完整藏文原文 · 德格版页 当前仅加载第 95 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
དང་སྦྱར། །ཨིནྡྲ་བྲིག་ཤའི་ལོ་མ་རྣམས། །ཞོ་ག་ཆུ་དང་བཏག་པར་བྱ། །ཉ་ལྕིབས་ས་ནི་བླངས་ནས་ཀྱང་། །ཆུ་དང་ལྷན་ཅིག་བཏག་པར་བྱ། །ཀུན་དའི་མེ་ཏོག་མ་བྱེ་བ། །བླངས་ནས་འོ་མས་སྦྱར་བར་བྱ། །ཨརྐ་དམར་པོའི་ལོ་མ་རྣམས། །འོ་མ་ཡིས་ནི་
D746.095.0081b01.01སྦྱར་བར་བྱ། །ཨ་ཤ་ན་ནི་ཞོ་དང་སྦྱར། །མཁས་པས་བླུགས་སྨན་དེ་བྱས་ལ། །རང་བཞིན་གྱུར་པར་རྟོགས་ནས་ནི། །ནོར་ཡོད་པར་ནི་བསྟན་པ་ཡིན། །གཞན་དག་ཀྱང་ནི་བཤད་བྱ་སྟེ། །མ་བསྲེགས་པ་ཡི་ཁམ་ཕོར་དག །འབྲས་ཕྱེ་འདག་གུས་བསྐུས་
D746.095.0081b02.01བྱས་ལ། །མཛུབ་གང་བརྐོས་ནས་གཞག་པར་བྱ། །རང་བཞིན་གཞན་དུ་གྱུར་ན་ནི། །ནོར་རྣམས་ཡོད་པར་ཤེས་པར་བྱ། །ཡུངས་ཀར་ཨ་དའི་མེ་ཏོག་རྣམས། །གོང་བུ་དག་ཏུ་བརྫིས་ནས་ནི། །རང་བཞིན་གྱུར་ན་ནོར་ཡོད་དོ། །འབྲས་རྣམས་ཏིལ་
D746.095.0081b03.01དང་ལྷན་ཅིག་ཏུ། །ཞོ་དང་སྦྱར་ཏེ་གོང་བུར་བྱས། །ཁམ་ཕོར་ཁ་སྦྱར་ནང་བཅུག་ལ། །མཛུབ་གང་བརྐོས་པའི་འོག་ཏུ་བཞག །རང་བཞིན་གྱུར་ན་ནོར་ཡོད་དོ། །དགུན་སྨད་དུས་སུ་དུས་རྣམས་ནི། །མར་གྱིས་བཀང་སྟེ་བརྐོས་ནས་བཞག །ཞུ་བར་གྱུར་ན་ནོར་ཡོད་
D746.095.0081b04.01དོ། །ལྷ་རྣམས་སེམས་ཅན་དོན་གྱི་ཕྱིར། །བླུགས་སྨན་དམ་པའི་ཆོ་ག་རྣམས། །བདག་གིས་སུ་ནི་བཤད་པ་ཡིན། །སེམས་ཅན་རྣམས་ལ་ཕན་གདགས་ཕྱིར། །མིག་སྨན་གང་གིས་མིག་བསྐུས་ན། །ས་ལ་གཏེར་ཀུན་མཐོང་འགྱུར་བའི། །མིག་སྨན་རྣམས་
D746.095.0081b05.01ཀྱང་བཤད་པར་བྱ། །འུག་པའི་མཆི་མ་ཟག་པ་ཡིས། །ལིག་བུ་མིག་ནི་བསྒོས་ནས་ཀྱང་། །ལྡོང་རོས་དག་དང་ལྷན་ཅིག་ཏུ། །བློ་ཅན་གྱིས་ནི་མིག་ཀྱང་བསྐུ། །ལྡོང་རོས་དག་ནི་ཤིང་མངར་དང་། །གི་ཝང་དང་ནི་འུག་པ་ཡི། །མིག་རྣམས་ལྷན་ཅིག་སྦྱར་བྱས་
D746.095.0081b06.01ལ། །བློ་ལྡན་གྱིས་ནི་མིག་ཀྱང་བསྐུ། །ར་ཡི་གཅིན་དང་དེ་བཞིན་དུ། །བྱི་ལ་ཡི་ནི་གཅིན་བླངས་ལ། །འུག་པའི་མིག་དང་ལྷན་ཅིག་ཏུ། །དུད་པ་བཀག་སྟེ་བསྲེག་པར་བྱ། །ལིག་བུ་མིག་དང་སྦྱར་བྱས་ལ། །བློ་ལྡན་གྱིས་ནི་མིག་ཀྱང་བསྐུ། །རྡུལ་བྱེའུ་རང་ནི་
D746.095.0081b07.01