完整藏文原文 · 德格版页 当前仅加载第 95 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ན་རྡོ་རྗེ་ལ་སྐྱབས་སུ་དོང་ངོ་། །ལོག་འདྲེན་རྣམས་ཀྱང་འགུལ་མ་ནུས་ནས་ཡིད་ཀྱིས་ལག་ན་རྡོ་རྗེ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ལག་ན་རྡོ་རྗེས་ཅུང་ཟད་འཛུམ་པའི་བཞིན་གྱིས་ལྷ་དེ་དག་ལ་འདི་སྐད་ཅེས་སྨྲས་སོ། །གྲོགས་པོ་ཁྱེད་
D746.095.0025b01.01ལོངས་ཤིག་ངའི་དམ་ཚིག་ལ་ཡང་དག་པར་གནས་པར་གྱིས་ཤིག །དེ་ཐོས་ནས་ལྷ་རྣམས་རབ་ཏུ་དགའ་བའི་བཞིན་གྱིས་བཅོམ་ལྡན་འདས་ལག་ན་རྡོ་རྗེའི་རྐང་པ་གཉིས་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལག་
D746.095.0025b02.01ན་རྡོ་རྗེ་འདི་ནི་མཆོག་ཏུ་མི་བཟད་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷ་དག་དེ་དེ་བཞིན་ནོ། །དེ་ནས་བཅོམ་ལྡན་འདས་ལ་ལག་ན་རྡོ་རྗེས་གསོལ་པ། བཅོམ་ལྡན་འདས་བདག་གི་རིག་པ་འདི་ནི་ལྷ་རྣམས་འཆི་འཕོ་བར་བགྱིད་པ། གནོད་
D746.095.0025b03.01སྦྱིན་རྣམས་ཕུང་བར་བགྱིད་པ། །དྲི་ཟ་རྣམས་ལྷུང་བར་བགྱིད་པ། ལོག་འདྲེན་རྣམས་ངེས་པར་བརླག་པར་བགྱིད་པ། རྡོ་རྗེའི་རིགས་ཐམས་ཅད་སྐྲག་པར་བགྱིད་པ། ཚངས་པ་དང་ཁྱབ་འཇུག་དང་དབང་ཕྱུག་ཆེན་པོ་ལ་སོགས་པ་ལ་གནོད་པར་བགྱིད་པ་ལགས་
D746.095.0025b04.01སོ། །བཅོམ་ལྡན་འདས་བདག་གི་ཉེ་བའི་སྙིང་པོ་འདི་ནི་བདག་ལ་ཡང་ཕུར་བུས་འདེབས་པ་ལགས་ཏེ། བཅོམ་ལྡན་འདས་འགུམ་པར་བགྱིད་པ། སྐོམ་པར་བགྱིད་པ། ཆད་པས་གཅོད་པ་ལགས་སོ། །ལྷ་རྣམས་འཆི་འཕོ་བར་བགྱིད་པ་དང་། གནོད་པར་
D746.095.0025b05.01བགྱིད་པ་དང་། ཕུར་བུས་གདབ་པར་བགྱིད་པར་འཚལ་བས་མར་གྱི་ངོ་ཞག་བཅུ་བཞི་ལ་ཞག་གསུམ་སྨྱུང་བ་བགྱིས་ཏེ། བའི་ལྕི་བ་ས་ལ་མ་ལྷུང་བ་ལས་བརྒྱ་བྱིན་གྱི་གཟུགས་བགྱིས་ལ་ལག་ན་རྡོ་རྗེའི་མདུན་དུ་བཞག་སྟེ། དེའི་སྟེང་དུ་ཤིང་ཀུན་གྱི་ཤིང་གིས་
D746.095.0025b06.01ཞུགས་བུས་ལ་པྲི་ཡང་ཀུའི་ཡམ་སྲེག་ཤིང་ཡུངས་ཀར་གྱི་འབྲུ་མར་ལ་སྨྱུགས་པ་བརྒྱ་སྟོང་སྦྱིན་སྲེག་བགྱིའོ། །དེ་ནས་ལྷ་རྣམས་སོ་སོ་ནས་ཚིག་ཅིང་བརྒྱ་བྱིན་གྱི་གན་དུ་མཆིའོ། །བརྒྱ་བྱིན་ཡང་ལྷ་རྣམས་དབུགས་འབྱིན་ཏེ། གྲོགས་པོ་དག་མ་འཇིགས་
D746.095.0025b07.01