完整藏文原文 · 德格版页 当前仅加载第 95 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་གང་ན་གནོད་སྦྱིན་མོ་མཆིས་པ་དེར་མར་གྱི་དོ་ཞག་བརྒྱད་ནས་ཞག་གསུམ་སྨྱུང་བ་བགྱིས་ཏེ། གནས་དབེན་པར་མཆིས་ལ་དུར་ཁྲོད་ཀྱི་ཤིང་གིས་ཞུགས་བུས་ལ་སེང་ལྡེང་གི་ཡམ་སྲེག་ཤིང་ཁྲག་དང་དུག་ལ་སྨྱུགས་པ་ལན་བརྒྱད་སྟོང་སྦྱིན་སྲེག་བགྱིས་
D746.095.0040a01.01ན་གནོད་སྦྱིན་མོ་དེ་མཆི་བར་འགྱུར་ཏེ། མཆིས་ནས་འདི་སྐད་དུ་ཅི་བྱ་ཞེས་མཆི་བ་དང་། དེས་འདི་སྐད་དུ་གང་བསམས་པ་དེ་གྱིས་ཤིག་ཅེས་བརྗོད་པར་བགྱིའོ། །གལ་ཏེ་བཏུབ་ན་འདི་སྐད་ཅེས་དཔག་ཚད་བརྒྱ་ནས་བུད་མེད་ངའི་གན་དུ་ཁྲིད་དེ་ཤོག།།གྲོགས་པོ་བརྒྱད་
D746.095.0040a02.01ཅུ་ལ་ཟན་བྱིན་ཅིག །ཉིན་གཅིག་བཞིན་རས་ཟུང་བརྒྱད་དང་ཀཱར་ཥཱ་པ་ཎ་བརྒྱད་བརྒྱད་ཕུལ་ཅིག་ཅེས་བརྗོད་དང་དེ་ལྟར་བགྱིའོ་ཞེས་མཆི་བར་འགྱུར་ཏེ། དེའི་འོག་ཏུ་བུད་མེད་དེ་ཁྲིད་དེ་མཆིའོ། །ཡིད་ཀྱིས་བཟླས་བརྗོད་བགྱིའོ། །ཡིད་ཀྱིས་སླར་གཏང་བར་བགྱིའོ། །རྡོ་རྗེ་
D746.095.0040a03.01བཞད་མའི་ཆོ་ག་རྫོགས་སོ།། །།ཕོ་ཉ་མོ་ཐམས་ཅད་ཀྱི་ལས་ནི་འདི་ལགས་ཏེ། རིག་པ་མཆོག་གི་ཕོ་ཉ་མོ་ནི་ལས་ཐམས་ཅད་དུ་ཡང་སྦྱར་བར་བགྱིའོ། །ལས་ཐམས་ཅད་དུ་ཡང་རིག་པ་མཆོག་གི་སྙིང་པོ་དང་ལྷན་ཅིག་སྦྱར་བར་བགྱི་སྟེ། སྒྲུབ་པ་མ་
D746.095.0040a04.01ལགས་པའི་རིག་པ་ཡང་སྒྲུབ་པར་བགྱིད་དོ། །སྲིན་བུ་ཀ་ཏའི་དུག་གིས་གནོད་པར་གྱུར་པ་རྣམས་ལ་ནི་ཡི་གེ་བྲི་བའི་གཞི་དང་སྣག་ཚ་དང་སྨྱུག་གུ་ཡང་སྔགས་ལན་བདུན་བདུན་གྱིས་སྔགས་ལ་གང་འདོད་པ་བྲིས་ཏེ་བསྐུར་ན་སོས་པར་འགྱུར་རོ། །དེ་ནས་ཡང་བཅོམ་ལྡན་
D746.095.0040a05.01འདས་ལ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་གཞན་ཡང་གང་གིས་རིག་པ་ཐམས་ཅད་དངོས་གྲུབ་ཏུ་འགྱུར་བ་སྩོལ་བའི་རིག་པའི་ལྷ་ཐམས་ཅད་ཀྱི་གསང་བ་བརྗོད་པར་བགྱིའོ། །གལ་ཏེ་རིག་སྔགས་འཆང་གི་རིག་པ་བསྒྲུབ་པར་འཚལ་ན་རིག་
D746.095.0040a06.01པའི་ལྷ་དེ་ལ་འདིས་མགུ་བར་བགྱིའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ། རྒྱ་མཚོར་འབབ་པའི་ཆུ་ཀླུང་གི་ངོས་གཉིས་ཀའི་ས་བླངས་ལ་ལྷའི་གཟུགས་བགྱིས་ཏེ་སྦྱིན་དང་མ་འདྲེས་པའི་ཚོན་གྱིས་ལྷའི་ཁ་དོག་ཅི་འདྲ་དེ་འདྲ་བར་བྲི་བར་བགྱིའོ། །
D746.095.0040a07.01