完整藏文原文 · 德格版页 当前仅加载第 95 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ན་ཆོས་ཀྱི་དཀྱིལ་འཁོར་བྲི། །དེ་ཡི་གཡོན་ཕྱོགས་རིག་སྔགས་ཀྱི། །སྟོབས་འཆང་ལག་ན་རྡོ་རྗེ་བྲི། །སངས་རྒྱས་ཀྱི་ནི་གཡས་ལོགས་སུ། །ནོར་གྱི་དབང་ཕྱུག་གནོད་སྦྱིན་བཅས། །དེ་དག་མདུན་དུ་འཕྲོག་མ་ནི། །འོག་པག་རིག་སྔགས་སྣ་ཚོགས་མཆོག །དེ་ཡི་རིག་སྔགས་
D746.095.0219b01.01ཚོགས་ཀུན་ནི། །གཡས་ཕྱོགས་ངོས་སུ་གནས་པར་བྱ། །རྒྱལ་པོ་ཆེན་པོ་ཡུལ་འཁོར་སྲུང་། །དྲི་ཟ་མཆོག་གི་དཔུང་གིས་བསྐོར། །ཤར་ཕྱོགས་སྒོར་ནི་རབ་གནས་ཤིང་། །ནུབ་ཕྱོགས་སུ་ནི་བལྟ་བར་བྱ། །རྒྱལ་པོ་ཆེན་པོ་འཕགས་སྐྱེས་སོ། །གྲུལ་བུ་མཆོག་གི་
D746.095.0219b02.01དཔུང་གིས་བསྐོར། །ལྷོ་ཕྱོགས་སྒོ་ཡི་ནང་ན་གནས། །ལྷོ་ཕྱོགས་ནས་ནི་བྱང་དུ་ལྟ། །རྒྱལ་པོ་ཆེན་པོ་མིག་མི་བཟང་། །ཀླུ་དང་དང་ནི་ནམ་མཁའ་ལྡིང་། །མཆོག་རྣམས་ཀྱི་ནི་མདུན་དུ་འདུག །ནུབ་ཕྱོགས་ནས་ནི་ཤར་དུ་ལྟ། །རྒྱལ་པོ་ཆེན་པོ་ཀུ་བེར། །གནོད་སྦྱིན་མཆོག་གི་
D746.095.0219b03.01དཔུང་གིས་བསྐོར། །བྱང་ཕྱོགས་ཀྱི་ནི་སྒོ་ན་གནས། །ལྷོ་ཕྱོགས་ཕྱོགས་སུ་བལྟ་བར་བྱ། །ཁོ་ར་ཁོར་ཡུག་ཐམས་ཅད་ནས། །གདོན་རྣམས་བརྒྱད་བརྒྱས་བསྐོར་བར་བྱ། །མེ་རྣམས་ཀྱང་ནི་ཤིན་ཏུ་དགོད། །བཤོས་རྣམས་ཀུན་ཏུ་དགྲམ་པར་བྱ། །དེ་ནས་གནོད་སྦྱིན་
D746.095.0219b04.01གཏོར་མ་ཡང་། །ཤ་བཅས་དཀྱིལ་འཁོར་ནང་དུ་དགྲམ། །མར་མེ་ལ་སོགས་དྲི་རྣམས་དང་། །མེ་ཏོག་འབྲས་བུ་ཀུན་གྱིས་བསྐོར། །དེ་ལྟར་བྱས་ན་རིག་སྔགས་ཆེ། །རྒྱལ་མོ་ཡི་ནི་དམ་པ་འདི། །བཟླས་བརྗོད་བྱེད་ན་བཤོས་རྣམས་དང་། །བདུག་པ་དྲི་ལ་སོགས་པ་དབུལ། །བཟླས་
D746.095.0219b05.01བརྗོད་བསྙེན་པ་གྲངས་མེད་པར། །བཟླས་བརྗོད་བྱ་ཞིང་ཀུན་ནས་མཆོད། །བདུག་པ་ཐམས་ཅད་ནང་དུ་བསྲེག །བཟླས་བརྗོད་བརྒྱད་བརྒྱ་བཀྲ་ཤིས་པ། །མཁས་པས་སྔོན་དུ་བྱས་ན་ནི། །དེ་ཉིད་བསྲུང་བའི་མཆོག་ཡིན་ནོ། །དེ་ཉིད་རབ་ཏུ་བསྒྲུབ་པ་ཡིན། །ཕྱོགས་བཅིང་བ་ཡང་
D746.095.0219b06.01དེ་ཉིད་དེ། །དེ་ནས་འདི་ཡི་བཟླས་བརྗོད་རྣམས། །བརྒྱ་རྩ་བརྒྱད་ནི་བཟླས་པ་ན། །བསྒྲུབ་པའི་འཕྲོག་མ་འགུལ་བ་དང་། །ས་གཞི་དང་ཀྱང་གཡོ་བར་འགྱུར། །གནོད་སྦྱིན་རྣམ་པ་སྣ་ཚོགས་དག །ཀུན་ནས་དེར་ནི་སྣང་བར་འགྱུར། །གཡོ་ཞིང་སྒྲ་འབྱིན་ལྟ་བར་བྱེད། །རབ་ཏུ་འདུ་ཞིང་འབུངས་
D746.095.0219b07.01