完整藏文原文 · 德格版页 当前仅加载第 95 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
རྩེ་བྱེད་ཅིང་། །འབྱུང་པོའི་བདག་པོ་ཀུན་གྱིས་མཆོད། །འབྱུང་པོ་དག་གིས་ཕུལ་བ་ཡི། །ཁ་ཟས་ལ་སོགས་ཐམས་ཅད་ཟ། །གྲོང་ནི་གང་ལ་རྒྱལ་འདོད་ཅིང་། །ཡང་ན་ཕན་པར་འདོད་ཀྱང་རུང་། །བསྒྲུབ་ཕྱིར་ཡང་ནི་གཞིག་པའི་ཕྱིར། །དེར་ནི་འབྱུང་པོ་རྣམས་ཀྱང་གཏོང་། །དེས་ནི་མིང་
D746.095.0207b01.01གང་མ་བཀུག་པའི། །འབྱུང་པོའམ་འབྱུང་པོའི་ཚོགས་ཀྱང་རུང་། །དེ་ཡི་ལས་མཆོག་འདོད་ན་ནི། །དེ་ཡི་མིང་ཡང་སྨོས་པར་བྱ། །མིང་ནི་སྨོས་པ་དེ་ཡིས་ནི། །སྙེམས་པ་མེད་པའི་འབྱུང་པོ་ཡང་། །བཀུག་པ་མེད་པར་མྱུར་དུ་ནི། །བཀའ་བཞིན་བྱེད་པར་འགྱུར་བ་བསྟན། །དེ་ནི་མི་ཡི་
D746.095.0207b02.01འཁོར་དག་ཏུ། །སྒྱུ་འཕྲུལ་དུ་མ་བྱེད་པར་འགྱུར། །ལྷག་པར་འབྱུང་པོའི་འཁོར་དག་ཏུ། །སྤྱོད་པ་སྣ་ཚོགས་བྱེད་པར་འགྱུར། །སྲོག་ཆགས་མི་ལ་སོགས་རྣམས་ཀྱི། །སྲོག་ལ་དབང་བར་དེས་འགྱུར་རོ། །འབྱོར་བར་བྱ་བའི་ཕྱིར་ཡང་རུང་། །ཡང་ན་ལུས་ནི་གཞིག་ཕྱིར་དེས། །མིང་གིས་
D746.095.0207b03.01བཀུག་པའི་འབྱུང་པོ་ལ། །དགའ་བཞིན་བག་བརྐྱང་སྨྲ་བར་བྱ། །མིང་ལ་སོགས་པ་འདི་དག་གིས། །སྣ་ནི་ཤིན་ཏུ་ཆེ་བ་དང་། །ཤིན་ཏུ་རིང་བར་བྱོས་ཤིག་ཅེས། །བསྒོ་ན་དེ་བཞིན་བྱེད་པར་འགྱུར། །དེ་བཞིན་རྐང་ལག་བཞིན་མདོག་བསྒྱུར། །རིད་པ་དང་ནི་སྐམ་པ་དང་། །མ་རུང་བར་
D746.095.0207b04.01ནི་བྱོས་ཤིག་ཅེས། །བསྒོ་ན་དེ་ཚེ་དེ་བཞིན་བྱེད། །དེ་བཞིན་རྣམ་པ་མང་པོ་དང་། །ཤིན་ཏུ་འཇིགས་པ་སྣ་ཚོགས་སྟོན། །དེ་བཞིན་ཞི་བྱེད་སྣ་ཚོགས་ཀྱིས། །འབྱུང་པོ་སྒྲུབ་པ་རྩེ་བར་འགྱུར། །མི་འདོད་ན་ཡང་མི་རྣམས་དང་། །འབྱུང་པོ་མང་པོས་མཐོང་མི་འགྱུར། །རིག་སྔགས་འཆང་
D746.095.0207b05.01ཆེན་བཞིན་དུ་འགྱུར། །གང་ཞིག་རིག་སྔགས་རྟག་ཏུ་ཟློས། །ལྷ་ལ་ཡང་ནི་ཕྱག་འཚལ་ཞིང་། །རྟག་ཏུ་འབྱུང་པོ་རྣམས་ལ་ཡང་། །ཁ་ཟས་ཅི་འདོད་སྦྱིན་བྱེད་པོར། །དེ་ནི་ལྷག་པར་བདེ་འགྱུར་ཞིང་། །ཚེ་ཡང་ལྷག་པར་བསྐལ་པར་ཐུབ། །འབྱུང་པོ་མང་པོའི་རྒྱལ་པོ་མཆོག །གཙོ་བོར་
D746.095.0207b06.01ཡང་ནི་འགྱུར་བ་དང་། །ལྷ་ཡི་རྒྱལ་པོ་འདྲ་བ་ཡང་། །རྐྱེན་དུ་བབ་པར་བཤད་པ་ཡིན། །རྡོ་རྗེ་ལྕགས་ཀྱུ་མ་ཡི་བསྒྲུབ་པ་རྫོགས་སོ།། །།རྡོ་རྗེ་ལྕགས་ཀྱུའི་རིག་ལ་ནི། །རིག་སྔགས་དོན་ཀུན་གྲུབ་བྱེད་པ། །ལྷ་མོ་མཆོག་འགྲོར་གྲགས་པ་འདི། །སེམས་ཅན་རྣམས་
D746.095.0207b07.01