完整藏文原文 · 德格版页 当前仅加载第 95 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་བགྱིས་པའི་མེ་ཏོག་གཏོར་རོ། །བཅིངས་ན་ཆབ་ཀྱིས་བགྱིའོ། །བརྡེག་ན་སེ་གོལ་གཏོགས་པར་བགྱིའོ། །ཚར་བཅད་ན་རྩྭ་ལ་ལན་བདུན་སྔགས་ཀྱིས་བཏབ་ལ་མགོ་ལ་བཞག་ན་མྱོས་པར་འགྱུར་ཏེ་གདོན་འབྲོས་སོ། །གཅོད་ན་བ་ལང་གི་
D746.095.0039a01.01ལྕི་བ་ལས་གཟུགས་བགྱིས་ལ་ས་ལ་མཚོན་རྣོན་པོས་བཅད་ན་བཅད་པར་འགྱུར་རོ། །གདོན་བསྡིགས་པ་དང་རྒྱུག་ཏུ་གཞུག་ན་མཛུབ་མོས་བསྡིགས་པར་བགྱིའོ། །གདོན་དཀྱིལ་འཁོར་དུ་གཞུག་ན་རྡོ་རྗེའི་ཕྱག་རྒྱས་བསྣུན་ན་དཀྱིལ་འཁོར་དུ་གཞུག་གོ། །གདོན་
D746.095.0039a02.01འབྲོས་པར་བགྱི་ན་གདོན་གྱི་མདུན་དུ་ལན་བརྒྱ་རྩ་བརྒྱད་སྦྱིན་སྲེག་བགྱིས་ན་གདོན་ངུ་ཞིང་འབྲོས་སོ། །གདོན་སྤོ་ན་ཡིད་ཀྱིས་གར་འཚལ་བ་དེར་རྦད་དོ། །དུག་དབབ་ན་སྲ་རྩི་པོག་གི་བདུག་པས་བགྱིའོ། །ཕུར་བུ་དབབ་ན་ལུང་ཏང་གི་ལོ་མའི་བདུག་པས་བགྱིའོ། །
D746.095.0039a03.01རིམས་དབབ་ན་ཀ་ར་བཱི་རའི་མེ་ཏོག་གི་བདུག་པས་བགྱིའོ། །རིམས་ཞག་བཞི་པ་དབབ་ན་མདས་བགྱིའོ། །བསྲུང་བ་བགྱི་ན་ལན་བདུན་བཟླས་བརྗོད་བགྱིས་པའི་སྲད་བུས་བགྱིའོ། །ཆང་མ་རུང་བར་བགྱི་ན་གསེག་མ་ལ་ལན་བདུན་བཟླས་བརྗོད་བགྱིས་ལ་ཁང་སྟེངས་སུ་
D746.095.0039a04.01བོར་ན་ཆང་མ་རུང་བར་བགྱིས་པར་འགྱུར་རོ། །གདོན་གྱིས་བཏབ་པར་བགྱི་ན་ཡིད་ཀྱིས་བགྱིའོ། །སྐྱེས་པ་དང་བུད་མེད་དབང་དུ་བགྱི་ན་མར་གྱི་ངོ་ཞག་བརྒྱད་ནས་བརྩམས་ཏེ་གདུགས་བདུན་དུས་གསུམ་དུ་ཕྲུ་མ་ལས་ལན་བརྒྱ་སྟོང་སྦྱིན་སྲེག་བགྱིས་ན་དབང་དུ་འགྱུར་རོ། །
D746.095.0039a05.01དབྱེ་བར་བགྱི་ན་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། ལག་ན་རྡོ་རྗེའི་མདུན་དུ་སྐྱེས་པའི་སྐྲ་ལས་ལན་བརྒྱ་སྟོང་སྦྱིན་སྲེག་བགྱིས་ན་དབྱེ་བ་བགྱིས་པར་འགྱུར་རོ། །རོ་ལངས་སྒྲུབ་པར་འཚལ་བས་ཚེས་གྲངས་དང་སྐར་མ་འདམ་མི་འཚལ། སྨྱུང་བ་
D746.095.0039a06.01བགྱི་མི་འཚལ་བར་བུད་མེད་ཀྱི་རོ་ལངས་ལ་སྤོས་དང་བདུག་པས་མཆོད་དེ་མགོ་ཤར་ཕྱོགས་སུ་བསྟན་ལ། དེ་ནས་རིག་སྔགས་འཆང་གིས་རྡོ་རྗེ་བཞད་མ་བརྗོད་པར་བགྱིས་ན་བུད་མེད་དེ་དགོད་ཅིང་ལྡང་བར་འགྱུར་ཏེ་དེ་ལ་ཉལ་པོ་བགྱིའོ། །གལ་ཏེ་མ་ནུས་ན་རིག་སྔགས་
D746.095.0039a07.01