完整藏文原文 · 德格版页 当前仅加载第 95 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལན་བདུན་བཟླས་བརྗོད་བགྱིས་པས་བགྱིའོ། །ཆུ་སྲིན་ཀུམ་བྷི་རའི་ཁ་བཅིང་ན་གསེག་མ་ལ་ལན་བདུན་བཟླས་བརྗོད་བགྱིས་ཏེ་ཆབ་ཏུ་བོར་ན་ཁ་བཅིང་བར་འགྱུར་རོ། །སེང་གེ་དང་། སྟག་དང་། མ་ཧེ་དང་། གླང་པོ་ཆེ་དང་། རྒྱལ་པོ་དང་
D746.095.0044a01.01ཆོམ་རྐུན་གྱི་ནང་དུ་ཆུད་ན་བསམ་པར་བྱའོ། །རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སངས་རྒྱས་ཀྱི་སྐུ་གཟུགས་བྲི་བར་བྱ་སྟེ། གཡོན་རོལ་དུ་ནི་ལག་ན་རྡོ་རྗེ། གཡས་རོལ་དུ་ནི་འཕགས་པ་སྤྱན་རས་གཟིགས་དབང་ཕྱུག་གོ། །དེ་བཞིན་
D746.095.0044a02.01གཤེགས་པ་ནི་གསེར་གྱི་མདོག་ཅན་དུ་བྲིའོ། །ལག་ན་རྡོ་རྗེ་ནི་ལོ་བཅུ་དྲུག་ཙམ་ལོན་པའི་གཟུགས་འདྲ་བ། ཁ་དོག་སྔོ་བ་སངས་རྒྱན་ཐམས་ཅད་ཀྱིས་བརྒྱན་པར་བྲིའོ། །འཕགས་པ་སྤྱན་རས་གཟིགས་ཀྱི་དབང་ཕྱུག་གི་གཡས་རོལ་དུ་ནི་ལྷ་མོ་བྲི། དེ་ཡང་འདམ་བུ་
D746.095.0044a03.01མདའ་རྒྱུ་ལྟར་དཀར་བའོ། །འཕགས་པ་སྤྱན་རས་གཟིགས་ཀྱང་དེ་དང་འདྲའོ། །ལྷ་མོ་ནི་པདྨོའི་ཕྲེང་བས་བརྒྱན་པར་བྲིའོ། །དེའི་འོག་རོལ་ཏུ་སྒྲུབ་པ་པོ་པོག་ཕོར་ཐོགས་པ་བྲིའོ། །སྒྲུབ་པ་པོ་ཟླ་བ་གཅིག་གི་བར་དུ་ཟས་སུ་འོ་སྐྱོ་འཚལ་ཞིང་ཡར་གྱི་ངོ་ཚེས་བརྒྱད་
D746.095.0044a04.01ལ་མཆོད་པ་རྒྱ་ཆེན་པོ་བགྱིས་ཏེ། །ལྷ་མོ་ལ་འོད་ཟེར་བྱུང་གི་བར་དུ་བཟླས་བརྗོད་བགྱིའོ། །འོད་ཟེར་དེ་དེ་བཞིན་གཤེགས་པའི་ཞབས་ཀྱི་མཐེ་བོར་ནུབ་པར་འགྱུར་རོ། །དེ་ནས་དངོས་གྲུབ་ཏུ་འགྱུར་ཏེ་རྒྱལ་པོ་ཉིད་སྩོལ་ཏོ། །ཡིད་ཀྱིས་གང་བསམས་པ་དེ་དག་
D746.095.0044a05.01ཐམས་ཅད་འབྱོར་ཏོ། །ཡར་གྱི་ངོ་ཟླ་བ་ཉ་ནས་ཞག་གསུམ་སྨྱུང་བ་བགྱིས་ཏེ། རྒྱ་མཚོར་འབབ་པའི་ཆུ་ཀླུང་དུ་ཞུགས་ལ་པདྨ་འབུམ་བོར་ན་ལྷ་མོ་ཉིད་མཐོང་ངོ་། །དམ་པ་གང་བླངས་པ་དེ་སྙེད་དེ་རྒྱལ་པོ་ཉིད་དམ། རིག་སྔགས་འཆང་ཉིད་དུ་འགྱུར་རོ། །ཐ་མར་
D746.095.0044a06.01ཞག་གསུམ་སྨྱུང་བ་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་ཆོ་ག་རྫོགས་སོ།། །།དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ངས་ཀྱང་གང་གིས་རྡོ་རྗེའི་རིགས་དང་། ཆོ་ག་རྒྱས་པ་
D746.095.0044a07.01