完整藏文原文 · 德格版页 当前仅加载第 95 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
རིག་སྔགས་གདོན་དྲག་པ། །མཐུ་དྲག་གནས་པ་དེ་དག་ནི། །མཐུ་ཉིད་ཀྱིས་ནི་བསྒྲུབ་བྱ་ཞིང་། །འདི་ལ་དཔྱད་པར་མི་བྱའོ། །དཀྱིལ་འཁོར་དེ་ཡི་ཕྱོགས་ཀུན་དུ། །འབྱུང་པོའི་ཚོགས་ཀུན་གནས་ཀྱང་བྱ། །གཏོར་མ་དང་ནི་བདུག་པ་རྣམས། །
D746.095.0191a01.01རབ་ཏུ་རྒྱས་པར་མཆོད་པར་བྱ། །དེ་ནས་གདོན་ནི་དུལ་བ་ཡིས། །ཐེམས་པར་གྱུར་ན་མཆོད་པར་བྱ། །མི་བཟད་ལ་ནི་སྣར་བླུགས་དང་། །མིག་བསྐུ་བ་དང་བཏུང་པ་དང་། །སྦྱིན་སྲེག་སོགས་པས་གཞིག་པར་བྱ། །གདོན་གྱིས་དྲག་ཏུ་བཏབ་པ་ལ། །དལ་ནས་བཟུང་བས་ཡོངས་མི་བྱ། །དལ་ནས་བྱས་
D746.095.0191a02.01པ་སྨན་པ་ཉིད། །མི་བཟད་གདོན་གྱིས་བཅོམ་པར་འགྱུར། །དེ་ཕྱིར་སྨན་པ་མི་བཟད་པ། །གཏུམ་ཞིང་སྤྱོད་པ་རིག་པ་དང་། །བརྟན་མཆོག་དགའ་ཞིང་སྤྲོ་བ་དང་། །སྙིང་སྙོམས་རིག་སྔགས་བརྩོན་པ་ཡིས། །ཁྲོས་ནས་མཐུ་ནི་གནས་བྱ་ཞིང་། །
D746.095.0191a03.01བརྡེག་པའམ་ཡང་ནི་བསྡིགས་པར་བྱ། །དུལ་བའི་གདོན་ནི་དང་བ་ཡིས། །དེ་མ་ཐག་ཏུ་འགྲུབ་པར་འགྱུར། །དཀྱིལ་འཁོར་ཕྱིན་ང་བཅས་པར་ཡང་། །གཏོར་མའི་ལས་ནི་བྱ་བ་དང་། །ཁུར་བ་དང་ནི་གཞིབས་པ་དང་། །ཁ་ཟས་ཅི་འབྱོར་རིམ་བཞིན་དབུལ། །དམ་ཚིག་ཅི་རིགས་
D746.095.0191a04.01སྦྱིན་པར་བྱ། །རིག་སྔགས་འབྱུང་པོ་ལ་སོགས་ཀྱི། །གཏོར་མ་ཀུན་ནི་ཅི་སྙེད་སྦྱིན། །གདོན་ཀུན་ལ་ནི་མཆོད་པར་བྱ། །བཅོམ་ལྡན་ཉིད་ཀྱིས་བཤད་པ་བཞིན། །བདེན་པར་སྨྲ་ཞིང་དམ་ཚིག་ཤེས། །སློབ་དཔོན་ཕྱིར་ནི་འདིར་བརྩོན་པའི། །སློབ་མ་དམ་ཚིག་འཛིན་དུ་
D746.095.0191a05.01གཞུག །ཐམས་ཅད་ཀྱི་ནི་ཕྱག་རྒྱའི་ཚོགས། །སྐྲག་པར་བྱ་དང་མཆོད་བྱ་དང་། །དེ་དག་ཐམས་ཅད་གཡོན་པ་ཡིས། །རྣམ་པ་ཐམས་ཅད་བསྟན་པར་བྱ། །རྡོ་རྗེ་གོམ་པར་འདོར་དང་འཇིག །ཅིག་ཆར་ཡོངས་སུ་བསྒྱུར་བ་དང་། གཡོན་པས་བརྡབ་པར་བྱ་བ་དང་། །རྒྱགས་
D746.095.0191a06.01པའི་སེང་གེ་སྒྲ་བསྒྲགས་དང་། །མཛུབ་མོ་བསྟན་ཏེ་ཧཱུྃ་ཞེས་བྱ། །ཤིན་ཏུ་སྒྲ་ཡང་རབ་ཏུ་བསྐྱེད། །རྡོ་རྗེ་རིགས་ཅན་སྐྱེས་པ་ཡིས། །སློབ་དཔོན་གྱིས་ནི་བསྟན་པར་བྱ། །ལྷ་ཡི་གདོན་ནི་ཐམས་ཅད་ཀྱི། །རྟགས་ཀྱི་ཕྱག་རྒྱ་ཚོགས་བཤད་པ། །རྐྱེན་དུ་བབ་པ་གང་ཡིན་པའི། །
D746.095.0191a07.01