完整藏文原文 · 德格版页 当前仅加载第 95 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བགྱིས་ཏེ་ཆབ་ཏུ་དོར་ན་གྲུ་མི་འགུལ་བར་བགྱིས་པར་འགྱུར་རོ། །མར་གྱི་ངོ་ཞག་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ། འབྱུང་པོའི་གཏོར་མ་སྩལ་ཏེ། ལྷོ་ཕྱོགས་ཀྱི་ངོས་ལ་ཤུ་དག་བརྒྱ་སྟོང་སྦྱིན་སྲེག་བགྱིས་ན་ཏི་ན་ར་གསུམ་
D746.095.0023b01.01རྙེད་དོ། །ཤུ་དག་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་སོ་ཕྲག་ཏུ་སྩལ་ན་ཤགས་འགྱེད་པའི་ཚེ་གཞན་གྱིས་ལན་མི་ཐེབས་པར་སྨྲ་བར་འགྱུར་རོ། །ལག་ན་རྡོ་རྗེའི་མདུན་དུ་གི་ཝང་ལ་ལན་བརྒྱ་སྟོང་བཟླས་བརྗོད་བགྱིས་ལ་དེས་ཐིག་ལེ་བགྱིས་ན་དཔལ་ཆེ་བར་འགྱུར་
D746.095.0023b02.01རོ། །རྒྱལ་པོའི་ཕོ་བྲང་འཁོར་དུ་ལན་ཐེབས་པར་སྨྲ་བར་འགྱུར་རོ། །བུད་མེད་དབང་དུ་བགྱིད་ན་ལག་ན་རྡོ་རྗེའི་མདུན་དུ་པ་ལ་ཤའི་ཤིང་གིས་ཞུགས་བུས་ལ་སྔ་དྲོ་ལན་ཚྭ་ལ་ལན་སྟོང་རྩ་བརྒྱད་སྦྱིན་སྲེག་བགྱིས་ནས་མིང་ནས་བརྗོད་ན་ཉི་མ་བདུན་གྱིས་འགྲུབ་སྟེ། ཟ་གཅིག་
D746.095.0023b03.01པར་བགྱིའོ། །ཡུགས་ས་མོ་དབང་དུ་བགྱིད་ན་མར་གྱི་ངོ་ཞག་དྲུག་ནས་བརྩམས་ཏེ་བཅུའི་བར་དུ་དུས་གསུམ་དུ་ལག་ན་རྡོ་རྗེའི་མདུན་དུ་ལུང་ཐང་གི་ཤིང་ལ་ཞུགས་བུས་ལ་མོན་སྲན་གྲེའུ་ལ་ལན་བརྒྱ་རྩ་བརྒྱད་སྦྱིན་སྲེག་བགྱིས་ན་དབང་དུ་འགྱུར་རོ། །བྲམ་ཟེའི་བུ་མོ་དབང་
D746.095.0023b04.01དུ་བགྱིད་པར་འཚལ་བས་མར་གྱི་ངོ་ཞག་བརྒྱད་ལ་ལག་ན་རྡོ་རྗེའི་མདུན་དུ་དུ་བ་མ་མཆིས་པའི་མེ་མདག་ལ་རྒྱ་སྐྱེགས་ཀྱིས་ལན་བརྒྱ་སྟོང་སྦྱིན་སྲེག་བགྱིས་ན་དབང་དུ་འགྱུར་རོ། །སྐྱེས་པ་དབང་དུ་བགྱི་ན་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ན། ལག་ན་
D746.095.0023b05.01རྡོ་རྗེའི་མདུན་དུ་དོང་ཀའི་ཤིང་གིས་ཞུགས་བུས་ལ་ཡུངས་ཀར་ལ་ལན་བརྒྱ་སྟོང་སྦྱིན་སྲེག་བགྱིས་ན་དབང་དུ་འགྱུར་རོ། །ཊཀྐི་ཧཱུྃ་ཛཿ རཱ་ཛ་ནཱ་མ་པ་ཤི་ཀ་ཏུ་ཀཱ་མེ་ན་ཤུཀླ་པཉྩི་{མྱེ་,མེ་}མ་ཧོ་ར་ཏ་ཤི་ཏེ་བཛྲ་པཱ་ཎི་སྱ་ཨ་གྷྲ་ཏ་པྲི་ཡཾ་ཀུ་བ་ཏ་ཤེ་རཏྣི་མ་པྲ་ཛྲཱ་ལྱ་ཤྭེ་སརྴ་པཾ་ཨིནྡྲ་ཡ་པཉྩི་ཀི་
D746.095.0023b06.01ཀྲི་ཏྱ་བི་ཤྭ་རུ་ཏི་ར་ཨཀྟ་ནཱཾ་ཨཥྚ་ས་ཧ་སྲཾ་ཛཱུ་ཡ་ཤོ་བ་ཏི། མར་གྱི་ངོ་ཞག་བརྒྱད་དམ་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་པ་ཅི་ནུས་ཀྱིས་མཆོད་དེ། རིག་པ་མཆོག་གིས་དྲི་དང་མེ་ཏོག་དང་བདུག་པ་ཐམས་ཅད་ལ་ཕུལ་ལ། དེའི་
D746.095.0023b07.01