完整藏文原文 · 德格版页 当前仅加载第 95 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེར་མཆོད་ལ་གཏོར་མ་ཡང་རྒྱ་ཆེར་བགྱིའོ། །དེ་ནས་རིག་སྔགས་འཆང་གིས་སྣ་མའི་མེ་ཏོག་བརྒྱ་སྟོང་གིས་དེ་བཞིན་གཤེགས་པ་ལ་ཕོག་པར་བགྱིའོ། །དངོས་གྲུབ་ཀྱི་མཚན་མར་ནི་མར་མེའི་མེ་ལྕེ་གྱེན་དུ་མཆི་ལ་སྤུ་ཟིང་ཞེས་བགྱིད་ན་དངོས་གྲུབ་ཏུ་
D746.095.0042a01.01འགྱུར་རོ། །ཡིད་ཀྱིས་གང་བསམས་པ་དེ་སྩོལ་ཏེ་རིག་སྔགས་འཆང་ཉིད་དང་འདོད་པ་དང་ལྡན་པ་ནི་མ་གཏོགས་སོ། །ལས་ཐམས་ཅད་དུ་ཡང་སྦྱར་བར་བགྱི་སྟེ་ཡིད་ཀྱིས་ལས་བགྱིའོ། །རྡོ་རྗེ་སྡེའི་ཆོ་ག་རྫོགས་སོ།། །།དེ་ནས་མུ་དྷ་ད་ཀས་ལག་ན་
D746.095.0042a02.01རྡོ་རྗེ་ལ་འདི་སྐད་ཅེས་སྨྲས་སོ། །ཡབ་བདག་ནི་ཁྱོད་ཀྱི་རིག་སྔགས་ཀྱི་ཆོ་ག་རྒྱས་པ་ཐམས་ཅད་ལ་བགེགས་བགྱིད་པ་ལགས་མོད་ཀྱི། གང་དག་རིག་པ་མཆོག་བསྒྲུབ་པ་དེ་དག་ལ་བདག་སླར་བཅིང་བ་སྩལ་བར་བགྱིའོ། །བདག་བཅིངས་ན་རིག་སྔགས་འཆང་བ་དེ་ལ་
D746.095.0042a03.01སུ་ཡང་བགེགས་བགྱིད་པར་མི་འགྱུར་རོ། །བཞིན་{བཟངས་,བཟང་}དེ་དེ་བཞིན་ཏེ། བདག་བཅིང་བ་སྨྲོས་ཤིག་སྨྲོས་ཤིག །དེ་ནས་མུ་དྷ་ད་ཀས་ལག་ན་རྡོ་རྗེའི་རྐང་པ་གཉིས་ལ་གཏུགས་ཏེ། བདག་བཅིང་བའི་གསང་སྔགས་སྨྲས་པ། ན་མོ་རཏྣ་ཏྲ་ཡ་སྱ། ན་མ་ཤྩཎྜ་
D746.095.0042a04.01བཛྲ་པཱ་ཎི་སྱ། ཏ་དྱ་ཐ། རྫི་རྫི་རུ་རུ་ཁ་རི་བི་ཁ་རི། ཏིཥྛ་ཏིཥྛ། ཙ་ལ་ཡ་ཙ་ལ་ཡ། བཛྲ་པཱ་ཎི་སྱ། ཨ་ཀྲོ་དྷ་བྷ་ཤ་དྷཾ། སྨ་ར་སྨ་ར། བྷནྡྷ་བྷནྡྷ་སྭཱ་ཧཱ། ལག་ན་རྡོ་རྗེ་དང་མུ་དྷ་དཀའི་མདུན་དུ་མེ་ཏོག་དམར་པོ་དང་བདུག་པས་མཆོད་ལ། དེ་ནས་སྒྲུབ་པའི་དུས་ན་སྲད་
D746.095.0042a05.01བུ་དཀར་པོ་ལ་མདུད་པ་གསུམ་དོར་རོ། །སུ་ཞིག་རྟག་ཏུ་འཆང་བ་དེ་ལ་ཐམས་ཅད་དངོས་གྲུབ་ཏུ་འགྱུར་རོ། །སྒྲུབ་པ་ཐམས་ཅད་དང་ལས་ཐམས་ཅད་དུ་ཡང་སྤྲ་ཚིལ་ལས་མུ་དྷ་དཀའི་གཟུགས་བགྱིས་ཏེ། ལག་པ་གཡོན་ན་མདུང་རྩེ་གསུམ་པ་ཐོགས་པར་བགྱིའོ། །
D746.095.0042a06.01དེ་ནས་རིག་སྔགས་འཆང་གིས་ཙན་དན་དམར་པོའི་མདུང་རྩེ་གསུམ་པས་སྙིང་གར་བཙུགས་པ་དེའི་འོག་ཏུ་རྡེའུ་ནག་པོས་བཀང་སྟེ། དངོས་གྲུབ་སྩལ་གྱི་བར་དུ་གཞག་པར་བགྱིའོ། །དེ་ནས་རིག་སྔགས་འཆང་གིས་མདུང་རྩེ་གསུམ་པ་ཕྱུང་ལ་འོ་མས་བཀྲུས་ཏེ། རིག་
D746.095.0042a07.01