完整藏文原文 · 德格版页 当前仅加载第 95 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོར་མའི་ཆོ་ག་རྒྱ་ཆེར་བགྱིས་ལ་མཚན་གྱི་སྟེང་དུ་ཞབས་གཡོན་པ་བཞག་སྟེ། རིག་སྔགས་བརྒྱད་སྟོང་བཟླས་བརྗོད་བགྱིས་ན་དེ་ནས་མཚན་ལས་འོད་ཟེར་ཅིག་བྱུང་སྟེ། དེས་རིག་སྔགས་འཆང་ལ་བསྐོར་བ་བགྱིས་ནས་མགོ་བོར་ནུབ་པར་འགྱུར་ཏེ། དེ་ནས་
D746.095.0022b01.01སྐྲ་ལྕང་ལོར་འཁྱིལ་ཞིང་གདུགས་ཤར་བ་ལྟ་བུའི་མདོག་ཅན་གྱི་རིག་སྔགས་འཆང་དུ་འགྱུར་རོ། །ཡིད་ཀྱིས་གར་འཚལ་བ་དེར་མཆི་བར་འགྱུར་རོ། །ལོ་དགུ་སྟོང་ཐུབ་པར་འགྱུར་རོ། །བཅོམ་ལྡན་འདས་འདི་ཡང་སྟོབས་དང་ཕ་རོལ་གནོན་པ་དཔག་ཏུ་མ་མཆིས་ཤིང་འབྱུང་
D746.095.0022b02.01པོ་ཐམས་ཅད་དང་། གནོད་སྦྱིན་ཐམས་ཅད་དང་། ཀླུ་ཐམས་ཅད་དང་། ལོག་འདྲེན་ཐམས་ཅད་ཀྱིས་མི་ཚུགས་པ་ལགས་ཏེ། རིག་པའི་རིགས་རྒྱུད་ཐམས་ཅད་ཀྱི་སྙིང་པོ་མཆོག་གི་གསང་སྔགས་བཤད་པར་བགྱིའོ། །ཊཀྐི་ཧཱུྃ་ཛཿ། འདི་དང་ཕོ་ཉ་མོ་རྣམས་ཀྱིས་
D746.095.0022b03.01ལས་ཀྱི་ཁྱད་པར་བརྗོད་པར་བྱའོ། སྙིང་པོའི་ལས་རྣམས་ནི་རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སྦྱིན་དང་མ་འདྲེས་པའི་ཚོན་གྱིས་སངས་རྒྱས་ཀྱི་སྐུ་གཟུགས་བྲི་བར་བགྱིའོ། །དེའི་གཡོན་རོལ་དུ་ཀུན་དགའ་བོ་དང་། གཡས་རོལ་དུ་ལག་ན་རྡོ་རྗེ་རྔ་ཡབ་
D746.095.0022b04.01ཐོགས་པ་བྲི་བར་བགྱིའོ། །བཅོམ་ལྡན་འདས་ནི་གསེར་གྱི་མདོག་ཅན་ནོ། །ཀུན་དགའ་བོ་ནི་སྔོ་བསངས་སོ། །ལག་ན་རྡོ་རྗེ་ཡང་སྔོ་བསངས་ཏེ་རྒྱན་ཐམས་ཅད་ཀྱིས་བརྒྱན་པའོ། །དེའི་འོག་ཏུ་སྒྲུབ་པ་པོ་ལག་ན་པོག་པོར་ཐོགས་པར་བྲིའོ། །དེ་ནས་ཡར་གྱི་ངོ་ནས་
D746.095.0022b05.01དགུང་གསུམ་སྨྱུང་བ་བགྱིས་ཏེ། རི་མོའི་སྐུ་གཟུགས་ཀྱི་མདུན་དུ་ལུང་ཐང་གི་ཤིང་གིས་ཞུགས་བུས་ལ་སྣ་མའི་མེ་ཏོག་མར་ལ་སྨྱུགས་པ་ལན་བརྒྱད་སྟོང་སྦྱིན་སྲེག་བགྱིས་ན། དེ་བཞིན་གཤེགས་པའི་དཔྲལ་བ་ལས་འོད་ཟེར་འབྱུང་སྟེ། དེ་ནས་དངོས་གྲུབ་ཏུ་འགྱུར་རོ། །
D746.095.0022b06.01དེས་ཡིད་ཀྱིས་གང་བསམས་པ་དེ་འབྱོར་པར་འགྱུར་ཏེ། །འཁོར་ལོས་སྒྱུར་བ་ཉིད་དམ། རིག་སྔགས་འཆང་ཉིད་ནི་མ་གཏོགས་སོ། །གཏོར་མ་རྒྱ་ཆེར་སྩལ་བར་བགྱིའོ། །མ་བསྒྲུབས་ཀྱང་ལས་རྣམས་སུ་འགྱུར་བ་ལགས་ཏེ། ལན་བདུན་བཟླས་བརྗོད་བགྱིས་
D746.095.0022b07.01