གྱིས་མཆོད་བྱས་ཤིང་། །གོ་ཙ་ད་ནས་དཀྲིས་པའམ། །དེ་ཡི་གཞི་ལ་བཞག་ནས་ནི། །ལན་གྲངས་བརྒྱད་སྟོང་བཟླས་བརྗོད་བྱ། །བསྡམས་ཤིང་ལེགས་པར་གནས་བྱས་ནས། །རྡོ་རྗེ་སྡེ་ལ་རབ་
D746.095.0222b04.01བསྒྲིམས་ཏེ། །དྲི་ལ་སོགས་པས་ལེགས་མཆོད་ནས། །ཟླ་བ་ཉ་ལ་མཉམ་གཞག་པས། །བུམ་པ་དེས་ནི་ཁྲུས་ཀྱང་བྱ། །བུམ་པ་དེ་ཡིས་ཁྲུས་བྱས་ནས། །མཚུངས་པ་མེད་པར་སྐལ་ལྡན་འགྱུར། །དེ་ཡི་དོན་རྣམས་ཐམས་ཅད་འགྲུབ། །རྒྱས་ཤིང་དཔལ་ཡང་སྐྱེ་
D746.095.0222b05.01བར་འགྱུར། །ལིག་བུ་མིག་དང་ཙནྡན་དང་། །བ་བླ་དང་ནི་ལྡོང་རོས་དང་། །ནཱ་ག་པུཥྤ་པ་ཏྲ་དང་། །དེ་བཞིན་བོ་ལ་བརྒྱད་པ་སྟེ། །འདི་དག་ཆ་ནི་མཉམ་བྱས་ལ། །ཕྱེ་མ་ཞིབ་མོར་བཏག་པར་བྱ། །རྒྱལ་གྱི་དུས་ལ་བབ་པའི་ཚེ། །མཆོད་རྟེན་དྲུང་དུ་བསྒྲུབ་པར་བྱ། །དྲི་བསུང་
D746.095.0222b06.01ང་པོ་དབུལ་བྱ་ཞིང་། །ལན་གྲངས་བརྒྱ་སྟོང་བཟླས་བརྗོད་བྱ། །དེ་དག་གིས་ནི་ལུས་བསྐུས་ནས། །དོན་རྣམས་ཐམས་ཅད་འགྲུབ་པར་འགྱུར། །དཀོན་མཆོག་གསུམ་ལ་དང་བ་དང་། །གུས་པར་བྱེད་པ་དེ་དག་ནི། །དོན་རྣམས་ཐམས་ཅད་བྱེད་པར་ནུས། །འདི་ལ་དཔྱད་པར་བྱ་བ་མེད། །
D746.095.0222b07.01