完整藏文原文 · 德格版页 当前仅加载第 95 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ལས་བྱེད་དེ། ཕྱག་རྒྱའི་ཚུལ་བསྟན་པས་ལས་བྱེད་པར་འགྱུར་རོ། །ཕྱག་རྒྱ་ཐམས་ཅད་ལ་ཡང་རྡོ་རྗེ་ལྕགས་ཀྱུ་མ་དང་སྦྱར་བར་བྱ་སྟེ། ཕྱག་རྒྱ་འདི་རྣམས་ནི་གདོན་ལ་བསྟན་པར་མི་བྱའོ། །ཕྱག་རྒྱ་རྣམས་བསྟན་ན་ལྷ་རྣམས་འཇིགས་ཤིང་སྐྲག་པར་འགྱུར་ལ་རིག་སྔགས་འཆང་
D746.095.0165b01.01ཡང་བརླག་པར་འགྱུར་རོ། །མཱ་མ་ཀཱིས་ཕུར་བུས་བཏབ་ན་རྟག་ཏུ་ཞི་བར་བྱེད་པར་འགྱུར་རོ། །སྐྲག་པས་དངོས་གྲུབ་སྦྱིན་པར་བྱེད་དོ། །ཕྱག་རྒྱའི་ཚུལ་ནི་ལག་པའི་སྟབས་ཀྱིས་བསྟན་པར་མི་བྱའོ། །དཀྱིལ་འཁོར་དུ་ཡང་མིང་དང་ཕྱག་རྒྱའི་ཚུལ་བྲིའོ། །མཱ་མ་ཀཱི་ནི་ལས་ཐམས་
D746.095.0165b02.01ཅད་ལ་ཡང་བསྟན་པར་བྱའོ། །གང་ན་མཱ་མ་ཀཱི་གནས་པ་དེ་ན་ང་གནས་ལ། གང་ན་མཱ་མ་ཀཱི་གནས་པ་དེ་ན་ལག་པས་ཇི་ལྟར་བསྟན་པར་བྱ་བ་དེ་བཞིན་དུ་ས་ལ་ཡང་བྲིའོ། །ཕྱག་རྒྱ་གང་དག་གི་ཚུལ་གྱིས་བསྐུལ་བས་ཀྱང་མི་རྣམས་དངོས་གྲུབ་འགྲུབ་པར་འགྱུར་བསྟན་ན་དེས་ཆོ་
D746.095.0165b03.01ག་དང་། ལས་དང་། །གནས་རྣམས་ཀྱིས་ཀྱང་ལས་སུ་རུང་བར་བྱེད་དོ། །དེ་ནས་ཕྱག་རྒྱའི་ཚོགས་བསྟན་ནས་ལས་རྣམས་བྱ་སྟེ། མཐུ་སྟོབས་ཆེན་པོ་སྣ་ཚོགས་རྣམས་བསྟན་པར་བྱའོ། །དཀྱིལ་འཁོར་འདི་ནི་གསང་བའི་མཆོག་ཡིན་ནོ། །ང་ལ་བལྟ་བར་འདོད་པ་གང་
D746.095.0165b04.01ཡིན་པ་དེས་ནི་མཱ་མ་ཀཱི་ལ་སོགས་པའི་ཕྱག་རྒྱའི་ཚོགས་རྣམས་ཀྱི་ཕྱག་རྒྱའི་ཚོགས་རྣམས་ཀྱི་ཕྱག་རྒྱའི་དཀྱིལ་འཁོར་བལྟ་བར་བྱའོ། །ཕྱག་རྒྱའི་ཚོགས་ཀྱི་མིང་ཐོས་ནས་ཕྱག་འཚལ་བ་གང་ཡིན་པ་དེ་ནི་འཇིགས་པར་བྱ་བ་རྣམས་ཀྱིས་འཇིགས་པར་མི་འགྱུར་རོ། །ཅི་སྟེ་ཕྱག་རྒྱའི་ཚོགས་མ་མཐོང་ན་
D746.095.0165b05.01དེ་ལ་དམ་ཚིག་གིས་དངོས་གྲུབ་སྦྱིན་པར་མི་འགྱུར་རོ། །གང་གིས་མཱ་མ་ཀཱིའི་ཕྱག་རྒྱ་མཐོང་བ་དེའི་མདུན་དུ་ངས་དངོས་གྲུབ་སྦྱིན་པར་བྱའོ། །ཕྱག་རྒྱའི་ཚོགས་ཀྱིས་བསྐོར་བའི་མཱ་མ་ཀཱིའི་ཕྱག་རྒྱས་བཀོད་ལ་མཱ་མ་ཀཱིའི་གཟུགས་ཀྱང་གཞག་པར་བྱ་སྟེ། དེ་ནས་རིག་སྔགས་
D746.095.0165b06.01འཆང་གིས་མཱ་མ་ཀཱིའི་ཕྱག་རྒྱ་བལྟ་བར་བྱའོ། །དེ་ནས་མཱ་མ་ཀཱིའི་ལས་ཞི་བ་དང་། རྒྱས་པ་དང་། དྲག་ཤུལ་ལ་སོགས་པའི་ལས་བྱ་སྟེ། མཱ་མ་ཀཱིའི་མདུན་དུ་བཟླས་བརྗོད་བྱས་པ་དེས་བསྲུང་བར་བྱའོ། །མཱ་མ་ཀཱིའི་ཕྱག་རྒྱའི་ཚོགས་བྲིས་པ་གང་ན་འདུག་པ་དེ་ནང་ཕོ་ཉ་
D746.095.0165b07.01